بالفيديو.. 'عمرو أديب' يعرض خطاب ل'مرسي'علي الهواء ويصفق له: لأول مرة أقولكم عايزين ناخد كلامه ونطبقه

عرض الإعلامي عمرو أديب، فيديو للمعزول مرسي العياط، أثناء إلقائه كلمة باحتفالية ليلة القدر، خلال فترة حكمه، يحذر فيها من قطع الطرق واستخدام العنف كوسيلة للاحتجاج، وعلق 'أديب' مُصفقًا: 'يا عيني يا ريس، أنا كمان أصقفلك يا مرسي إيه الجمال دا'.
وأضاف 'أديب' خلال برنامجه 'القاهرة اليوم'، علي فضائية 'اليوم'، مساء الاثنين: 'لأول مرة أقولكم عايزين ناخد كلام مرسي نطبقه، لأول مرة أقولكم إن كلام الرئيس الراحل مرسي دا درر، أنا نفسي ناخد الكلام دا ونوديه للإخوان محدش يقطع الطريق يا جماعة، محمد مرسي يبشبش الطوبة اللي تحت راسة'.
وتابع: 'أي حد عنده مشكلة يروح يقول لمرسي عنوانه معروف فين، والله درر كان مالي حياتنا، الحياة كان فيها ريحة كدة، كل يوم الواحد كان يبقي عنده شغل، ما هو كان من ناسا بقي واللي جاي من عند الأمريكان، علي رأي أمي الله يرحمها كانت تقولي مفيش حاجة من الغرب تسر القلب'