خلي بالك.. العقد شريعة المتعاقدين

فيما يلى بعض المفاهيم القانونية تقدمها شبكة الاعلام العربية "محيط " بشكل مبسط ولهجة دارجة كى يسهل استيعابها من المستفيد منها كالتالى :
"كتير مننا بيسمع محامي أو حتى أي شخص يقولك "العقد شريعة المتعاقدين"! "يعني إيه الكلام ده؟ .....هو ببساطه... ان بنود العقد اللي حضرتك وقعت عليها كطرف اول أو ثاني هي القانون "اللي" لو حصل لا قدر الله اي اختلاف او خلاف بخصوص العقد هيطبق، ويكون المرجع والحكم .....طالما ان العقد وبنوده لا يخالف النظام العام ولا الآداب... .
و"علشان "كده لازم تخلي بالك ....وتقرأ العقد كويس... ولومش فاهم أي بند مكتوب ...تسأل قبل ما توقع ...لأن توقيعك على العقد معناه إنك موافق على كل البنود ...حتى لو كانت ضد مصلحتك... بس الكلام ده لابد انه يكون لا يخالف شرعا ولا قانون، يعني الأصل في العقود التراضي . تنص المادة 147 من القانون المدنى المصري على ان : العقد شريعة المتعاقدين ، فلا يجوز نقضه ولا تعديله الا باتفاق الطرفين ، او للاسباب التى يقررها القانون ومع ذلك اذا طرأت حوادث استثنائية عامة لم يكن فى الوسع توقعها وترتب على حدوثها ان تنفيذ الالتزام التعاقدى ، وان لم يصبح مستحيلا ، صار مرهقا للمدين بحيث يهدده بخسارة فادحة ، جاز للقاضى تبعا للظروف وبعد الموازنة بين مصلحة الطرفين ان يرد الالتزام المرهق الى الحد المعقول . ويقع باطلا كل اتفاق على خلاف ذلك . يبقي متنساش ان "العقد شريعة المتعاقدين"