لتجنب حوادث الطرق .. تعرف على الإرشادات المرورية

‏‫اضطلعت الإدارة العامة للمرور، بدورها في الحد من حوادث الطرق بالتكثيف التواجد المستمر لخدماتها على كافة المحاور والطرق الرئيسية.
وبمناسبة الاحتفال بعيد الشرطة ال 66، انتجت إدارة المرور مجموعة من الإرشادات تحت عنوان (أمنك على الطريق في سطور)، أبرزها الأتي:-
1- "وانت سايق"(احتفظ بمسافة مناسبة بينك وبين اللي قدامك" 4 أمتر لكل 10 كم سرعة". وخد بالك إنه 30 % من الحوادث بسبب عدم ترك مسافة الأمان.
2- "وانت سايق" (اجعل استخدامك للهاتف المحمول للضرورة) وخد بالك إنه نسبة كبيرة من الحوادث سببها استخدام الهاتف المحمول.
3- لما تلاقى عربية طوارئ (إسعاف شرطة أو مطافي)"وانت سايق" وسعلها الطريق وخد بالك إنها رايحة تنقذ مصاب أو تطفى حريق).
4- خد بالك " إنه السير بدون لوحات معدنية "مخالفة جسيمة" تضعك تحت طائلة القانون.
5- وانت سايق داخل المدينة متستخدمش الأنوار العالية وخد بالك ( إنه ده بيمنع قائد السيارة في الاتجاه المعاكس من الرؤية تماماً لمدة 7 ثواني).
6- خد بالك إنه إجراء الصيانات الدورية لعربيتك (هيحميك من حدوث أعطال مفاجئة، تكلفة تصليحها بيبقي أضعاف تكلفة الصيانة الدورية، دة غير إنك بتعطل الطريق).
7- خد بالك (لازم تزبط وضع المرايات الجانبية قبل ما تتحرك).
8- انت سايق..لو عاوز تتخطى العربية اللي قدامك، اتأكد أنه شمالك فاضي وخد بالك إنه التجاوز الخاطئ سبب أساسي في حوادث كثير.
9- وانت سايق استخدم الإشارات الضوئية الجانبية قبل ما تدخل بالعربية يمين أو شمال (وخد بالك إنه ده لازم يبقى بوقت كافي لتنبيه العربية اللي وراك).
10- خد بالك وانت سايق في أوقات "سوء الأحوال الجوية" ( هدي السرعة – حافظ عالتهوية داخل العربية عشان الشبورة- اتأكد من كفاءة مساحة الزجاج استخدم أضواء العربية للتنبيه وقت الضباب).

11- وانت سايق اتأكد دايماً من ضبط مستوى الهوا داخل إطارات السيارة..وخد بالك إنه الإطار الاحتياطي لازم يبقى جاهز لأي عُطل مفاجئ.