حازم غراب يكتب.. ماكينة فضح الكذب

من فضل الله على الرئيس محمد مرسى والإخوان أن كذب غلاة خصومهم عمره قصير ومكشوف. والغريب أن مروجى الكذب والشائعات جلدهم سميك، وحياؤهم من الله والشعب منعدم. الأباعد لا يستحون من انكشاف كذبهم مرة تلو الأخرى. ماكينة البهتان عندهم جاهزة لاختلاق أحقر ما يمكن أن ينسجه الشيطان. يخلط الأفاكون الدينى بالجنسى بالسياسى بالطائفى. ويتصور هؤلاء أن إشعال كومة قمامة كفيل بانطلاق كمية دخان سوداء، يسربون أكاذيبهم فى ظل هبابها. ويراهن الكذابون على ضعف ذاكرة الناس أو سذاجتهم. كتاب مقالات وأعمدة كنا نحسبهم من العقلاء، يعميهم الاختلاف الأيديولوجى عن الحد الأدنى من التفكير المنطقى. البعض منهم يتحولون إلى مطايا للساسة، وماكينات لترديد أكاذيب لا يقبلها عقل الطفل الصغير.
ومن سوء حظ هؤلاء وأولئك أن الإنترنت وأجهزة تخزين واستعادة المعلومات والنصوص والمواد البصرية أصبحت فى متناول الفقير والغنى.
أدعو من هذا المنبر أن تخصص كل من مؤسسة رسمية وأهلية محسوبة على النظام مكتبا فى كل منها تكون وظيفته فضح أكاذيب غلاة المعارضين.
لا يكفى أن تُعَوِّل المؤسسات المذكورة على تصريحات متباعدة تأتى بالصدفة أو مؤتمرات صحفية متفرقة. لا بد من آليات سريعة لتعقب ومقاومة الشائعات و"تجريس" أسماء الكذابين ساعة بساعة. وإذا كانت لدى الثورة المضادة وغلاة المعارضة ماكينات لإنتاج الكذب، فلتكن للدولة والحريصين على حمايتها ماكينات لكشف هذا الكذب.
من حسن الحظ أن الغيورين على الحق والحقيقة من شباب الإعلام الجديد يتبارون فى أداء هذه المهمة الوطنية. وهذه عينة مما تناولته تدويناتهم فى الأيام القليلة الماضية.
- ?? بالمائة من الأخبار فى صحيفة الوطن كذب..
أين جماعة الأمر بالمعروف والنهى عن المنكر؟
طيب فين البلاك بلوك؟ عندهم امتحانات؟
إيه أخبار البوارج الصينية اللى راحت سوريا عابرة قناة السويس؟
إيه أخبار توكيلات السيسى؟
سامى عنان نشر مذكراته ولا لسه؟
إيه أخبار عاصمة جمهورية المحلة المستقلة؟
فين الستات اللى بيقصوا الشعر فى المترو؟
طيب ال12 ألف مسلح حمساوى اللى فى الكوربة؟
خيرت الشاطر اشترى فندق سميراميس ولا لسه؟
يا ترى الفلسطينيين اللى فى مخيمات العريش عاملين إيه؟
فين قائمة الأخونة اللى فيها 13 ألف اسم بتاعة حزب النور؟
هشام قنديل بيزور والدته فى غزة ولا مركز مع أمه اللى فى كفر الشيخ بس؟
فين الأرغفة التلاتة الحد الأقصى للمواطن فى مشروع توزيع الخبز الجديد؟
محدش لقى بطاقة رقم قومى من ال11 مليون اللى أضيفوا لقاعدة بيانات الرقم القومى؟
كتب كتاب ابن مرسى على بنت هشام قنديل إمتى؟
إيه أخبار شبكة المحمول الرابعة بتاعت حسن مالك؟
فين كتاب الدراسات الاجتماعية اللى وضعت فيه صورة حسن البنا على الغلاف؟
فين الأدلة اللى رئيس تحرير الأهرام العربى سلمها بخصوص حادث رفح؟
قطر اشترت قناة السويس ولا لسه؟
أقساط بيع أهرامات الجيزة بتدفع فى موعدها ولا فى أقساط متأخرة؟
ياسر على عمل إيه فى قضية الزواج العرفى.. العروسة مش لاقية العقد كل ده؟
المصابين "بغاز الأعصاب" اللى الداخلية كانت بتستعمله فى المنصورة قاموا بالسلامة؟
إيه أخبار الطيارات "الإف – 35" الإسرائيلى اللى كانت بتعمل مناورات فوق القاهرة.. يا ترى طلعت من المصنع؟