عاجل بالدليل : مخطط قيادات الاخوان لربعنه لقاء الاهلى واورلاندو وعبدالظاهر ينفذ الخطة وهذا دور ابوتريكة

سخرت شبكة رصد المعروف بانتمائها لجماعة الاخوان الملسمين من الانباء التى ترددت عن قيام الاخوان بتنفيذ مخطط لرفع علامة رابعة فى لقاء الاهلى واورلاندو .

وقالت الشبكة :

** قبل المباراة بيوم ..

حوار بين قياديين إخوانيين داخل السجن

- ماتش الأهلي في نهائي إفريقيا بكرة .. كان نفسي أكون برا عشان أتفرج
- ايه ده؟ هو الأهلي وصل نهائي إفريقيا؟
- آه يا عم .. هيلاعب أورلاندو
- منين أورلاندو ده؟
- من جنوب إفريقيا
- طب ما تكلم الإخوة في جوهانسبرج يبعتوا ناس بتيشرتات رابعة يقعدوا ف المدرجات
- الناس لما تشوفهم هايفهموا غلط ويقولوا إن احنا خونة ومش عايزين الأهلي يكسب .. وأنا هموت والأهلي يكسب أصلا
- طب نعمل ايه؟
- نخليها من الجانب بتاعنا أحسن
- نخلي الأهلاوية هما اللي يعملوا كده يعني؟ هيتعلقوا
- طب ما نشوف واحد ما ينفعش يتعلق
- ايه؟ حسن حمدي هو اللي هايعمل كده؟
- ده ابن كلب .. اللي يقول كده يا أخي
- أومال ايه؟
- نشوف لاعب أهلاوي نضحك عليه ونخليه يرفع شعار رابعة بعد ما يجيب هدف في الماتش
- يا عم لأ انت ماشفتش عملوا ايه مع الواد بتاع الكونغ فو؟
- يا سيدي ماتخافش .. بتوع الكورة معاهم حصانة .. التاني ده غلبان .. هو حد يعرف الكونغ فو ده ف مصر أصلا؟
- انهي .. مين ف دماغك؟
- عبد الظاهر
- عبد الظاهر السقا؟ ده بطل يلعب
- يا عم في واحد هناك اسمه أحمد عبد الظاهر
- وتعرف منين إنه هيلعب؟
- نكلم الإخوة بتوعنا ف النادي .. هظبطهالك .. نخليه يلعب ويجيب الجون التاني
- اشمعنى التاني؟ ماتخليه الأول
- لأ الأول محجوز للراجل بتاعنا
- صح عندك حق .. طب كده هنحتاج نكلم حد ف أورلاندو ونشربهم شاي بالياسمين
- ماتقلقش .. نكلم خيرت باشا يعملهم حوالة بنكية
- حليب ألبي

*** في الدقيقة 77 من المبارة .. (عبد الظاهر يحرز الهدف الثاني ويرفع شعار رابعة)

نفس القياديين الإخوانيين قاعدين يسمعوا الماتش ف الراديو على الموبايل اللي متهرب لهم

- الله أكبر ولله الحمد
- مش قلتلك
- الشاي بالياسمين ده ليه مفعول السحر
- بس أنا فرحان أكتر عشان فوز الأهلي
- يا شيخ اتلهي .. أما نكلم الريس مرسي عشان نفرحه

*** بعد المبارة ..

حوار ف الجبلاية

- هنعمل ايه ف المصيبة دي؟
- عبد الظاهر ده لازم يتعلق زي الواد بتاع التايكوندو
- تايكوندو؟ قصدك بتاع الكاراتيه
- يا عم فكك .. أهو كله تلطيش .. انت هاتعمل نفسك فاهم رياضة أوي
- بس كده جمهور الأهلي مش هايسكت .. هانعلق عبد الظاهر من هنا .. والألتراس يعلقنا من هنا
- يا عم ألتراس ايه؟ انت بتاكل من الكلام ده؟
- آه يا عم باكل .. احنا مش ناقصين .. خلينا كده جنب الحيط مش عايزين شوشرة
- هاتعمل ايه طيب؟
- أنا هتصرف

*** بعديها بشوية

طاهر أبو زيد: إننا نتكلم على فرحة شعب وما فعله عبد الظاهر تصرف شخصي والنادى الأهلي كبير ووطنى وكان رئيسه سعد زغلول وقياداته وطنية .. وليس من المعقول أن أقف عند هذا الموقف الشخصى أمام هرم كبير اسمه النادى الأهلي