حمدي الميرغني يعلق على أزمة مسلسل هنيدي: ربنا اختاره عشان يفتح باب الكوميديا لجيله

علّق الفنان حمدي الميرغني، أحد أبطال "مسرح مصر" على أزمة عدم عرض مسلسل "أرض النفاق" الذي يقوم ببطولته الفنان محمد هنيدي، على شاشة ON E.
وأعاد "الميرغني" نشر تغريدة هنيدي عبر حسابه على انستجرام، والتي قال فيها: "آسف يا جماعة انكوا مش هتقدروا تشوفوا مسلسلي أرض النفاق لأسباب لا يعلمها أحد إلا قناة أون تي في.. كنت فرحان جدا بدعم الجمهور للمسلسل، بس واضح إن القناة كان ليها رأي تاني ومش عارف هكمل تصوير ولا لأ. ماعرفش هنشوف بعض في أعمال قريبة ولا لأ.. لله الأمر من قبل ومن بعد واشوفكوا على خير".
وعلّق عليها قائلًا: "مفيش أي مبرر لوقف مسلسل النجم محمد هنيدي.. أتمني يبقى في حل سريع للمشكلة ونشوف المسلسل في رمضان.. عارفين يعني إيه هنيدي؟ يعني السبب الرئيسي اللي ربنا اختاره عشان يفتح باب الكوميديا لجيله والجيل اللي بعده، أنا واحد من الناس اللي بتتعلم يعني إيه كوميديا من حضرتك.. ادعم محمد هنيدي".
يُذكر أن "أرض النفاق" بطولة محمد هنيدي وهنا شيحة وإبراهيم عيسى ودلال عبد العزيز وليلى عز العرب وسلوى محمد علي ونجوى فؤاد، قصة يوسف السباعي وسيناريو وحوار أحمد عبد الله وإخراج سامح عبد العزيز ومحمد جمال العدل.
تدور الأحداث حول عامل مطحون من عمال الإنارة في الحي يُدعى مسعود، ويواجه دومًا خلافات مع زوجته وحماته، اللتين لم تعودا قادرتين على العيش معه، ويمتلك والده محلاً لبيع الكُسكُسّي، وفي يوم تستدرجه الحياة ليتعرف على دكتور ماضي، الذي يقدم له أخلاق للبيع على هيئة حبوب، فيبدأ في تناول الحبوب تباعًا، ليكتشف معها حياة جديدة، بشخصيات جديدة، وأخلاق مستعارة للبيع.