اقوال مكسورة

كلما اتامل خطاب تنحي المخلوع افتكر ممدوح فرج وهو بيقول ( فاصل قصييييير .... ونرررررررررجع تااااااااااااااني )
مصر دلوقتي عامله زي واحدة حلوة جدااااا ومستنيه عريس، والمجلس العسكري هو عمها وهو المسئول عنها وبعد فترة عمها اغرته بنت اخوه وبقي هو اللي عايز يتجوزها ونسي انه لا يجوز، لكن في جماعه بيقولو انه يجوز، وفي جماعه مريحين دماغهم ومش في دماغهم يجوز ولا لا يجوز، وفي ناس بقي بتقول جواز عتريس من فؤادة بااااااااااااااااااااااااااااااااااطل.
*عندما يتحدث المنافقون في السياسه يصبح الناتج هو شلبوكه وبندق وشوبير
*اعادة هيكله وزارة الداخليه زي اعادة هيكله ماسبيرو الاتنين عايزين ( دكررررر )
* لا ينسي المصريون خلافاتهم سوي قبل مبارايات المنتخب فقط
* لسان حال الشعب المصري الأن
يا حلو بانت لبتك..أول مادابت قشرتك
تحرم عليا محبتك.. وراح اتوب عن سكتك
القلب منك مليان جفا.. والصبر من قلبى اتنفى
وضاع معاك كل الصفا..ضيعتوا بعندك يا قفا آه يا قفا يا قفا
*مصر دلوقتي مقسومه ناس بتدور علي الحريه وناس بتدور علي الحكم وناس بتدور علي كنيسه وناس بتدور علي كاس مصر !!