في عيد ميلادها.. سر وجبة عالجت ريهام عبدالغفور من النحافة المفرطة

تناول المزيد من الوجبات كانت محاولة فاشلة من الفنانة ريهام عبد الغفور للتخلص من النحافة، حتى توصلت أخيرا للسر، الذي جعلها تتعافى، وأصبح وزن جسمها مناسبًا، حتى قالت مازحةً: «زدت 10 كيلو بندم عليهم»، عبر لقاء تلفزيوني سابق مع الإعلامية منى الشاذلي.
واليوم 6 سبتمبر، يوافق عيد ميلاد ريهام عبد الغفور، لذا نستعرض تفاصيل الوجبة السحرية التي خلصتها من النحافة.
سر وجبة عالجت ريهام عبدالغفور من نحافة مفرطة
قالت الفنانة ريهام عبد الغفور في لقاء سابق مع الإعلامية منى الشاذلي، عن نحافتها المفرطة في الطفولة: «كنت رفيعة وأنا صغيرة جدا روحت أتعلم في مدرسة السواقة وكانت بفلوس رمزية جدا وقتها، والراجل اللي بيعلمني ومن كتر ما أنا صعبانة عليه كان كل يوم يجيب لي كيس شوكولاتات يديهولي، ومرة حد أعجب بيا في المدرسة قولت له ليه؟.. قال عشان شكلك أمور قعدت أعيط افتكرته بيتريق عليا».
وأضافت «عبد الغفور» قائلة: «بعدين دخلت الجامعة كنت عايزة أتخن شوية، وكنت رفيعة رفع مرضي، مامتي بتصحى كل يوم الصبح تعملي لبن وعليه بيض وفانلينا وكان دا شيء قاسي جدا، لكن دي الحاجة اللي كانت بتطمنها إن أي حاجة دخلت جسمي، كنت شحاتة أبو كف».
محاولات فاشلة حتى ظهرت الوجبة السرية
وقالت ريهام عبد الغفور عن محاولاتها في علاج النحافة: «دخلت الجامعة صحبتي الأنتيم اسمها سارة وأي حد يشوفها يعجب بيا، لكن أنا مكنش حد بيعجب بيا، كنت بلبس البنطلونين فوق بعض عشان أبان تخينة، بابا يقولي يا بنتي كدة هتعرقي وتخسي أكتر، كنت بعمل كدة شتا وصيف، حد قالي على المفتقة، تقيلة عسل أسود وسمسم وسوداني ودقيق وحلبة، أنا كنت باكل منها مش بحرص، لأ كل يوم كل يوم لحد ما فجأة تخنت 10 كيلو بندم عليهم لحد دلوقتي».