توقيع "إزاي" للكاتبة حنان مفيد فوزي ب"ديوان" الزمالك السبت

تستضيف مكتبة "ديوان" فرع الزمالك، السبت المقبل، حفل توقيع ومناقشة كتاب "إزاي" للكاتبة الصحفية حنان مفيد فوزي، والصادر عن دار "سما" للنشر والتوزيع، في تمام الساعة الخامسة والنصف مساءً.
ومن أجواء الكتاب، "رغم إن ما فيش حد فيكي يا بلد عنده طقطان للقراية دلوقتي، ولو بالصدفة البحتة، سمعلو برنامج أو شافلو فيلم غالباً بيسّقط ف نصه والواحد منا أساسًا بقى بيتكلم بالعافية، لكن مش هنخسر حاجة لو جربنا نفهم القفشة دي جاية منين تحديدًا، يمكن جاية من طرف تالت أو طابور خامس أو جيران بالدور السابع أو حامل في التاسع، أو ربما من ظروف واشتغالات أو علاقات وتطورات أو جايز سببها إننا مش عارفين إزاي نتعامل مع الحياة ونعيشها صح، مش عارفين إزاي نختار مضبوط، وإزاي مانكررش أخطاءنا، وإزاي نسيطر على انفعالاتنا وإحباطاتنا، وإزاي نواجه الملل والزهق والقلق، وإزاي ناكل اللي يفيدنا، وإزاي نشرب اللي يروينا، وإزاي نلبس اللي يعجبنا، وإزاي نوفق ألواننا، وإزاي نحب اللي يسعدنا، وإزاي نشتغل اللي ينجحنا، وإزاي نكسب اللي يرضينا، وإزاي ننام على الجنب اللي يرحنا".
يذكر أن حنان مفيد فوزي، إعلامية وكاتبة مصرية، تخرجت في كلية الآداب قسم علم نفس، ثم بعدها التحقت بجامعة مونتريال الكندية لتتلقى دورات تثقيفية في علم الأبراج، صدر لها عدة كتب من أهمهم، "سيدة قطار الغناء" عن ليلى مراد 2002، "يوسف السباعي سبعة وجوه"، وديوان شعري بعنوان "الشاطر مش حسن".