النشطاء عن فوز السيسى ب97% فى "المسرحية": عارفين من السنة اللي فاتت!

علَّق النشطاء على إعلان فوز المنقلب عبد الفتاح السيسى بنسبة 97% من الأصوات فى انتخابات المسرحية الهزلية، بالدعاء للرئيس محمد مرسى بالخلاص والعودة لحكم مصر.
وغرَّد النشطاء على المسرحية، حيث قال محمد مصطفى: "فك الله كربك يا د.محمد مرسي". بينما قالت غادة حسن: "هموت من الضحك أقسم بالله.. طب محنا عارفين النتيجة أصلا". تبعته خلود محمد ساخرةً: "بجد؟ مش مصدقة.. ياه كانت منافسة جامدة جامدة الصراحة".
بينما قال محمد يوسف: "إيه المفاجأة دي"، أما أدهم الشرقاوى فقال: "مبروك عليكم العر***". فى حين علق أحمد علاء قائلا: "لا يا راجل تصدق إني تفاجأت أوي أوي أوي". فى حين قال محمد ميدو: "أنا عارف من السنة اللى فاتت". بينما كتب عمر جاد قائلا: "اعمل نفسك مندهش.. اعمل نفسك مبسوط".
أخيرًا نجح
أما علاء محمود البحيري فقال: "ياه أخيرا ظهرت النتيجة دا الواحد قاعد على أعصابه.. ألف مبروك عليكم".
وكتب عبده إبراهيم قائلا: "ياه أخيييرا ظهرت النتيجة.. دا أنا كنت على أعصابي الأيام اللي فاتت.. مش عارف السيسي هيعمل إيه.. هيفوز ولا هيكسب ولا هيكتسح".
علاء ضرغام كتب منشورا ساخرا فقال: "انتوا ليه مش مستوعبين إن السيسى نجح بحب الملايين.. الشعب لما شاف الإنجازات والنهضة اللى حصلت في البلد من تعليم وصحة وسكة حديد وبنية تحتية وانخفاض أسعار وزيادة رواتب.. ده غير أرباح المؤتمر الاقتصادى والترعة اللى بياخدوها كل شهر.. وغير السمك اللى بقا بملاليم.. والغاز اللى بنصدره لإسرائيل وبنكسب منه مليارات.. قالك الراجل ده لازم يفضل في الحكم مفيش أفضل منه يضيع البلد.. قصدى يدمر البلد.. يوه ينهض بالبلد".
ارتفاع قادم للأسعار
أما محمد صالح فعلق: "خد عندك ارتفاع الأسعار في كل شيء، ارتفاع في المحروقات في شهر 7 زي مثلا البنزين والسولار وكل شيء منها، ارتفاع الخضار والأكل وتذاكر المترو، ارتفاع في تذاكر القطار والطيران، ارتفاع أيضا في الكهرباء والماء، الكلام ده مش عندي لأ ده كل الناس بتقول كده.. والله لنشحت أكتر ما إحنا بنشحت".
محمد صبرى قال: "عايزين نتفرج بقى وهو بيحلف القسم: وأن أحفظ وحدة الوطن وسلامة أراضيه يا نهار ضحك.. ولا التانية بقى: وأن أحترم الدستور والقانون". وقال أحمد محمد عبد الدايم: أنا تفاجأت وأخيرا قلبي اطمن وهعرف أنا كنت خايف موسى ده ينجح بس الحمد لله.
وكتب أحمد مصطفى: "رسميا عميل اليهود لأربع سنوات قادمة". وأضاف Mahmoud Elabady: "السيسي حصل على 21 مليونا و835 ألف صوت، أي 97.8٪.. يا ولاد الكدابة.