الحلاق.. من الذهاب للبيوت إلى الحجز عن طريق الفيس بوك وتويتر

مهنة الحلاق هي أحد المهن القديمة التي ارتبطت عند المصريين ببعض المناسبات الاجتماعية كالأعياد وعمليات "الطهور" والأفراح وغيرها.
وهناك نوعان من الحلاقين في مصر، حلاق يملك يعمل بالمناطق "الراقية"، وآخر يعمل بالمناطق الفقيرة والشعبية .
وقد دخلت شبكة الإعلام العربية "محيط" عالم الحلاقين، لتستطلع منهم رؤيتهم للمهنة وتطورها، والفارق بين حلاقة اليوم وحلاقة "زمان".
يقول الأسطى حسن والذي يعمل حلاقا وعضو برابطة المصففين المصرية ويملك محل صغير بالقرب من ميدان الجيزة "زمان كنا بندور على الزباين علشان نحلقلهم.. ولكن دلوقتي أنا مش بلاحق عليهم الحمد لله وخصوصا يوم الوقفة"،
ويضيف حسن أن ليوم الوقفة طقوس خاصة حيث يصحو فيه من النوم مبكراً، بالنسبة لأوجه الشبه والاختلاف بين حلاقة الآن وحلاقة الماضي يقول الأسطى حسن "أنا شايف إن الحلاقة زمان كانت حاجة ممتعة وكنت بفرح لما يجيلى شغل وكانت قيمة الحلاقة زمان 2 جنيه، ودلوقتى الزباين بيحجزوا بالتليفون قبل لما ييجوا وبيكلمونى عشان احجزلهم دور في الحلاقة عكس زمان كان الحلاق هو اللى بيروح للزبون لحد بيته، وإحنا دلوقتي بندشن نقابة الحلاقين علشان الناس اللي ظروفها تعبانة نحاول نقف جنبهم".
في الوقت نفسه أكد رؤوف، والذي ملك محل تصفيف شعر بأحد الأحياء الراقية بمنطة الهرم "أن وقفة العيد تعتبر هيا الموسم بتاعنا علشان كده بنقعد شغالين في المحل أول وتاني أيام العيد"، وأضاف أنه يعشق مهنة الحلاقة، وأن سبب عشقه لها هو عشقه للرسم، فكلاهما يغير الشكل الموجود أمامه.
وأكد رؤوف أن مهنة الحلاق لها تقدير كبير بالدول الغربية، فهم يعتبرون الحلاق فنان يغير شكل زبونه، ونوه إلى أن الحلاقة اختلفت عن الماضي كثيراً، ويقول أنه حاصل على كورسات من الجامعة ، وكان لاعب كرة قدم درجة تانية، واستطرد أن زبائنه الآن يحجزون لديه عبر "فيس بوك" و"تويتر".
{عم حسين }حلاق بمنطقة منيل الروضة قال"فى البداية احب اعيد على كل المصريين واقولهم كل سنة وانتم طيبين ،ثانيا يوم الوقفة ده بيبقى اصعب يوم فى حياتى عشان الزباين بيبقوا مستعجلين على الحلاقة كلهم فى وقت واحد ولكن طبعا كلها فرحة حلوة والفرق بين الحلاقة زمان ودلوقت ان الحلاقة زيها زى اى حاجة فى حياتنا بركتها قلت وبالنسبة لفرق اسعار الحلاقة زمان كان سعر الحلاقة عندى 1جنيه ولكن ددلوقتى الحلاق عندى 80 جنيه وفيه ناس حوالينا بتحاسب الزبون على 200 جنيه فى الحلاقة وطبعا ده بحكم الحى الراقى اللى شغالين فيه وياريت حلاقة زمان ترجع تانى بدل البلاوى اللى بنشوفها من الزباين والقصات الغريبة اللى بيطلبوها خاصة قصات لاعبى كاس العالم ومعظم الناس اللى جاتلى النهاردة طالبين التسريحات دى وطبعا انا مفهمتش قصدهم عشان فرق السن الكبير اللى بينا وطالبتهم بالانصراف .