فيلم صابر مان قرب يخلص

قال المخرج " أكرم فريد " إنه قرب يخلص تصوير فيلمه الجديد "صابر مان " اللي هيتعرض في العيد الكبير الجاي، وقال أكرم إنه بيصور دلوقتي في استوديو مصر، وإنه كثف عدد ساعات التصوير عشان يلحق عرضه في العيد وإنه خلص 80% من المشاهد.
وبيقوم ببطولة الفيلم حمادة هلال وشيري عادل وخمس أطفال، والفيلم من نوع الكوميدي الهادف والفيلم بتدور احداثه حول ضابط شرطة يكلف بمهمة خاصة وهي حماية خمسة اطفال وجدتهم والدتهم التي اختطفت اثناء مهمة لها لحقوق الانسان في احدي الدول الاوربية.
وبيشارك في الفيلم سامي مغاوري وأحمد حلاوة وعدد من الوجوه الجديدة ومن إنتاج شركة نيو سينشري ودولار فيلم.
صابر مان هو تاني تعاون بين حمادة هلال وأكرم فريد بعد ما اتعاونوا قبل كده في فيلم " الحب كده "
يذكر أن اخر اعمال حمادة هلال هو مسلسل كارتون بأسم " شغل عفاريت " وكان من بطولة منة شلبي و لطفي لبيب و انعام سالوسة ويوسف داوود ومن تأليف أمين جمال الدين وعبد الله حسن ومن اخراج محمد المازن وتم عرضه في رمضان اللي فات.
المصدر : ofann