بسمة السباعي عن مقال "المطلقات": "نفسي المجتمع يبقى أنضف من كده"

علقت الكاتبة الصحفية بسمة السباعي، على مقالها بجريدة "الوطن" بعنوان "رسالة إلى كل مطلقة انتي زي الفل"، قائلة: "نفسي الدنيا تتغير وكل حاجة تبقي كويسة، نفسي شكل المجتمع يبقي أنضف من كده في أفكاره".
وأضافت بسمة، خلال لقائها في برنامج "صباح دريم" على شاشة "دريم" اليوم، "الست بتخاف ما تكملش في جوازة مش مرتاحة فيها علشان ماتاخدش لقب مطلقة، والنتيجة هو بيت غير سعيد وزوجة مقهورة، أو ست تتحدى الناس وتتطلق وبرضه هتعيش عيشة مش سوية بسبب نظرة المجتمع لها".
وتابعت "نسبة الطلاق زادت بسبب حرمة المجتمع للطلاق"، لافتة إلى أن المجتمع يستمد شرعيته من العادات والتقاليد وليس من القرآن والسنة.
واستطردت "اللي بيوجع في رفض موضوع الزواج من مطلقة أن الست هي اللي ترفض ست زيها"، مشيرة إلى تشدد الأم في رفض زواج ابنها من مطلقة، مضيفة "حتى لو الجوازة تمت بيحسسوها إنها معيوبة مع إن الطلاق مش حرام".
أشارت بسمة، إلى أن رفض الزواج من المطلقات مشكلة كبيرة لا يوجد لها حل، متابعة "المجتمع فاكر إن الست بعد فقد عذريتها بعد الجواز هتبقي سهلة".