فيس بوك : نشطاء: عيش.. حرية.. كروت مجانية!

الجهاز القومي لتنظيم الاتصالات يعلن أنه لا زيادة في أسعار كروت المحمول، ولم يتم فرض أي ضرائب جديدة عليها، ووزير التموين يقول أنه لم يصدر عن وزارة المالية أو الإتصالات أى زيادة لقيمة الضرائب على كروت الشحن..
رغم ذلك النفي؛ إلا أنه ومنذ الأمس تشتعل حالة من الغضب بين أعضاء مواقع التواصل الإجتماعي الفيس بوك وتويتر، بسبب ما تردد عن زيادة أسعار كروت شحن الموبايل..
ودشن نشطاء "فيس بوك" و"تويتر" العديد من الحملات التي تنادي بمقاطعة شركات المحمول الثلاث، وعدم إجراء مكالمات أثناء المقاطعة إلا للضرورة القصوى، كنوع من التعبير عن رفضهم عن هذه الزياده غير المبررة.
وتداول الأعضاء أسعار كروت الشحن بعد الغلاء، حيث تردد أن كارت ال10 جنيهات سيباع بسعر 13.5 جنيه، وكارت ال15 ب17.25 جنيه، وكارت ال25 ب28.75 جنيه، وكارت ال50 ب57.50 جنيه، وكارت ال100 ب115 جنيهاً، وكارت ال200 ب230 جنيها.
وكالعادة سريعا ما أنتشرت التعليقات الساخرة على الفيس بوك وتوتير حول هذا القرار:
يا اللي ساكت ساكت ليه؟؟ إنت سينجل ولا؟!
شركات المحمول بتقولكم كل سنة وأنتم طببين وبنفكركم إن في نفس الأيام دي قطعنا عليكم الاتصالات ومات منكم كثير بسببنا.
سيذكر التاريخ أن مبارك رخص الكروت والخطوط، ومرسي غلاها، حسبنا الله ونعم الوكيل في النهضة واللي جاي من وراها .
لامياه ولا كهرباء ولا موبايلات لا مواصلات عشان بس تقدروا الإنسان في العصر الجاهلي كان بيتعب ازاي.
المرتبط حيتنفخ والسينجل حيفتخر.
العروسة بعد كده مش هيجبولها دهب العريس هيجبها كارت شحن 100 جنية و شكرا على كدة يبقى عمل معاها واجب..
عيش.. حرية.. كروت مجانية.
أصحابي الحلوين اللي أنا كنت بتصل بيهم.. رنات بقى.. انسو الاتصال ده ولا أعرفكم كروت الشحن زادت بقى ما هو يا نتكلم يا نرن.
لما تعرف إن كروت الشحن غليت وأمك تقولك كلملي خالتك.. جورج قرداحي اللي جواك يطلع وتقول أيوه ياخالتي معاكي60 ثانية من لحظة ما تبدأ أمي الكلام.
كروت الشحن غليت! اديني النهضة بسرعة أرجوك محتاجة الجرعة.
ياللي ساكت ساكت ليه.. معاك كريدت ولا إيه؟!
الحكمة من غلاء كروت الشحن أن الشباب يبطل يتكلم كتير مع البنات، أفلا تكبرون رئيسكم بلحية ده غلاء إسلامي اعترضوا بقى يا كفره.
ردود فعل المشاهير:
الرئيس محمد مرسى: من يتحدث عن غلاء الكروت هم المستلفون.
محمود شعبان: هاتولى كارت.
حمدين صباحي: أنا لو كنت رئيس كان زمان الكارت ب7 جنيه.
عبد المنعم شحات: كروت الشحن أصلاً حرام.
وزير الداخلية: إحنا معندناش كروت شحن اساساً.
عمرو أديب: اللى غلوا الكروت دوول ولاد ستيين كلب.
عبدالله بدر: كارت إيه يا روح أمك.
البرادعي: استلفي 3 جنيه يا مني.
ابو سماعيل (شاحنون): أنا سعييد أنكم غليتوا الكروت.
محمد بديع: ما ذنب شركات المحمول؟.
باسم يوسف: كروت شحن يا معفنيييييين.