أبو خليل ينشر رسالة تؤكد أن بلطجية وراء حادثة قتل 6 جنود بمسطرد

نشر المهندس هيثم أبو خليل، الناشط السياسى والحقوقى، رسالة وصلته بشأن خفايا وأسرار حادثة مسطرد بشبرا الخيمة التى وقعت صباح اليوم وأسفرت عن مقتل 6 مجندين من الشرطة العسكرية.
وتؤكد الرسالة التى لم يفصح أبو خليل عن صاحبها أن وراء الحادث عائلة مشهورة بالبلطجة قتلت الشرطة منهم اثنين واعتقلت بعضهم منذ أسبوع مضى.
تقول الرسالة:« .. الموضوع كله إن شوية بلطجية تبع عيلة واحد تاجر مخدرات في مسطرد اسمه اشرف.. الشرطة دخلت الفرح اللى تبعه يوم الخميس قتلت اتنين من اللي معزومين في الفرح دول وكانوا بلطجية بردوا وخدت اشرف دا ومشيوا».
وتضيف الرسالة:«أهالي اشرف بهدلوا الشرطة وضربوهم وكدا بس الشرطة خدت اشرف ومشيت يوم الخميس. يوم الجمعة جه لواء وعقيد من الجيش و لواء شرطة ورئيس مباحث قسم تاني شبرا الخيمة و عملوا قاعدة مع عيلة أشرف دا علشان يسووا الموضوع ويراضوا أهالي الاتنين اللى ماتوا وكدا والقاعدة كانت جمب حي شبر الخيمة قسم تاني بس موضوع الصلح مانتهاش على خير و الجيش خد خمسة من اللى كانوا قاعدين معاهم وحطوهم في البوكس ومشيوا».
وتكشف الرسالة:«النهاردة الصبح عيلة أشرف دا ضربوا نار على الكمين، وقتلوا ال 6 مجندين دووول.. ودي كل الحكاية».
ويكمل الرسالة "«حضرتك أنا ساكن هناك قدام الحي وكانت مشكلة كبيرة، وإمبارح عيلة تاجر المخدرات قفلوا الطريق رايح جاي و حرقوا عربيتين ملاكي ، وسرقوا حوالي من 9 إلى 10 عربيات ملاكي من الناس، بعدها على طول.. قيادات من الجيش والشرطة خدوهم وحاولوا يعملوا الصلح دا بس الصلح ماتمش..».
ويختم كاتب الرسالة:«والكلام دا والله العظيم حضرتك حصل فعلا».