علاء مرسي عن محمد هنيدي: "يكفيني قال أخويا وصديق عمري"

حل الفنان علاء مرسي ضيفاً على البرنامج الإذاعي "أسرار النجوم" تقديم المذيعة إنجي علي ويذاع على راديو "نجوم إف إم"، وتطرق خلال الحلقة للحديث عن عودته للتعاون مع نجم الكوميديا محمد هنيدي بفيلم "مرعي البريمو" بعد غياب سنوات، وعن علاقته بنجوم الوسط الفني، إلى جانب مشاريعه الفنية خلال الفترة المقبلة.
وعن علاقته بالنجم محمد هنيدي قال "أنا بشكر هنيدي على أن هو قرر يعملنا الصعيدي ده تاني وأنه تعاون تاني مع الفنانة غادة عادل، خلي بالك دي ممثلة مهمة ومتطورة أنا مراقبها، غير حبي ليها على المستوى الشخصي ده موضوع تاني لكن أنا بتكلم على الموهبة غادة لم تكتشف بعد".
واستكمل "عندها موهبة عظيمة وأن هنيدي يفكر يجتمع بيها تاني وهما ثنائي ليهم علاقة في صعيدي في الجامعة الأمريكية وبلية ودماغه العالية ودي لافتة حلوة منه، نيجي للعظماء الأستاذ أحمد بدير هذا العبقري وأستاذنا لطفي لبيب ويجيبهم ويبقوا موجودين في فيلم زي ده دي برضه أمر عظيم".
مضيفاً "هقولك حاجة على هنيدي غريبة وأنا اشتغلت مع معظم نجوم هذا الجيل والجيل اللي قبله والجيل اللي بعده هنيدي من القلائل اللي بيفتح مساحة غير عادية لممثل لسه بيطلع زي مصطفى أبو سريع وكان بيقف يضحك لمصطفى من قلبه ويفكر أن مصطفى إزاي يبقي كويس واحنا ناسيين العبقري محمد محمود ده فنان متجدد".
وتابع "التوفيق من عند ربنا بس أنا بشكره أساساً بشكره على الكلام اللي قاله عني في الإعلام"، مضيفا "كان في لقاء والمذيعة قالت له علاء مرسي اشتكى منك، اشتكى انك بعيد عنه، خدت تصريحات متعددة ليا وربطتها مع بعض وعملتها في جملة مفيدة مش حقيقية وقالتها لهنيدي، وهنيدي اتصدم واستغرب وقالها أنا شغال مع الراجل في فيلم وهخلص معاكي وهروح اكلمه افهم منه في ايه".
وأشار أنه يعتز بصداقته بهنيدي، موضحا "يكفيني إنه يقول عليا أخويا وصديق عمري".
فيلم "مرعي البريمو" بطولة محمد هنيدي، غادة عادل، مصطفى أبو سريع، محمد محمود، أحمد بدير، تأليف إيهاب بليبل، وإخراج سعيد حامد.
View this post on Instagram
A post shared by NogoumFM (@nogoumfm)