"مش فرقة دي خرابة".. عمرو أديب تعليقًا على ثلاثية البنك الأهلي في الزمالك وخروجه من كأس الرابطة

علق الإعلامي عمرو أديب، على هزيمة النادي الزمالك بالأمس من نادي البنك الأهلي بثلاثية نظيفة، وخروجه من بطولة كأس الرابطة، قائلًا: "الزمالك في عام 2023 الزمالك لعب 17 ماتش اتغلب في 10 مباريات ودا رقم قياسي عالمي جديد للزمالك مش بنتكلم على فرقة إحنا بنتكلم على خرابة واللي مش مصدقني يبص للجون التاني، محدش في دفاع الزمالك قادر يجري وبيتفرجوا على لاعب البنك الأهلي اللي لحق الكورة ولعبها وجاب جول".
وقال "أديب" خلال تقديمه لبرنامجه "الحكاية" على فضائية "إم بي سي مصر 2" اليوم الاثنين: "الزمالك دخل فيه 3 أجوان في 7 دقائق ودا رقم قياسي عالمي جديد، ومش غريب لأننا هنطلب من اللاعيبن ايه، وإحنا معدناش مدرب وكل يوم ينزلوا التدريب يلاقوا حد جديد ومش عارفين مين موجود ومين ماشي"، موضحًا: "الزمالك هو ثاني الأندية الأكثر شعبية في مصر والوطن العربي معندوش بطولات واللاعيبه مش بتقبض وفي مشاكل كتير ورئيس النادي كان في السجن".
وتابع: "اللاعيبة عرفوا أن مفيش افريقيا ولا كأس رابطة ولا دوري، هينزل يلعب ليه"، متسائلًا: "ايه السبب في اللي بيحصل النادي عنده التاريخ وأحسن لاعيبه والامكانيات ليه بنتهان امبارح كنا بنتهان، كل الفرق بتتغلب إمبارح كانت هزيمة مهينة".
وأردف: "حد إمبارح بيتريق على نزول الطفل الصغير لعواد، وقال نازل يجيب الرابع في عواد"، مؤكدًا: "لاعبو الزمالك بدون هدف وروح والولد كان نازل يقول لعواد ليه بتعملوا فينا كده".