أقصي وأدني

خط رفيع والفاصل سن
بين ناس عايشة وناس بتئن
دول بيقولوا يدوب الأدني
والتانيين أموال بالطن
***********
حتي الأدني زي السلم
درجات نازلة لحد القهر
ناس في دقيقة بتاخد مهر
وولاد دايخة طول الشهر
حرت وفحت وردم وقهر
***********
وهو يدوب م الأيد للبق
و ساعات برضه اللقمة تشق
وفوق الرأس الفقر يدق
ويبوس إيده وش وضهر
والتانيينمفتوح النهر
ولا علي باله منين ولا فين
ولا فيه دمعة تلف العين
ولا وسواس بيوسوس زن
***********
ولا أحلام عمرها ما بتكمل
كأنه كابوس في الودن وطن
أو أصوات بتودع ميت
طلق دنيا لجنته حن
**********
لحظة موته البسمة تزوره
لما غطاه إنشال وإتكن
شاف الجنة قام واتبسم
ريح الجنة عليه بينسم
**********
عمره ما شاف الراحة وكن
عاش الدنيا ينكت فن
نديله حقه حتي الأدني
أو هنسيب أفكاره ترن