بالفيديو.. عمرو أديب: لأول مرة أقولكم لازم ناخد بكلام «مرسي»

عرض الإعلامي عمرو أديب، فيديو للرئيس الأسبق محمد مرسي، أثناء إلقائه كلمة باحتفالية ليلة القدر، خلال فترة حكمه، يحذر فيها من قطع الطرق واستخدام العنف كوسيلة للاحتجاج، وعلق "أديب" مُصفقًا: "يا عيني يا ريس، أنا كمان أصقفلك يا مرسي إيه الجمال دا".
وأضاف أديب خلال برنامجه "القاهرة اليوم"، المذاع على فضائية "اليوم"، أمس الإثنين: "أول مرة أقولكم عايزين ناخد كلام مرسي نطبقه، لأول مرة أقولكم إن كلام الرئيس مرسي دا درر، أنا نفسي ناخد الكلام دا ونوديه للإخوان محدش يقطع الطريق يا جماعة".
وتابع ساخرا: "أي حد عنده مشكلة يروح يقول لمرسي عنوانه معروف فين، والله درر كان مالي حياتنا، الحياة كان فيها ريحة كدة، كل يوم الواحد كان يبقى عنده شغل، ما هو كان من ناسا بقى واللي جاي من عند الأمريكان، على رأي أمي الله يرحمها كانت تقولي مفيش حاجة من الغرب تسر القلب".