العدوان الثلاثى الجديد

بريطانيا العظمى _ الولايات المتحدة الأمريكية _ العدو الصهيونى .
بعض الناس الغير مهتمين بالتاريخ هايشوفوا كلامى غير واقعى .
والبعض الآخر من المهتمين هايشوفوه منطقى خصوصا ان الاحداث بتثبت ده كل يوم .
ومازلت بأكد ان قرائة التاريخ بعناية بتعرفنا عدونا واهدافه وأساليبه وبتخلينا نفسر الواقع ونشوف المستقبل
وتعالو نرجع بالذاكرة لورا شوية هنلاقى ان اللى صنع الكيان الصهيونى هو اللى صنع الوهابية والأخوان والبهائية والباباوية وهى بريطانيا العظمى وسبب صناعتهم تدمير الأسلام من الداخل بطريقة حصان طروادة وحماية الكيان الصهيونى وهنلاقى ليهم صلة جوهرية بالهاربين من فتح مكة من اليهود والمشركين واللى انتشروا فى بلاد العرب ورجعوا بعد وفاة الرسول عليه الصلاة والسلام فى صورة أولياء وعلماء وتجار وكان منهم قاطع الطريق محمد بن عبد الوهاب اللى أول مارجع اقتحم مسجد وقبر الرسول عليه الصلاة والسلام ودبح المصلين وسرق محتوياته ودمر معالمه بحجة ان الصلاة فى القبور حرام رغم ان قبر الرسول عليه الصلاة والسلام هو مكان الدفن مش المحيط به.
وفورا المخابرات البريطانية جندته لحماية اليهود الصهاينة وقت تجميعهم فى شبه الجزيرة العربية قبل تسفيرهم لفلسطين وكان معاه سعود مقابل 500 جنيه استرلينى ..
وتعالو نسأل نفسنا كام سؤال ..
يعنى ايه دولة اسلامية ؟
يعنى ايه شريعة ؟
لو كان فعلا اسامة بن لادن اخترق الاجواء الامريكية وقدر يضرب ويحرق ويفجر .. ليه ماحاربش تل ابيب ووضع جيوشه وسلاحه وامواله تحت امر المقاومة الفلسطينية وما اقصدش حماس ؟
لما دخلوا الصومال عملوا فيها ايه ووصلوها لأيه ؟
لما دخلوا العراق ؟
لما دخلوا السودان ؟
لما دخلوا لبنان ؟
لما دخلوا سوريا ؟
هما بينفذوا ارادة الامريكان والصهاينة فى تفتيت الوطن العربى والأمة الاسلامية .
هما جيوش مرتزقة بيحاربوا بالوكالة لحساب امريكا وبريطانيا واسرائيل .
الجهاد فى سبيل الله هناك فى القدس واحنا بنحرر وطننا عشان نوصل للقدس .
الجهاد والشريعة انك تكفر المسيحى اللى رسولى اللى انا تابع ليه عليه الصلاة والسلام قال فيه ( من أذى ذمياً فقد آذانى وانا خصيمه يوم القيامة ) وسماه ذمياً يعنى من اهل الزمة والعهد مش كافر .
الشريعة مش قمع بنت لابسة ضيق او عريان والا ماكانش الرسول عليه الصلاة والسلام قال ( غُض بصرك ) واكيد مش هاتفض بصرك عن شئ غير مرئى وده معناه ان فى عهد الرسول كان موجود مايستدعى غض البصر من الطرفين ومع ذلك ماوصفهمش بالكفر .
الشريعة مش انك تتقمص دور الاله وتحدد مين هايدخل الجنة ومين هايدخل النار .
ولو رصينا مكعبات الأحداث جنب بعضها هنلاقى من بداية الثورة فى تلميعة حصلت للأخوان ولثوار اكتشفنا خيانتهم بعد كده وهنلاقى اصرار على الانتخابات قبل الدستور وهنلاقى نهاية الماراثون مابين شفيق ومرسى ومعروف ان شفيق مستحيل تقبله الثورة وكذلك مرسى لكن نفس الثوار بتوع الليمون والكاميرات ضحكوا على الناس بأوامر امريكية بتلميع مرسى لان مرسى هاينفذ خطة التقسيم ببراعة لانه اصلا جاسوس واللى عملوا ( جيشى الوطنى ) انه دمر خطة بقالها اكتر من 200 سنة واللى عمله الجيش يشبه فى حالته قرار تأميم قناة السويس وناصر الله يرحمة برضه دمر خطة بقالها كتير اوى بتأميم القناة وكان الحل استقالة كل المرشدين الانجليز والفرنساويين لإظهار مصر غير قادرة على قيادة القناة وساعتها ناصر استعان بكل الضباط اللى معاهم شهادات أعالى البحار ودمر خطتهم ماكانش قصادهم بعد فقدان سيطرتهم على اعصابهم غير الحرب وكذلك ده اللى بيتخطط ليه دلوقتى وإظهار الاخوان بأعداد كبيرة قدر المستطاع عن طريق شراء مرتزقة من تونس وليبيا والمغرب والجزاير والسودان وسوريا بخلاف حماس وتحويل الأمر لحرب اهلية بأى شكل ولو لاحظتم انهم بينزلوا اماكن زى الجيزة مثلا ويضربوا عشوائى كنوع من انواع جر الشكل بأى وسيلة وامريكا وبريطانيا وحلفائهم بيحاولوا يوجدوا غطاء عالمى وتأييد للتدخل فى مصر باسم حماية الشرعية ولو فشلوا هايبقى فى صورة حفظ سلام بعد دخولنا فى حرب اهلية وده ليه اهداف كتير منها القضاء على الجيش المصرى على طريقة جيش العراق وسوريا وتقسيم الوطن وبيع النوبة لجنوب السودان الصهيونى بموافقة الشمال الاخوانى وحلايب وشلاتين اللى فيها 90٪ من قيمة الدهب واليورانيوم اللى موجود على كوكب الارض وسيناء للفلسطنيين وانتها القضية الفلسطينية وتقسيم الدولة لشمال وجنوب مسيحى ومسلم وكل وكالات الانباء المتخصصة بتتكلم عن الخطة دى بوضوح لكن احنا مازلنا غرقانين بعقولنا فى الرمل .
بقلم الفنان / أحمد مراد