مواطن بصدفا للسيسي"ساكن بالإيجار وعشموني بشقة وضحكوا عليا"

"معنديش بيت أسكن فيه والبيت اللي مأجره وعايش فيه، الست صحبته عاوزة تطلعني منه وجابت قرار إزالة علشان قديم وقرب يوقع"، بهده الكلمات شكا علي محمد محمود، 62 عامًا، تربي، ولديه أسرة مكونة 5 أفراد من مسؤولي رئاسة المدينة، بعدما قد وعدوه بشقة في مساكن محدودي الدخل، ولكنه لم يحصل على شئ.
اختياري من المحافظة
وسرد علي قصته قائلًا إنه تقدم للحصول علي شقة في مساكن محدود الدخل بمجلس مدينة صدفا, وتم عمل القرعة واختيار 120 فرد، وجالي جواب من المحافظة أنه تم أختيارى من لجنة أسكان أسيوط، والمحافظة عن طريق الخطابات التى أرسلوها لنا، وقالوا أن يحضر القرعة التى ستتم فى المجلس لاختيار الشقة والدور اللى يسكت فيه وفقًا للقرعة.
وساطة ومحسوبية
وتابع: بعدها ذهبت علشان أستلم الشقة ولكن فوجئت أن العدد الموجود في القرعة أكثر من 120، الذي تم اختيارهم وتم التلاعب، واتعملت من أول تانى بمشاركة 450 فرد اللى كانوا متقدمين بالكامل والشقق وزعت بالوساطة والمحسوبية والفلوس ونص اللى معاهم جوابات زيي باستلام الشقة ما أخدوش حاجة، ولما جيت أتكلم وأقول أن ليا شقة وتم إختياري من لجنة الإسكان وجالى جواب بكده, قالولى أن فى ناس عملت تظلمات وعملنا أعادة للقرعة من جديد.
أشتكي لمين
وأضاف محمد فضلت اتخانق وأزعق وأقولهم ده ظلم وأنا معنديش مكان أسكن فيها حصلت مشاكل من الشرطة مع الناس وفضلت تضرب فينا, وخلو القرعة مشية إجبارى بالعدد كله, وبعدها قدمت شكاوى لمكتب الوزارة، ودلوقتي أعمل أى هروح أشتكى رئيس مجلس المدينة ولا أشتكى الشرطة ولا أنام فى الشارع لما ييجوا يزيلوا البيت اللى هيقع علينا وأنا ماعنديش أى دخل غير المعاش اللى بتصرفه ليا الحكومه 450جنيهًا، وعندي 3 أولاد ولا عارف أعلمهم ولا أصرف عليهم، ويناشد الر ئيس السيسي للتدخل وحل مشكلته.
رئيس المدينة
يقول محمد فرغلى، رئيس مركز ومدينة صدفا, إن هذا المواطن تقدم لوحدة سكنية، وتم اختياره من ضمن المستحقين وتم مخاطبته لحضور إجراء القرعة العلنية لتحديد الشقة والدور إن أصابه الدور، حيث أن العدد المطلوب 120 وحدة سكنية والعدد المستحق 167، ولذالك يكون 47 فرد لم يصبهم الدور ومن ضمنهم على محمد.