أثار خبر ارتفاع أسعار كروت الشحن بشركات المحمولة الثلاثة، غضب المستهلكين واستياءهم من هذه الزيادة، وكالعادة انعكس ذلك على موقع التواصل الاجتماعي "فيس بوك" الذي امتلأ بالتعليقات الساخرة والغاضبة. قال نبيل لطفي :هنقاطع كل شبكات المحمول فى مصر ( فوافون - موبينيل - اتصالات ) ردا علي زيادة الاسعار وقال أحمد الديب" بعد ارتفاع الاسعار الأقبال علي الرنات النهاردة يافندم تاريخي" وقال كريم "أول ما أصحى كدا الاقي كروت الشحن غليت، طب وربنا ما هرجعلكوا اللي أنا مستلفه"، وقال يوسف "اللي يكلمك دلوقتي .. تعرف أنه فعلا يا إما بيحبك يا إما عاوز منك حاجه". وقال إسلام ناجي "بعد غلاء كروت الشحن اللي هيفرط ف الرصيد بتاعه هيبقي كأنه فرط ف عيل من عياله". وقال أحمد محمد مصطفي "مكملين .. الثورة مستمرة عيش . . حريه . . كروت مجانيه " وكانت شركات المحمول قد قامت برفع أسعار كروت الشحن على عملاء الكارت المدفوع مسبقا بقيمة 15%، ليصل سعر كارت الشحن فئة 10 جنيهات إلى 11.5 جنيه بدلا من عشر جنيها، وفئة 15 إلى 17.25، وفئة 25 إلى 28.75، وفئة 50 إلى 57.5، وفئة 100 إلى 115، وفئة 200 إلى 230، وجاء ذلك القرار عقب قرارات الحكومة بزيادة ضريبة المبيعات على خدمات الاتصالات وكروت الشحن.