انقذ نفسك واتبع هذه النصائح في حالة فوز عمر سليمان

قابل الكثير من الفيسبوكيين خبر ترشح اللواء عمر سليمان لانتخابات الرئاسة، بالعديد من التخيلات الضاحكة فيما يمكن أن يحدث إذا فاز حقا بمنصب الرئيس، وماذا يمكن أن يحدث لكل من عارض النظام السابق.
ومن هنا انطلقت العديد من النصائح والتحذيرات لكل من أيد الثورة و انتقد أي شخص من رجال مبارك، حتى ينجو من عقوبة سليمان ليكتب الفيسبوكيون تعليقات ساخرة مثل:
- بيان هام :
في حالة فوز عمر سليمان بالرئاسة عليك اتباع الخطوات التالية :-
1- تغيير صورة بروفايلك بصورة أي فل من الفلول
2- إعلان إن حسابك كان مسروق على الفيس بوك و إيميلك من يوم 25 يناير
3- إعلان إنك استرديت حسابك على الفيس بوك وليس لك أية صلة باللي فات
4- لو كان ليك تصريح في الصحف والمجلات ضد الفلول فقم بتنزيل خبر تكذيب
5- لو لك لقاء في التليفزيون اعلن أن هناك شخص ما انتحل خلقتك وشخصيتك
6- لو معاك أي منشور ضد الفلول لا تقم بإحراقه قم بمضغه وابتلاعه فوراً
7- انزل لأصحابك القدام بتوع آسفين يا مخلوع ورجع علاقتك بيهم تاني
8- اقطع علاقتك بكل أصحابك الثوار لأنها خلاص أيام ومش هتشوفهم تاني
9- ماتسيبش دقيقة تمر من حياتك إلا وإنت بتقول الشهادة وبتذكر الله
10- أوعى تنسى تتأسف للراجل اللي واقف ورا عمر سليمان على كل كلمة قولتها في حقه
- السيد الفاضل الراجل اللي ورا عمر سليمان، ازي حضرتك يافندم وحمد الله علي السلامة، احب اقول لحضرتك ان الأكونت بتاعي اتسرق من يوم 11 فبراير 2011، ومش أنا اللي بتريق علي سيادتك، واحشني وألف حمد الله علي السامة سيادتك عيش و سيبني أعيش.
- رسالة من عمر سليمان للإخوان و السلفيين:
I know what you did last summer
- أنا بقول نرشح بشار الأسد ..عشان نخف شوية على اخواتنا في سوريا و ارحملنا من عمر سليمان
- شعار حملة عمر سليمان "كلكوا خالد سعيد"
- أعتقد إنه جه الوقت اللى الثوار يبحثوا فيه عن مخرج آمن من البلد دى.. أشوفكم على تأشيرة
عمر سليمان: سنحيا بالطوارئ