عمر طاهر يدافع عن "شهوة البرنس"

حرص السيناريست عمر طاهر على أن يعلق على أزمة مطعم البرنس ولكن من وجهة نظر مختلفة.
ودافع طاهر عن نفسه عبر صفحته الشخصية بموقع Facebook، وتحدث بشكل ساخر عن أنه لم يدع القراء سابقا لزيارة المطعم وتناول الوجبات التي يقدمها.
كان عمر قد كتب مقالا العام الماضي بعنوان "شهوة البرنس" وتحدث فيه عن تجربته مع المطعم.
وقال طاهر:
خلينا نتكلم كفنيين
أولا: المقال بتاع شهوة البرنس بيحكى عن علاقتى بالمطعم مافيهوش سطر واحد بيقولك روح كل هناك.
ثانيا: واحد ضبطوا عنده لحوم فاسدة من سنة فاكرين يشمعوا المحل النهاردة ؟ أكيد فيه حاجة غلط.
ثالثا: اللى أكل مرة عند البرنس وراح بسببه مستشفى أو جاله تلبك معوى أو اى مرض من النوع ده يحكى لنا تجربته .. ودى حاجة ماسمعناش عنها ..يبقى يا إما موضوع اللحمة الفاسدة ده مش حقيقى يا إما إحنا مش بيحوق فينا حاجة و تظل متعة الأكل هناك قائمة.
رابعا: الكلام ده اتقال من سنتين وشمعوه وبتاع وطلع أونطة.
خامسا: أتمنى من كل قلبى ان الكلام ده يطلع مش حقيقى مش خوفا على البرنس لأ خوفا على سمعتى ككاتب ساب بصمة فى قولون الجيل الجديد ربنا يسامحنا بقى.
سادسا: أعلى إفيه سمعته النهاردة واحد كان مشير هنا كوميكس بيقول قال لما كبدة البرنس اللى ب180 جنيه الكيلو فاسدة أومال رغيف العربية ابو جنيه ونص يبقى ايه؟.
سابعا: كلنا في مركب واحدة يا جماعة خليها على الله.
جاء ذلك بعد انتشار العديد من التقارير التي ذكرت أن المطعم سيتم إغلاقه بسبب اكتشاف لحوم فاسدة بداخله ولكن مالك المطعم نفي ذلك لاحقا.