الوايت نايتس للداخلية: «هو ده تمامكم»

قام ألتراس وايت نايتس بمهاجمة قوات الأمن المكلفة بتأمين ملعب استاد الدفاع الجوي والذي يحتضن مباراة نهائي كأس مصر بين الزمالك وسموحة ، وذلك بعدما رفضت الداخلية حضور الجمهور فى نهائى الكأس مساء اليوم السبت.
وقالت الرابطة عبر صفحتها الرسمية بموقع التواصل الاجتماعى "فيس بوك": "قلتله إمنع يا وله .. إمنع يا وله"
احنا عارفين أنكو مش بترازو جمهور الكورة، لاء إحنا عارفين أن هو ده تمامكم فعلا، أنتو فعلا أكتر هشاشة من أنكم تأمنوا متش، أكتر هشاشة من أنكو تتعاملوا مع أى حاجة وتنجح أو تفهموا إيه دوركو أصلا، إحنا كنا مدركين ده تماما عشان كدة طالبنا بابعادكم عن الكورة، احنا مدركين الحالة النفسية الصعبة اللي أفقدتكو صوابكو لغاية دلوقت، بس حاولوا، يعني حاولوا تحسسونا أن الداخلية اللي ضدنا، ضدنا لأنها قوية ولما بتمنع بتلغي النشاط الرياضي كله، لأن هو ده كدة كدة اللي هيحصل في حالة إستمرار منعنا، مش وزارة كاملة مسحولة في تبرير المنع تارة والوعود تارة، وشغل النشالاين ده! أخشوشنوا كدة واطلعوا قولوا أنكو قضيتوا على الإرهاب وحليتوا كل مشاكل البلد بس الناس اللي هناك دول بلاش منها، فين أيام التشويه الجميل؟
فخد يا باشا، وأنزل إشتري كحك، الكحك جميل.. وكل عام وأنتم بخير".
يذكر أن جماهير الزمالك قد قامت أيضا بمهاجمة أتوبيس فريق سموحة ورشقوه بالحجارة.