اتحاد الكرة ضايع.. والمنتخب ضايع

فتح الإعلامي عمرو أديب، النار على اتحاد الكرة عقب الهزيمة القاسية والأداء الكارثي للمنتخب الوطني أمام نظيره الإثيوبي ضمن الجولة الثانية من التصفيات الإفريقية المؤهلة لكأس أمم أفريقيا 2023.
وقال "أديب" خلال تقديم برنامجه "الحكاية" المذاع على فضائية "إم بي سي مصر" مساء اليوم الجمعة: "ايه اللي جرى المنظومة كلها ضايعة. اتحاد الكرة ضايع والمنتخب ضايع والجمهور ضايع والإعلام ضايع عايز نتيجة تبقى عاملة ازاي".
اتحاد الكرة ضايع.. والمنتخب ضايع
وأضاف "اللاعيبة امبارح سيبك من المهارة مفيش حافز محدش عايز حاجة ومحدش بيفكر في حاجة اثيوبيا ده كلام هما عملوا ايه الناس طالعة تقول كأنك بتلاعب البرازيل لا إثيوبيا مكنتش البرازيل أنت اللي كنت البراجيل".
وتابع "آه منتخب صغير في دوري بعيد عن الأضواء وقررت تخدهم في بطولة أفريقيا هما مكنوش البرازيل. ده البراجيل أكيد هينزلوا وتحط فيهم الحافز مصر. وبعدين انت بتلعب قدام اثيوبيا مفيش أي حاجة خاص ولا الهوى".
استقيلوا يرحمكم الله
واستطرد "هيجوا يقولوا أصل اللاعيبة وأصل الجو مرهقين وتعبانين نفسيا طيب متجيب لهم دكتور نفساني. انتوا ناويين تعملوا حاجة ولا عايزين تسبوها كده.
واستكمل حديثه "بعدين يقولوا اتحاد الكرة عامل اجتماع وهيطلع قرارات أسطورية ايه العشوائية دي اللي انتوا فيها. استقيلوا يرحمكم الله احنا عندنا مشكلة ولازم المشكلة تتحل ولازم يقوم على الأمر من يفهم فيه".
جبنا مدرب معندوش سي في.. آمال مشينا البدري وكيروش ليه
وقال عمرو أديب "الهزيمة المذلة والانتكاسة التي حدثت في هذه المباراة الغريبة. الغريب يا سادة أنه الماتش يكشفلك أمرين أن الفرحة عند إثيوبيا دوبل وأنك مكنش عندك حافز إضافي أنت المفروض يكون عندك حافز إضافي ولا أشرح".
وأضاف "هلا هلا على الجد والجد هلا هلا عليه استنى عاملين زي الراجل اللي يروح ومراته تبقى عايزة تكلمه يقولها استني امتى هي هتكلمه وامتى إحنا هنتكلم على الكرة المصرية".
وتابع "إحنا جايبين مدرب معندوش سي في. امبارح وأنا بتفرج سألت هو إحنا ماشينا حسام البدري ليه طيب كيروش ماشيناه ليه. ويرجعوا يقولولك استنى علشان معنويات اللاعيبة ومش عايزين نضايقهم والموضوع مبيخلصش".




DMCA
PROTECTED