وطنى حبيبى الوطنى الأكبر يوم ورا يوم سلطاته بتكبر ومنيّم كل الأحزاب وحاكمنا من غير ما نفكّر الوطنى ده حدوتة كبيرة أبطالها دول هيبة وسيرة واكلين الجو فى مجالسنا كلمتهم واحدة ما تتغير
الوطنى دايماً صوته عالى بيروح له كده كل الغالى متجوز م الست حكومة خيرها عليه ولا سما بتمطر جوزها يا ناس إزاى حتسيبه اللى يعوزه أوام بتجيبه هو الغالى هو الحيلة ما فى غيره أبداً بتقدّر إذا جينا للحق نقول أمر جوازهم مش معقول عقده أكيد كده باطل باطل فبركة كله ده عقد مزور الوطنى مش فارقة معاه أحزانا ليه مش واجعاه
وكأنه مالهوش فى الدور يحزن ليه على إيه يتوتر عامل سور ليه بينا وبينه فاكر إننا مش شايفينه عامل دولة جوه الدولة حاجة عجيبة ده أمر يحير هناء المداح [email protected]
