واحد بيكلم نفسه .......من غلبه‎

عملنا ثورة علشان العيشه واللي عايشنها قتلوا اللي عايشنها بعدها بعدها قالوا ارحل مش عارف تعيشنا ولما تهيأ انه رحل لقوا عيشه بردوا مش عيشه قالوا يسقط حكم العسكر يعني اللي معيشنا عيشتنا اللي مش عيشه وبدأوا يقتلوا في اللي عايشين مش عايشين تاني هما مش مصريين بردو زيهم زي المجندين بس الاول كانوا بيخلوا ضباط في شعب ودلوقتي ارهابيين في جيش ودي مش اول مره ده حصل كده كتير في عهد المتخلي او اللي مكنش مخلينا عايشين وكانوا بيداروا علشان نفضل عايشين ومش فاهمين ولا حاسين وده طبعا بان دلوقتي علشان يضربوا عصفورين بحجر في الثوره وشهداء الثوره وفي ابو احمد والاخوان علشان افرج من حوالي 3 اسابيع عن 13-14 ارهابي ويبقي الارهاب جاي من مرسي ويستعيد الجيش مكانته بين الشعب زي زمان واكتر شويه علشان معظم الشعب فاهم ان الشهيد لازم يكون لابس مموه او لبس جيش يعني ونفتكر جيشنا ويخافوا من اسرائيل بردوا اصل عندهم عقده من الحرب مع اسرائيل ونسينا الثوره وخلينا في الحرب اللي جايه والشعب يرجع يقول الجيش والشعب ايد واحده وينسي الشعب ان الثورة دي هي البطوله الوحيده اللي عملها في حق نفسه علشان يغير عيشته اللي عايشها بس ازاي ... لازم الجيش واخد دور البطوله علطول ويبقي الجنه لشهداء الجيش وننسي اللي ماتوا بردوا علشانهم وننسي الثوره و العيشه اللي مش عايشين فيها وكبر دماغك من يسقط حكم العسكر وخلينا فيه علشان هو حامينا واللي حاميها حراميها ونرجع زي زمان وتعود ريما لعادتها القديمه وبدل ما الثوره تكون علي الراس تداس بالمداس والجيش يفضل واكل العيش ........
ملحوظه
الجيش مني ومنك بس المجلس العسكري ولا مني ولا منك
ونغير المجلس نغيره ولا نرضي عن جيشنا بديلا
ورحم الله شهدائنا الابرار
في الثوره وفي جيشنا
وحسبنا الله ونعم الوكيل