بالفيديو .. "سلمولي علي رابعة" قصيدة بالعامية لمواساة "أم الشهيد"

تداول نشطاء موقع التواصل الاجتماعي "فيس بوك" قصيدة شعر بالعامية للشاعر أبو معاذ المرجاوي تحت عنوان " سلمولي على رابعة" وذلك ضمن فعاليات مليونية "أم الشهيد" لمواساة أمهات الشهداء والتضامن معهم، وللتذكير بشهداء مجزرة رابعة الذين ضحوا بأنفسهم من أجل الشرعية وأن يعيش هذا الوطن حياة كريمة وبحرية ويلمس فيها العدالة الاجتماعية.
وإلى نص القصيدة:
في ناس بتعشق الكرباج وبتعبدو عباده 0000 وتحب لم الزكا والرشوه بزياده 0000 وناس كتير تتسرق بتحس بسعاده 00000 وتحب ظلم الشرطه ماهي اصلها عاده 00000وتحب الكدب في الاعلام لما يتماده 0000 يلوموا علي اللي ماتو في رابعه ويغنو لحماده .... وناس بدون ماتفكر بتحب حكم العسكر 000 تشرب وتعمي وتسكر ماللحس في بياده 000بتبكي ليه يابلدنا ايه اللي بكاكي 000 قتلو ولادك بالرصاص ولا حد عزاكي 000 اياكي تبكي لوحدك يابلدنا اياكي 000وبتبكي وحدك ليه ما كلنا معاكي 000 مانا اللي عشت يابلدي بداري في جرحي وعذابي 000 وانا اللي علشانك يابلدي ضحيت بعمري وشبابي 000 وانا اللي قتلوني وكتبوا في شهادة ميلادي ارهابي 000 وانا لا حلتي غير سجاده لصلاتي وسواك وسبحه وكتابي 000انا المقتول وده دمي في قلب النعش متكفن وديي رعشة ايدين امي تحط التلج علي صدري وخايفه لجتتي تعفن 000ودول اخواتي شالو همي يصلوا ويدعو علي الظالم واختي تبكي وتأمن 0000 ودا ابويا معاه عمي بقالو يومين ومستني يجيلو تصريح عشا ن يدفن 0000 اناالمقتول وده نعشي في وسط نعوش ومستني يجيني دور 000 عشان تصريح دخول قبري لاقيت نفسي بقيت في طابور 000 وايه ياعني بقيت بقيت في طابور 00 مانا وقفت طابور 00 في اتخابتنا واستفتأنا علي الدستور 000 .00 اناالمقتول وده نعشي في وسط نعوش ومستني يجيني دور 000 عشان تصريح دخول قبري لاقيت نفسي بقيت في طابور 000 وايه ياعني بقيت بقيت في طابور 00 ما انا ياما وقفت طابور000ماهو الدكتورعلشان يمضيلي تصريح دفن لازم يكتب شهاده زور0000وقالوا عني في الاعلام مانيش مصري ولامنها 00وقالو عني من سوريا ومن0 غزه وقلواني غريب عنها000وانا في الاصل انا مصري وده اصلي وكل جدودي عاشووماتو علي نيلها000انااللي ياما وقفت طابوري وقولت بلادي وانا تلميذ 000 ولماكبرت جه دوري خدمت في جيشي وكل اكلي كان من الميز 000ولما طالبت بحقوقي لاقيت جيشي بيرميني برصاصاتوا بدون تميز 0000 ويسرق عمري وحياتي علشان حكومة العواجيز000ليه يابلدنا الظلم فيكي صبح جبال ليه يابلدنا العدل اصبح شئ محال 000ليه يابلدنا المفتي يفتي بقتلي ودمي ليه يصبح حلال 00ليه يابلدنا جثث ولادنا يلملموها بجرافات وتتحرق وسط التلال 000ليه يابلدنا اتقتل واتحرق ولما اخويا يعترض بياخدو اعتفال 000ليه يابلدنا يقتلو الشعب اللي ساجد 00 ليه يابلدنا يحرقوا فيكي المساجد 00اليه يابلدنا قتلوا بناتنا ويتموا الاطفال000انا راحل بلا رجعه0 لدار الحق مش بددعه 000وبوصي اهلي و اصحابي وكل جيراني واحبابي وكل اصحابي في الجامعه 000لو لساكو مكملين00 لو لسه علي عاهدنا صامدين 00لوبكره نازلين علي الميادين00 سلمولي علي رابعه 00وحشتني كتير رابعه 00وحشنا صيامنا وقيامنا في ليل رمضان يارابعه 00وحشننا وضؤنا وصلاتنا في كل مكان يارابعه 00وحشنا دعانا تكبيرنا في كل مكان ياراابعه 00وحشنا قنوطنا ساعة الفجر 00وبكانا في ليلة القدر00وليلة خاتمة القرءان ياربعه00 وحشنا رشاشات المايه في الحر الشديد 00وحشنا لعب اولادنا في ليلة العيد 00ولبس العيد وكحك العيد 00وحشنا صمودنا في الميدان يارابعه 00وحشتينا ياربعه0 انا راحل بلا رجعه وبكره حقي هيجني من فوق السما السابعه وبكره حقي هيجيني من فوق السما السابعه