"عشان أنور وجدي بيبوسها".. سمير صبري: ليلي مراد كانت أول فتاة لأحلامي

كشف الفنان سمير صبري عن فتيات أحلامه من الفنانات في بداية حياته الفنية.
وقال صبري، خلال حواره مع الإعلامية لميس الحديدي ببرنامج "كلمة أخيرة" المذاع على فضائية "ON"، مساء الإثنين: "وأنا صغير كانت فتاة أحلامي ليلى مراد، عشان أنور وجدي كان بيوسها في كل الأفلام.. كنت بروح البيت أقولهم أنا عايز أبوس الست دي".
وأضاف صبري: "لما كبرت كانت نجلاء فتحي فتاة أحلامي في فترة من الفترات، وكمان الفنانة نيللي، أما سعاد حسني كانت بمثابة صديقة".
وعن فتاة أحبها، قال صبري: "أنا باستعيب أي واحد يجيب سيرة واحدة ست كان بيحبها.. أنا تزوجت وأنا عندي 20 سنة من فتاة إنجليزية".