ريم ماجد: عندى كلمتين في جناب اللي اتريقوا على زوجة د.مرسي .. عيب عليكم (فيديو)

اكدت الاعلامية ريم ماجد رفضها التام لاى محاولات من البعض للسخرية من زوجة الدكتور محمد مرسي الرئيس المنتخب .

وقالت خلال برنامج "بلدنا بالمصرى " اننا نؤكد ان زوجة الدكتور مرسي ليست فوق النقد او المسائلة ولكن فى الاطار الذى يستحق ذلك وليس بهذا الشكل القبيح والخارج عن حدود الادب واللياقة .

واضافت بحدة :" معلش بس ومتاخذونيش انا عندي كلمتين في جناب ان جاز التعبير يعني في جناب اللي مش عارفة باي امارة سمحوا لنفسهم بنوع غريب وعجيب وسخيف من الطبقية والتعالي اللي مالهمش اي امارة يقرروا ان الست الفاضلة زوجة الدكتور محمد مرسي ماهياش قد مقام انها تكون سيدة مصر الاولى وعشان يزودوا الطينة بلة قالولم اصلها مش شبه الستات المصريات!!! لا والله؟!!! الا الست نجلاء او "ام احمد" زي ما بيحلالها ".

وقالت مشيدة بتربية زوجة الدكتور مرسي لابنائها :" بالمناسبة هي مستغنية أصلا عن اللقب ومش عايزاه يخلق من شبهها بدل 40 40 مليون ست مصرية ما بين جدة وام وست جدعة واصيلة كافحت زيها زي امهات مصريات كتير وربت خمس عيال احسن تربية وما نعرفش عنها لحد دلوقتي غير كل خير.. فعيب عليكم".

وختمت ريم ماجد بالقول :" ماهياش فوق النقد دة اكيد وزي ما هنقف للرئيس على الواحدة هنقف لزوجته ولاولاده ولاهله وعشيرته واللي يتشدد له ويتشدد لهم كمان بس بالاصول مش بقلة الاصل على اي حال زي ما في ناس اتريقت وخدتها الانعرة والنفخة الكدابة زي ما فيه ناس تانية واظن انهم الاغلبية مش موافقين على الكلام ده مطلقا ".