#مش_هنشحن.. ونشطاء: قاطع الغلاء بالاستغناء

حصد هاشتاج #مش_هنشحن على مواقع التواصل الإجتماعي "تويتر" ترند متقدم، ضمن حملة إلكترونية من قبل النشطاء والمدونين رفضًا لقرار الزيادة الأخيرة لكروت الشحن المصرية والمطالبة بمقاطعة شركات الاتصالات "أورنج واتصالات وفودافون".

وقد دشن المغردون #مش_هنشحن وعبروا عن غضبهم من زيادة الاسعار، مؤكدين أنها مسمار أخير فى نفس الانقلاب العسكرى بقيادةالسيسى وجاءت على النحو التالى:.

حيث قال عماد: هو كارت ب25 بس بيتباع ب 28 بس في رصيد ب 25 اشحن بس وهتعرف #مش_هنشحن، بينما قال حسام ،مش هشحن انا ياخي انا حُر علطلاق م انا شاحن تاني

وأضاف محمد كامل، بس بس الحمام الزاجل يرجع و انا كده كده مش بشحن من غير حاجه.
بينما علق فيجو،مش_هنشحن بقالي ۹ شهور مشحنتش ویوم م افکر اشحن الاقیکوا عاملین مقاطعة.وقال سيف إيهاب، يعنى للكارت الى بعشره جنيه نشتريه13وكمان يديك 9.50رصيد ليه كدا حاجه زفت.بينما علق حمادة سيدهم،مش_هنشحن يآجماعة الشعب المصري لو سمع الكلام والله العظيم هيخسروا كتير جدا #مقاطعة اللصوص والحرامية.

وقالت ابتسام الشاذلى،#مش_هنشحن اه و الله دا استغلال و حرام لما كارت الشحن يبقى بالسعر ده و اول ماتشحن يخصموا الرصيد ضريبة دمغه و مصاريف خدمات. فيما قال هجر سيفيتش، لو الي فات ظلم فالي جاي ظلمات ... دي مجرد بدايه ربنا يستر من الي جاي .. احنا مش هنلاقي ناكل يبقي هنلاقي فلوس نشحن بناقص رصيدكم.

وكانت صفحة ثورة الإنترنت قد دعت لحملة مقاطعة ألكتورنية وذلك عبر صفحتها الرسمية بالفيس بوك،مؤخراً تحت شعار قاطع الغلاء بالإستغناء ،طالبوا فيها بالمقاطعة وإقالة وزير الإتصالات ،جاء فيها.لحد امتي هنسكت علي جشع واستغلال شركات الانترنت والموبايل وسكوت الوزير وتنظيم الاتصالات عليهم؟

سكوتنا عليهم سبب في جشعهم وحجب خدمات مجانيه ومراقبه وغلاء الاسعار وتحديد الانترنت وفرض الضرائب علينا ورغم اعتراف الويزر اننا مش بناخد غير ثلث الخدمه المتفق عليها.. يبقى ازاى نقبل بضريبه 22% علي خدمه زفت ومش بناخد غير ثلثها؟؟ وغاليه بالمقارنة بباقي دول العالم المتقدمة!.

- عشان كده قررنا نعمل حاجة جديدة تخسر الشركات وتوقف الجشع والنصب , من يوم 30 / 9 كلنا هنمتنع عن شراء كروت الشحن ودفع الفواتير نهائيًّا #مش_هنشحن غير للضرورة فقط وبمبالغ قليلة "لحد ما ناخد حقنا" وهنقفل موبايلاتنا لمدة 3 ساعات من 9م حتى 12م كل يوووم!.

وكلنا هنتصور بورقة عليها كلمة #مش_هنشحن ونعلن مشاركتنا ونبعتها للصفحة ونشيرها ع الإيفينت هنا.. ومن 9 ل12 كل يوم هنجمع الموبايلات ونشيل الخطوط منها ونصورها ونبعتها للصفحة.
أسعار الكروت بعد إضافة الضريبة:

كارت ب10ج بعد الضريبه = 12.5
كارت ب25 ج بعد الضريبه = 30.5ج
كارت ب50 ج بعد الضريبه = 61.5ج
كارت ب100 ج بعد الضريبه = 122.5ج
كارت ب250 ج بعد الضريبه = 350ج

وقد شهدت أهم مطالبهم إقالة وزير الاتصالات ياسر القاضي لعدم تنفيذه وعوده ولتجاهله الإنترنت والاتصالات، وإقالة جهاز تنظيم الاتصالات وتعيين رئيس جديد للجهاز ووزير من الشباب، والتحقيق مع وزير الاتصالات وجهاز تنظيم الاتصالات ،الغاء الضريبه من على المستخدم وتتحملها الشركات بالكامل.

بالإضافة إلى تخفيض أسعار الإنترنت لتتناسب مع دخل المواطن المصري وإلغاء الاستخدام العادل.

قاطع الغلاء بالاستغناء.. إلغاء الاحتكار وفتح السوق لمنافسة حرة