بالصور: الفيسبوكيون يعلنون الحرب على مرسي و قنديل بعد حادثة أسيوط

حالة غضب لا تضاهي، انتابت الفيسبوكين بعد حادث اصطدام قطار أسيوط بحافلة مدارس والذي راح ضحيته 51 طفلا.
الفيسبوكيون وجهوا نقدا شديدا لسياسة الرئيس محمد مرسي و حكومته التى يرأسها الدكتور هشام قنديل، لتشتعل الأجواء بعد تصريحات الحكومة بصرف 5000 كتعويض لكل أسرة من أسر الأطفال المتوفين و 1000 جنيه للمصاب!
وهذه بعض التعليقات التي تحمل في طياتها ضحكا بطعم الحزن:
- آلو ؟ ابنك مات يا حاجه بس ماتقلقيش ليكوا 4000 جنيه و وجبة .. فوتوا علينا السنة الجاية تستلموهم .
- "متقولش ايه ادتنا مصر .. قول هندى ايه لمصر " أهو كل يوم بنديها بتاع 50 نفر ومش عاجب
- قالتلى قدامك سكة سفر ... و لسة هاتكمل ... قولتلها شكرا عرفت الباقى
- يعنى احنا هنمسك فى القطر والأتوبيس اللى عملوا حادثة ونسيب الباقى !!
طب امبارح مثلاً طلع قطر من الفيوم للعياط ووصل زى الفل والركاب نازلين فرحانين وبيغنوا " الحياة حلوة للى يركبها "
- اللى عايش ولسه مامتش يضغط لايك
- ايه اللى وداهم هناك !!
- مرة واحد سهران مع أصحابه مات .. مره واحد قال للظلم لأ مات .. مرة واحد نزل يطهر بلده مات .. مرة واحد راح يجيب حق اللى مات فمات .. مرة واحد نزل يجيب حق اللى مات اللى كان نازل أصلاً عشان يجيب حق اللى مات فمات !!
مرة واحد راح يحمى بلده ع الحدود مات .. مرة واحد راح ماتش كوره مات .. مره واحد راح يتعلم مات !! فين مابيموتوش !؟
- 4 آلاف بس .. ايه يا عم ما أخوه زيه بالظبط مات في بورسعيد وخد 30 ألف !! باشا متوجعليش دماغى هو ده السعر بتاعنا .. مش عاجبك متنزلوش من البيت
- 4 آلاف جنيه لكل ضحية و ألف للمصاب، يعنى بالصلاة ع النبى الحكومة غرمانة في الليله دى بتاع 280 ألف جنيه .. زينه والله زينه !!
- أصبح من رابع المستحيلات "قطر يفوت ولا حد يموت"
- مشروع النهضة ... إبادة شعب