حديث المدينة

مفيد فوزى :اتحدث اليكم فى عزالصيف من الصعيد فى درجة حرارة تتجاوزاربعين اذهب فى عز الصيف لااحقق حال محافظة نفى محافظها امامى انه اقيل رغم ما نشر فى الصحف لماذا بسبب مشاكل طفت على السطح وتذمر الناس فى المنيا والتقطت الصحف اخبار القضايا كاملة اذهب العدسات الى المنيا اللى بكلم حضراكم منها الان على ضفاف مصر ضفاف النيل لاواجه المحافظ دكتوراحمد ضياء الدين بكل ما يقال
مفيد فوزى : هل انت محافظ الرسوم هل انت محافظ المشاكل الطائفية بين المسلمين والاقباط هل انت محافظ فرض على الناس الضرائب ام رسوم حين يبنون بيتنا اويفعلون شيئا اوحتى الاموات كل هذا واجهت به المحافظ وسألتة ايضا هل انت فى المنياهنا يزرعون السلاح فى بعض القرى كل هذا ناقشتة ونزلت الى الشارع فى المنيا اسمع ما يقوله الناس اريد ان اؤكد اننا لم نأتى هنا لنجمل وجه محافظ او محافظة ولكننا نبغى الانصاف لمحافظ او محافظة بعقل وبروية فالناس احيانا يجتاحها شعور بالكلام اى كلام ولكن هناك حقائق منها الخبز على سبيل المثال لقد امسكت فى يدى رغيفا لا يمكن ان يكون على مائدة السيد المحافظ جئت هنا لاحقق ولاعرف الحقيقة المحافظ وناسة تحقيق صوت وصورة فى حديث المدينة
فاصل
مفيد فوزى : دكتوراحمد ضياء الدين محافظ المنيا لانى فى المنيا اتذكران الراحل العظيم طة حسين من عزبة الكيلو بمغاغة فى المنيا كان يقول ان التعريفات تقودك الى جسرمن الحواراستعير من طة حسين هذه العبارة لاسألك فى عبارة قصيرة محددة ما معنى كلمة محافظ ناجح.
د/ احمد ضياء الدين :ارصد كل احداث مجتمع فى المحافظة التى شرف بها ثم يعمل على وضع الحلول المناسبة لغالبية تلك المشكلات التى يتم رصدها سواء بمعرفته او بمعرفة الاجهزة فى اطارالسياسة العامه للدولة
مفيد فوزى : ما مدى نصيبك من هذا النجاح ؟
د/ احمد ضياء الدين : انايمكن لا استطيع ان انا ازعم بنسبة معينة والا اكون مش عايز اقول اجترأت على ان ا كون حكما لكننى استطيع ان احور السؤال ان سمح لى بالنسبة لى
مفيد فوزى : ا تفضل
د/ احمد ضياء الدين :اننى راضى عن نفسى كل الرضا
مفيد فوزى : هل هناك محافظ ناجح اعلاميا؟
د/ احمد ضياء الدين : قد يكون قد يكون البعض ممكن اجهزة الاعلام بتتعامل معة من خلال الايجابيات دون رصد للسلبيات وده يمكن نتيجة طبيعة المحافظات بتختلف من مكان الى مكان انا المحافظه عندى لها سمات يعنى يمكن لو جت فرصة هقول لحضرتك هذه السمات المتفرده
مفيد فوزى : هل الاعلام يعامل ايجابياتك اكثر ام سلبياتك اكثر؟
د/ احمد ضياء الدين : لأ سلبيات اكثر
مفيد فوزى : ما السبب؟
د/ احمد ضياء الدين : قد يكون زى ما انا قلت لحضرتك انه طبيعة المجتمع المنياوى بسمات متفردة فيه بيدى لة طبيعة خاصة ثقل خاصة المجتمع نفسة وبالتالى يكاد لا يمر يوم بدون حدث ان رؤى انة سلبى فهو سلبى لكنه حدث افراز طبيعى لظروف الحياة
مواطن :انما المحافظ الناجح اكيد هو يعمل لصالح البلد بكل شكل
مفيد فوزى : هل انت شاعران محافظ المنيا محافظ ناجح ؟
مواطن : الى حد كبير فى تزيين البلد وتذويقها
مفيد فوزى : محافظ المنيا محافظ ناجح ؟
مواطن : ما اعتقدش
مفيد فوزى : هل الناس مش راضية عنه؟
مواطن : متهيأ لى رضا الناس يعنى مش كفاية
مفيد فوزى : هل هو شخصية متعجرفة؟
مواطن :لأ بس يمكن المسئوليات اللى عليه كثيرة فمش قادر يحقق كل رغبات الناس
مفيد فوزى : المنيا لسة عروس الصعيد
مواطن : هى لسة عروس الصعيد وعلى احسن كمان
مفيد فوزى : فى تقديرك ليه ؟
مواطن : يمكن الفترة الخمس سنين اللى فاتوا دول بالذات يعنى يمكن المنيا بالذات اتقدمت كثير عن محافظات الصعيد حتى الهدوء هدوء طبيعى نسبى اللى احنا فعلا كنا محتاجينة
مفيد فوزى : انت حاسس ان المحافظ ايه اللى ناقصة علشان يبقى محافظ ناجح؟
مواطن : المحافظ الناجح بيقدم خدمات للنا س وتعاملة للناس كثير
مفيد فوزى : طيب هنا فى المنيا بالامانه ؟
مواطن : لأ المحافظ 10 على 10
مفيد فوزى : اه
مواطن : بيقدم احسن خدمات
مفيد فوزى : انت بتشتغل ايه؟
مواطن :انا راجل موظف فى شركة ومقيم هنا فى المنيا فا صراحة شايفى المنيا حلوة
فاصل
مفيد فوزى :هل تعقد انه عملية نشرك فى الصحف انك تنفى اقالتك لماذا هذا الخبر؟
د/ احمد ضياء الدين : انا لم انفى ولم اتناول لاننى اعلم يقنا ان من يملك هذا هو القيادة السياسية سيادة الريس هو الذى شرفت بهذا الشرف من خلال قرار سيادته وبالتالى ايضا هو الذى يملك لكن هناك دائما نقدر نقول رصد لبعض التصرفات فهو البعض يرى ان عقد اجتماع ما بعض شائعة ما هو بمثابة نفى للاقالة
مفيد فوزى : اراك ودودا لماذا يراك بعض الناس متعجرف ؟
د/ احمد ضياء الدين : اعتقد ايضا انه ده نتيجة عدم التعامل البعض يحكم عليك دائما من بعيد قد يكون فى هذه مدفوعا الى عملك السابق بشكل اوبأخر فيرى انك دائما سلطوى وحينما يرى هذا يرى انه لا اثرة للودة فى شخصيتة انما لو اقترب اعتقد معظم الناس بتغير هذه الفكرة
مفيد فوزى : انت رجل جئت من طبيعة اكاديمية هل نزلت الى الشارع بتيشيرت وبنطلون جينز
د/ احمد ضياء الدين : اود بس فى هذا الشأن ان لم آتى من طبيعة اكاديمية رغم تكوينى انى حاصل على درجة دكتوراة انا أتيت وكنت باشرف بنمصب مساعد اول وزير الداخلية للشئون القانونية كنت امارس كافة التكليفات الصاردة لى من السيد وزير الداخلية فيما يتعلق بكافة المجالات
مفيد فوزى : نعم
د/ احمد ضياء الدين : فلم يكن دورى الجلوس على منصة التدريس حتى اكون اكاديميا وانما كنت واقعيا وفى كثير من الحالات حينما تقتضى الظروف النزول بلبس غير منمق اهلا وسهلا
مفيد فوزى : يعنى ايه بلبس غيرمنمق ؟
د/ احمد ضياء الدين :يعنى بدلة - كرافتة
مفيد فوزى : لماذا لم تقترب اكثرمن الجماهير؟
د/ احمد ضياء الدين :لاعلاقة حضرتك الزى بالجماهير
مفيد فوزى : اتصورانا ان الجماهيرية هى البساطة فى الزى
د/ احمد ضياء الدين : حضرتك نحن نمارس عمل عام حكومى رسمى
مفيد فوزى : كان عبد الرحيم شحاتة ينزل بقميص وبنطلون
د/ احمد ضياء الدين : طبيعة القاهرة
مفيد فوزى : عفوا كان حسن حميده اراه عند المحاجر بقميص وبنطلون
د/ احمد ضياء الدين :حينما نتوجه للمحاجر اتوجه بهذا
مفيد فوزى : بقميص وبنطلون؟
د/ احمد ضياء الدين :اه انما حضرتك حينما نتوجه فى المحافل العامة وانت نازل من المكتب فى يوم عام اعتقد ان المسالة بتفرض نفسها
مفيد فوزى : حتى الجو يسمح بذلك انت فى درجة حرارة 40
د/ احمد ضياء الدين : ما انا بقول لحضرتك الزى ليس مطلوبا لذاته ولا انطباعى لما جيه وقت البس ترننج لبست ترننج
مفيد فوزى : نعم
د/ احمد ضياء الدين : لما جه وقت العب كورة باللعب كورة
مفيد فوزى :هل تصلك معاناة الناس من تقريرام من مخالطة الناس ام من الدولة؟
د/ احمد ضياء الدين : كل المصادر دى متاحة ويكفى ان انا اقول لحضرتك من يوم ما جئت وانا اعمل لقاء المواطنين يوم الاحد من كل اسبوع مهما كانت الارتباطات هذا اليوم تاريخة وتوقيته مقدس وبعد فترة وجدت ان عقد هذا الاجتماع فى ديوان عام المحافظة له سلبياته انا اللى اكتشفته هذه السلبيات بتتمثل فى ان انا بارغم المواطن اللى فى مغاغة فى اقصى الشمال واللى فى دير مواس اقصى الجنوب ان يأتى فقررت ان اذهب الى الناس فى المدن بقى لنا اكثر من سته اشهر اخذ طاقم المحافظة كله
مفيد فوزى : نعم
د/ احمد ضياء الدين : وبدل ما يبقى عندى محافظة واحدة وديوان واحد اصبح عندى تسع محافظات وتسع دواوين تنتقل للناس فى المراكز لكن بمشيئة الله عندى اجتماع اللى هو لقاء المواطينين ده دون تنسيق يحضر اليه كل من له حاجة وتحل فى لحظتها من خلال طاقم الديوان العام وكلاء الوزارة الموجودين بكرة رايح دير مواس علشان التقى بالناس فىاماكنهم وليس فهذه كلها بتتيح لى فرصة التعرف على المشكلات من خلال المواطن نفسة وليست من خلال التقارير الرسميه لان الاعتماد على التقاريرفحسب قد يؤدى فى كثير من الحالات الى عدم الالمام بالصورة كاملة
مفيد فوزى : فى تقديرك الشخصى هل المحافظ شخصية تفتح ابوابها للناس ؟
مواطن : انا على الكلام اللى باسمعة ان فية مشاكل كثيرة حصلت مع المحافظ بس يعنى مجربتش حاجة علشان اقيمه بمعنى اصح يعنى ما وجهتش معاة موقف علشان اشوف كلامه ازاى
مفيد فوزى : انت من المنيا؟
مواطن: انا من المنيا اه
مفيد فوزى : هل هو محافظ ناجح؟
مواطن : ما شفتشك نتيجة للمشاريع بتاعته
مواطن : يعنى فى اكثر من كدة المفروض يتعمل يعنى فى انتاج اكثر من كدة يعنى
مفيد فوزى : حدد يعنى ايه علشان تبقى المسائل محددة انت طالب فيه ؟
مواطن : فى كلية تربية فنية
مفيد فوزى : يعنى لازم يبقى عندك رؤية ؟
مواطن : اللى ممكن تتقال
مفيد فوزى : حبيت اعرف منك رأيك فى المحافظ وانتوا نفسكم تقولوا اية للحكومة؟
مواطن :يعنى احنا نقول للحكومه كل خير احنا لمؤاخذه تعبانين فى اى حاجة بناكل وبنشرب وموظفين ومستريحين
مواطن : انا والله انا من سكان مدينه المنيا الجديدة هى مدينه حلوة ومتكاملة وفيها كل الخدمات وكل حاجة بس ينقصها مياة الشرب انا نفسى حضرتك تطلع معانا دلوقتى احنا بنشرب ميه من فناطيس المية اللى كنا بنشرب منها من خمسين سنه لورا يعنى فناطيس
مفيد فوزى : المنيا الجديدة
مواطن : المنيا الجديدة مدينة حضرتك الميه اللى بنشربها ما تصتلحش حضرتك حتى نغسل بيها هدومنا
مفيد فوزى : من هم الغاضبون؟
د/ احمد ضياء الدين: الغاضبون حضرتك انا قلت لحضرتك هنا اكثر من ملف فتح هذه الملفات كلها كان لابد ان تفتح نمرة واحد ملف الاراضى الصحراويه المتعدى عليها نمرة اثنين الاراضى داخل الزمام المنهوبة نمرة ثلاثة سؤ حالة الخبزوعندى 1850 مخبز وبدأ وفقا لتوجيهات السيد الاستاذ الدكتوراحمد نظيف رئيس مجلس الوزاراء منظومة انتاج الخبز كلها بيتم تطويرها فى مخابز متطورة هذا سيؤدى حسب تصور البعض انه بيحرم من انتاج ا لخبز بالطريقة اللى هى فيها مليئة بالسلبيات وبالتالى لما يبقى مخبز واحد مطور وينتج لك مليون رغيف قد يكون له بعض المساوئ
مفيد فوزى : ازيك
مواطن : بس حضرتك احنا العيش ينعانى منه هنا بس
مفيد فوزى : العيش ده شافة المحافظ؟
مواطن: الله اعلم اهولمؤاخذة العيش بيجلنا عقبال ما بن
مفيد فوزى : ده عيش طازج؟
مواطن : ده عيش طازج انا لسة ما روحتش للبيت
مفيد فوزى : وماله كده
مواطن : ده اديك شايف بيجى مكسر كده وبيجى ما يتكلش يعنى يعنى لو حطة للكتاكيت ما يتكلش يعنى اديك شايفة حضرتك
مفيد فوزى : هل تعتقد انه المحافظ على طرابيزتة العيش ده؟
مواطن : الله اعلم بس ما اعتفدش يعنى انه بيوصل له حاجة زى كدة
مفيد فوزى : تسمح لى اتصور جنبة ؟
مواطن : اتفضل
مفيد فوزى :انا ورغيف خبز فى ا لمنيا
مواطن : كويس بس التعب
مفيد فوزى : يعنى ايه التعب ؟
مواطن : التعب يعنى من ناحية المواصلات من ناحية الخبز
مفيد فوزى : الخبز
مواطن : ايوه المخابز يعنى تعبانة
مفيد فوزى : مالها مالها ؟
مواطن :زحمة وفية التكثيف
مفيد فوزى : عاوز اعرف ايه المشكلة اللى فى المنيا انت بتشكى منها وتوصل لصوت المحافظ؟
مواطن : الخبز
مواطنة : العيش وحش جدا نمرة واحد وانا موظفة بالمحافظة على فكرة العيش ما بنعرفش نأكلة خالص عايز يتقدم للبهايم لمؤاخذه
مفيد فوزى : فى مشكلة فى المنيا تحتاج ان المحافظ يسمعها منك ؟
مواطن : المشكلة ان هو يتيح الفرص للشباب اللى هما فتحين مشاريع واى عمل خاص من غير ما يكون فيه ضغوط عليهم من الجهات المسؤلة
مفيد فوزى : زى ايه الجهات دى؟
مواطن : يعنى لازم كل يوم خميس المحلات فى المنيا تقفل
مفيد فوزى : ليه ؟
مواطن :علشان اى حد يجى مثلا يعمل لهم محضر او مخالفة او اى حاجة
مفيد فوزى : الله يعنى بيعملوا محاضر للناس بدون اى سبب ؟
مواطن :هو ممكن يكون فيه سبب بس يعنى هو الغالب انه غشان بلاش يتعامل معاهم فى اى مخالفة او اى قرا ر جزافى من ان هو يقفل
مفيد فوزى : انت عندك محل بتقفلة؟
مواطن : اه طبعا
مفيد فوزى : بتقفلة يوم الخميس؟
مواطن : مش انا بش الشارع كله
مفيد فوزى : انا فاهم انت كنموذج بتقفلة يوم الخميس
مواطن : اه اه
مفيد فوزى : هربا من هذه
مواطن : المشاكل
مفيد فوزى : افتح قلبك بيزييفوا الصورة للمحافظ
مواطن : لأ لألأ ما افتكرش
مفيد فوزى : بيلونوها
مواطن : لان هو اكيد برضه بينزل وبيشوف يعنى
مفيد فوزى : عمرك شفته
مواطن :لأ
مفيد فوزى : عمرك شفته لابس تيشيرت وجينز؟
مواطن : لألألأ حسن حميدة كنت باشوفة كثير اكثر منه
مفيد فوزى : هل تعتقد ان بعد الشارع فى ملفك ؟
د/ احمد ضياء الدين :انا لم اكن فى تاريخ عملى الاخير بعيدا اطلاقا عن الشارع لانى كنت امثل السيد وزير الداخلية فى البرلمان واعتقد ان البرلمان هو المجسد لنبض الشارع
مفيد فوزى : اعلم نعم
د/ احمد ضياء الدين :فكنت ملم تماما لكل تحركات الشارع بنبضة بتوجهاتة بمشكلاته
مفيد فوزى : هل اقتربت من الناس فى قسم شرطة انا اعلم انك كنت مدرسا فى كلية الشركة لكن هل اقتربت من الناس من دعبس وبلية وعليه سنفر والبشر الغر يب
د/ احمد ضياء الدين : انا نشأت فى مجتمع هو كدة انا من حدائق القبة
مفيد فوزى : نعم
د/ احمد ضياء الدين : لعبت الكرة الشراب ولعبت فى الشوارع وفى مدارس حكومه والتقيت بكل الناس وعشت معاهم ولست اصلا منفصل عن هذا الشعب
مفيد فوزى : وفى التجربة المعملية فى الحياة ؟
د/ احمد ضياء الدين : وفى الحياة يعنى زى ما بقول لحضرتك ان كان مكتبى فى وزارة الداخليه هو الملاذ دائما وكانت الناس كلها اصحاب الشكاوى بتحضر لى
مفيد فوزى : بالمناسبة هل خلفيتك الامنيه بتجعلك تلجأ فى بعض الاحيان للمعالجات الامنيه للمشاكل فى المحافظة
د/ احمد ضياء الدين :هو شوف حضرتك المعالجة الامنية لسيت بنقصية والحص الامنى احد معطيات تكوين الشخصية وانا استطيع ان انا اتجرأ وازعم ان الاستاذ مفيد فوزى لديه حس امنى عالى
مفيد فوزى : نعم
د/ احمد ضياء الدين : فليست المسألة الحس الامنى احد مكونات حس الانسان بصفة عامة ولا استطيع ان اثبت حسن الرصد الامنى سواء فى التصور او فى اتخاذ القرار والا ابقى انسان قد اهملت احداهم عناصر الرشد فى القرار الادارى لكنه ليست بنقيصة
مفيد فوزى :لا اعتقد انه نقيصة ولكن اعتقد ان المشكلة لابد ان لها ظروف لابد ان هناك اطراف وليست فقط بما يسمى بالقمع
د/ احمد ضياء الدين :القمع حضرتك لاوجود له فى القرار الادارى والا ما كانت مشكلة واحدة قد حلت على مستوى المحافظة حلت خلال هذه العام مشكلة دير ابو بانا حل جزرى حلت فى ثوانى معدوده مشكلة دير ابو حنس
مفيد فوزى : لماذا غيرت اسم دير ابو حنس الى وادى النعناع ؟
د/ احمد ضياء الدين :فوجئت بانهم جايبين لى قرار صادر من ايام استاذنا الفاضل المستشار ممدوح مرعى وزير العدل وانا اكن له كل تقدير وعرفان والقرار بيعيد المسمى للقرية من دير ابو حنس الى وادى النعناع
مفيد فوزى : ليه اتصلت على الفور بسيادتة وتناقشنا تبين انه كانت هناك موجبات من وجه نظر مصلحة الشهر العقارى وبصراحة على مااذكر بانه مكتب الشهر العقارى فى القرية كان بدأ يعنى يدرك ان الاصدارات الرسميه التى تصدر من مكتب الشهر العقارى كلها منسوبة الى دير ابو حنس وانا هناك قرار جمهورى صدر فى عام 64 بتغيير مسمى القرية من دير ابو حنس الى وادى النعناع
مفيد فوزى : هل فى حكمة فى هذا ؟
د/ احمد ضياء الدين : اريد ان يصحح هذا الوضع
مفيد فوزى : هل في حكمة فى هذا؟
د/ احمد ضياء الدين : لأ انا لم ادرك الحكمة لانه ده فى 64اوراق الملف عندى ان هناك قرار هذا القرار راجعت فيه ما بيبنش بنود القرار حكمة اصدرة انذاك لكن القرار مضمون انه يعدل مسمى قرية دير ابو حنس الى وادى النعناع حينما عرض على استاذنا الفاضل صدر هذا القرا راستنادا الى القرار الجمهورى كان له وفقا لهذا موجبات فى وزارة العدل بان تصدر هذا القرار حينما علم المواطنين بدؤا يثوروا لانه المسمى هنا له اصل عقائدى لانه مرتبط بدير
مفيد فوزى : نعم
د/ احمد ضياء الدين : والقرية زى ما قلت لحضرتك من اهلينا المسيحيين
مفيد فوزى : لماذا نشرت الصحف انك وراء هذا التغيير فهمنى انا عايز اعرف؟
د/ احمد ضياء الدين : لانه زى ما قلت لحضرتك يعنى ما افضل ولا الذ من التقاط الخبرالمثير
المثير
مفيد فوزى : هل بينك وبين الاعلام خصام ؟
د/ احمد ضياء الدين : انا انا انا انا لا اعرف خصاما مع احد
مفيد فوزى : سيادة المحافظ من فضلك افتح قلبك لانه انت توضح للناس حقيقة الامور
د/ احمد ضياء الدين : انا لا اعرف الخصام مع احد حتى لو حاولت مخاصمتة
مفيد فوزى : طيب الراجل اللى وجد العجوز
د/ احمد ضياء الدين : اكمل قصة ابو حنس بس علشان ..
مفيد فوزى : المسلم اللى وجد مقتول داخل دير لماذا قيل ان ده قتل عمدا بطعنات لابد ان تكون طعنات مسيحيين هل هى حقيقية
د/ احمد ضياء الدين :تفتكر سيادتك لم الاستاذ مفيد فوزى وهو هرم اعلامى بيسألنى هذا السؤال
مفيد فوزى : عايز اعرف
د/ احمد ضياء الدين : حضرتك ارجو ان اوجةالسؤال اللى نشر هذا الخبر بهذه الطريقة المؤججه المثيرة شخص جثة عثر عليها مقتولة خلال
مفيد فوزى : داخل الدير ولا خارج الدير؟
د/ احمد ضياء الدين : لأ خارج الدير
مفيد فوزى : خارج الدير ؟
د/ احمد ضياء الدين : خارج الدير
مفيد فوزى : اه
د/ احمد ضياء الدين : لاعلاقة له اطلاقا لا علاقة له
مفيد فوزى : ورجل مسلم
د/ احمد ضياء الدين : ورجل دين ليه تكتب فى الخبرالعثور على جثة عجوز مسلم بجوار دير ابو فانا 0 0 ده السؤال اللى بسألة لك حضرتك واللى لازم تسألة ليه ليه ما قلتش العثور على جثة عجوزده السؤال ليه ابرز كلمة مسلم وابرز دير ابو فانا علشان يعنى اصل الى اسقاط بانه خلى بالكم يا مسلمين واحد مقتول منكم وخلوا بالكم يا مسيحيين دا فى الدير ليه الا اذا كانت هناك بواعث شخثصية متتخفية فى تناول هذا الموضوع
مفيد فوزى : هذه الناس ضدك بيشتغلوا ضدك هل فى ناس ا نت ارهقتهم فى حاجة فا بالتالى عندهم درجة من درجات مش عايز اقول العداء انما التربص لك خلينى معاك امين بوضوح تام
د/ احمد ضياء الدين :هو انا بجاوب على حضرتك بذات الوضوح
مفيد فوزى : اتفضل
د/ احمد ضياء الدين : لا استطيع حضرتك ان انا اقول انه مسألة الضيق من بعض القرارات قد ترتب هذا فى اوضاع هل اقدر ان انا اقول للاستاذ مفيد فوزى عندك اسألهم لو كنت فرضت
مفيد فوزى : حاضر
د/ احمد ضياء الدين : لو بشبة قرار
مفيد فوزى : هل رفعت رسم تركيب عداد؟
د/ احمد ضياء الدين : لم اتدخل ولا علاقة لى بشركه المياة وشركة الكهرباء ورئيس الشركه موجود سيادتك اتصل بة
مفيد فوزى : هل طلبت رسم على اصحاب المحاجر؟
د/ احمد ضياء الدين : المحاجر حضرتك انا غيرت نظام المحاسبة فقط
مفيد فوزى : فقط
د/ احمد ضياء الدين :ازاى؟
مفيد فوزى : لماذا يشكون؟
د/ احمد ضياء الدين : ما انا بقول لحضرتك ازاى
مفيد فوزى : اه
د/ احمد ضياء الدين : كان حضرتك النظام المتبع انه يتم تأجير المحجر
مفيد فوزى : ايوه
د/ احمد ضياء الدين : بقيمه بتثبتها لاول مرة وتجدد فى كل عام قيمة ثابتة تدفعها حضرتك كا التزام عليك كمستغل للمحجر سواء حضرتك اشتغلت ام ما اشتغلتش شلت او ما شلتش البعض منهم مستغلين وقالوا والله فى ظل الازمه العالمية احنا عايز نربط ما جعل او مقابل الانتفاع اللى بننتفعة بالانتاج قلت والله ادرس درست قلت والله من قبيل الاستجابة ليس هناك ما يمنع جبت حوالى سبعة ثمانية وصلوا لعشرة منهم قبل ما اصدر قرار وجبت كل المسئولين فى المعابر وجبت السكرتير العام وقعدنا وقلت له والله احناموافقين هعفيكم من مقابل الترخيص ومقابل تجديد الترخيص اللى هو الحد الادنى 12000 جنية وقد يصل فى بعض المحاجر الى 100000 جنية هعفيكم تماما منهم بس ادينى مقابل من المحافظة على الانتاج فى ذات نطاق الرسوم المقررة دون تغيير اذن كل اللى ترتب على الموضوع ان انا غيرت نظام المحاسبة من المحاسبة التقديرية الى المحاسبة بالانتاج
مفيد فوزى : هل ده ارضى الناس؟
د/ احمد ضياء الدين : عملنا محضر مضينا عليه كلنا ترتب على كده ان انا هاخذ على الف الطوبة على كل قالب طوب ينتج بلوك هأخذ قرش صاغ واحد
مواطن : المحاجر زادت حضرتك جدا
مفيد فوزى : زادت ايه؟
مواطن : زادت فى البونات
مفيد فوزى : زادت فى ايه؟
مواطن : زادت فى بونات المحاجر
مفيد فوزى : ازاى فهمنى ؟
مواطن : ازاى يعنى اقول لسعتك اول ما جاءالبون كان ب 50 قرش للمتر كنا بندفع 50 متر ب 25 جنية انهاردة اصبح المتر ب 3جنية ونصف
مفيد فوزى : بعد ما كان ب 50 قرش
مواطن : ايوه بعد ما كان ب 50 قرش بقى ب 3 جنية ونصف طب الزيادة دى هيجبها منين
مفيد فوزى : اه
مواطن : العرض ده مشكلة يعنى 3 جنية وزيادة فى 50 متر ب 150 جنية زيادة غير ثمنها هنجيبها منين يعنى ممكن اللطه ب 120 جنية اول عن اخر انهاردة بقى ب 180 و ب 200
جنية فى المحاجر فا ملهوش لازمه
مواطن: مره يغلوها فوق ومرة يغلوها فى البون وكده دايما على كده
مفيد فوزى : مين المسئول عن ده؟
مواطن : مفيش غير محافظ المنيا
مفيد فوزى : اه
مواطن : بس
مفيد فوزى : بتشكوا له ؟
مواطن : هه الشكوى لربنا
مواطن: حضرتك فى هنا احنا بناكل عيش بالعافية يعنى يعنى حرام لما يزود على المحاجر عايز ياخذ مش عارف على كل الف طوبه 20 - 25 جنية لية يعنى هناكل عيش منين احنا يعنى طب ازاى اعقلوها كدة احناناس فلاحين وعلى قد حالنا وعايشين بالعافية
مفيد فوزى : ايه مشكلة مشكلة مهمه فى المنيا المحافظ لم ياخذ فكرة بيها غير العيش وغير عمال المحاجر قولى افتح قلبك؟
مواطن : ...
مفيد فوزى : منها
مواطن : اللى عايز يبنى بين
مفيد فوزى : الله يعنى في رسوم؟
مواطن : يدفع رسوم كذا
مفيد فوزى : قولى قولى على تجربة شخصية ؟
مواطن :أربعمائة فى المائة رسوم اللى فرضها سيادةالمحافظ على البلد وعلى الميتين المتوفى علشان يروح يطلع شهادة وفاة يدفع 150 جنية ده فى حكم مين عدل مين ده مين اللى قال كده حتى الميتين فرضين عليها رسوم عندنا شركه كانت فتحة بيوت اكثرمن 10000 اسرة اتقفلت والظلم اللى فيها الناس مش لاقيه تأكل ما اخذتش مرتبات
مواطن : تخفيف الاعباء شوية بالنسبة للرسوم الميه والكهرباء والحاجات ديت
مفيد فوزى : قولى بقى ايه الاعباء دى؟
مواطن :يعنى مثلا بالنسبة للكهرباء بدل ما الرسوم عاليه ومرتفعة شوية تبقى مثل اقل شويه
مفيد فوزى : انت بتتكلم عن تجربة شخصية فى حياتك ؟
مواطن :اه تجربة شخصية
مفيد فوزى : طيب
مواطن : هقول لحضرتك
مفيد فوزى : ايه بقى عبارة عن ايه ؟
مواطن : يعنى مثلا بالنسبة للمية بالنسبة للكهرباء
مفيد فوزى : زاد عما كانت؟
مواطن : لأ هو مش زادت هو فيه رسوم بتخش المحافظة لتحسين الدخل بالنسبة للاوضاع وبتاع لكن بالنسبة لنا طبعا بتبقى صعبة انا كا راجل موظف مثلاامكانيات بتبقى صعبة عليا شويا يعنى
مفيد فوزى : الله يعنى الرسوم دى مفروضه عليك ؟
مواطن : لأ مش مفروضة عليَ و لا حاجة
مفيد فوزى : لازم تدفعها ؟
مواطن : اه تكمل اجراءات
مفيد فوزى : ايه تانى غير الميه؟
مواطن : لأ
مفيد فوزى : قلت لى الميه والا الكهرباء
مواطن : الكهرباء
مفيد فوزى : الكهرباء؟
مواطن : اه اه
مواطن : والله المحافظ هنا عامل جلج فى البلد
مفيد فوزى : عامل ايه؟
مواطن : عامل جلج
مفيد فوزى : جلج اه يعنى قلق
مواطن : دول ناس شايفة حتى يقولك المحافظ على الميتين يدفع 150 جنية للميت لما يطلع تصريح دفنه يدفع 150 جنية دا كلام الناس كلها بتتكلم كده الكلام ده ما ينفعش وما يصحش المفروض المحافظ شغلته اساسا يشوف الناس الغلابه يشوف اصل المجارى يشوف العيش رغيف العيش اصلة اللى بايظ
مفيد فوزى : الميكرفون ده بتاع حديث المدينة بيطلع فى التليفزيون وجاى يسألك وانت فى المنيا قولى لى ايه اللى بتشكى منه وانت قاعدة موحودة كدة
مواطنة: بنشكى من الطريق
مفيد فوزى : يعنى ايه الطريق؟
مواطنة :اهو الطريق مسدودة بتاع دماريس
مفيد فوزى : ازاى ؟
مواطنة : فاحتين صرف صحى والعربيات مش ماشية
مفيد فوزى : يعنى مخليكى قاعدة كده؟
مواطنة :قاعدة اه مستنية لماربنا يحن علينا بتاكس والا بعربية
مفيد فوزى : هو مفيش مواصلات فى البلد دى؟
مواطنة : في مواصلات بس قاطعين الاسسفلت
مفيد فوزى : قطعين ايه ؟
مواطنة : قطعين الطريق علشان لما يعملوا صرف صحى
مفيد فوزى : طب مابيعملوا حاجة للبلد مش تخلى عندك بردوا مفهومية يعنى هماقاطعين الطريق قطاع طرق يا عم انا ما اعرفش اتكلم فى الحاجات دى
مفيد فوزى : ما هو ما انا بكلمك اهو هما قطاع طرق
مواطنة : هههههلألألأ
مفيد فوزى : قطاع طرق؟
مواطنة : لأ مش قطاع طرق
مفيد فوزى : بيعملوا حاجة للبلد؟
مواطنة : بيعلموا صرف صحى للبلد ينفعوها
مفيد فوزى : مش كده
مواطنة : ايوه بس عايزين اتوبيسات تودى البرجين وزهرة مفيش اتوبيسات شغالةعلى الخط لا البرجين ولا زهرة
مفيد فوزى : ليه ؟
مواطنة : معرفش
مفيد فوزى : معندكمش مسؤل كبير فى البلد دى؟
مواطنة : معرفش يا عم
مفيد فوزى : او واحد كبير عظيم فى البلد
مواطنة :لأ والله مش عارفة
مفيد فوزى : البلد مفيهاش..
مواطنة : ياعم ما تصورنيش
مفيد فوزى : ليه ده انتى ..
مواطنة : ما انا ما بعرفش اتكلم
مفيد فوزى : ليه دا انت بتتكلمى وزى القمر بتخبى وشك
مواطنة : شوف غيرى ما اعرفش
مفيد فوزى : اكلم مين ؟
مواطنة : اى حد يكون مسئول
مفيد فوزى : هو انت مسئولة
مواطنة : احنا ناس غلابة يا عم على باب الله
مفيد فوزى : امال اناجاى لك ليه هو البرنامج ده
مواطنة : متصورنيش
مفيد فوزى : ما البرنامج ده بتاع الناس الغلابة عندك تليفزيون فى البيت
مواطنة :ههه لأ
مفيد فوزى : والله معندكيش؟
مواطنة : لأ
مفيد فوزى : امال بتعرفى الدنيا بأية بتعرفى الدنيا ازاى؟
مواطنة : اهى الناس ماشية وبس
مفيد فوزى : الناس ماشية وبس هه
فاصل
مفيد فوزى :وهو التليفزيون شمال الصعيد خدمك
د/ احمد ضياء الدين :فى ضوء المتاح طبعا فى ضوء المتاح
مفيد فوزى : ايه قول لى فى ضوء المتاح دى جملة رسميه جملة رسميه
د/ احمد ضياء الدين :انا هقول لحضرتك هو بيحتاج ..
مفيد فوزى : الوزير يقولك ايه المتاح المحافظ يقولك فى ضوء المتاح ؟
د/ احمد ضياء الدين : ايوه يا افندم ايوه
مفيد فوزى : يعنى ايه فى ضوء المتاح؟
د/ احمد ضياء الدين :انا طموحاتى للقناة السابعة اكبر من كدة بكثير
مفيد فوزى :عارف انا بسأل السؤال ده ليه ؟
د/ احمد ضياء الدين :اه
مفيد فوزى : اريد ان اقف على مدى التلاحم بين محاطات او قنوات التليفزيون المحلية والمحافظات
د/ احمد ضياء الدين : انت عملت ايه سياتك فى القناة الاولى والثانية لما حضرتك حسيت منافسة غير عادية من القنوات الفضائية
مفيد فوزى : زاد العمل زاد الابداع
د/ احمد ضياء الدين : مش حضرتك خلقت برامج
مفيد فوزى : نعم
د/ احمد ضياء الدين : علشان تخلينى اتفرج عليك
مفيد فوزى :تمام
د/ احمد ضياء الدين : انا عايز ده فى القناه السابعة
مفيد فوزى : طيب
د/ احمد ضياء الدين : اصبح الدش دلوقتى يا استاذ مفيد
مفيد فوزى :اه
د/ احمد ضياء الدين : فى داخل ازقة مش عايز اقول لحضرتك فى القرى لأ فى النجوع
مفيد فوزى : هل يزعجك ان الاهالى يقطعوا طريق زراعى احتجاجا على اصابة احد الاهالى ويقومون بتكسير سيارة شرطة واكتشف ان عما ل المحاجرالمكان بين المحاجر وبين الاسعاف 15كيلو لا ده يزعجك على فكرة ليس من الضرورى عفوا ان يبقى كل شئ عندك تمام التمام
د/ احمد ضياء الدين :لأ يا افندم
مفيد فوزى : دا حتى فى علم اللغويات
د/ احمد ضياء الدين :غير مقبول
مفيد فوزى : يقول لك ايه النقصان اكتمال
د/ احمد ضياء الدين : طبعا
مفيد فوزى : النقصان اكتمال
د/ احمد ضياء الدين : يقينا
مفيد فوزى : يزعجك ان تبقى في مظاهرة تقتتحم المحافظة كل ده باحس انه من الضرورى انك تناقشة وتقول لى الا يزعجك هذا ولماذا هل هو حجم مرارة
د/ احمد ضياء الدين :لأ يا افندم لا مرارة ولا يزعجنى لانه التعبير عن الرأى ده ده حق دستورى ما حدش يقدر يتكلم في لكن هو اللى يزعجنى ايه
مفيد فوزى : نحو المحافظة
د/ احمد ضياء الدين : اللى يزعجنى ايه زى ما انت سيادتك بتقول
مفيد فوزى : اه
د/ احمد ضياء الدين :اقتحام لأ انما التعبير اه عبر
مفيد فوزى : اعبر واقطع الطريق الزراعى؟
د/ احمد ضياء الدين : لأ حضرتك انا اعبر لكن مش من خلال قطع طريق و لا من خلال ما يؤثم عليه جنائيا اللى يخرج حضرتك عن الشرعية لابد ان يحاسب عايز تعبر عن رأيك عن موقف ما انا كمحافظ مسئول مفيش مواطن ميعرفش رقم تليفو نى المحمول اتحدى لو سياتك نزلت الشارع دلوقتى واسأل رقم المحمول بتاع المحافظ ايه وبرد
مفيد فوزى : ليه يا افندم الناس بيقولوا لى اقولك ..؟
د/ احمد ضياء الدين : عادى
مفيد فوزى : ياريت يبقى عند المحافظ فهم يؤمن اننا دولة مدنية وليست دولة بوليسية فى المنيا هل الكلام ده ..؟
د/ احمد ضياء الدين : ده عندى انا
مفيد فوزى : نعم
د/ احمد ضياء الدين : انا ليس لديَ حولى من هو ذو طبيعة عسكرية انا حضرتك اللى بيتولى الرد على التليفون هو ذات الطاقم اللى كان موجود مع السادة المحافظين السابقين
مفيد فوزى : نعم
د/ احمد ضياء الدين :مدير المكتب هو ذات من كان يعمل مع السادة اساتذتى
مفيد فوزى : هل انت عندك تقييم للسيد حسن حميدة المحافظ السابق؟
د/ احمد ضياء الدين : صاحب بصمه
مفيد فوزى : صاحب بصمة؟
د/ احمد ضياء الدين : كان مبدعا
مفيد فوزى : نعم
د/ احمد ضياء الدين : وفؤاد سعد الدين سيادة اللواء كان مبدعا
مفيد فوزى : نعم
د/ احمد ضياء الدين : وكان لكل القائمه دى حضرتك
مفيد فوزى : نعم
د/ احمد ضياء الدين :هما اساتذتى وانا لم أتى لابدأ من عدم مغيرتش ولا حد من الطاقم الموجود مدير الاعلام حضرتك هو هو مدير الشئون القانونية هو هو مغيرتش من اين العسكرة
مفيد فوزى : لم تاتى بواحد جديد؟
د/ احمد ضياء الدين :الا واحد جه معايا بس فقد لا يشتغل غير انه مدير المتابعة مسئول عن الحاسب الالى لانه لديه خبرة فى مجال الحاسب الالى
مفيد فوزى : تسمح لى اقول لك على حاجة هل لاحظت او شفت الولاد بتوع اولاد الناس اللى بيشتغلوا دول مش اولادهم اقولك على حاجة ان صدورهم على فكرة ان قربت مره من السيدة سوزان مبارك وقلت لها اسمحى لى اكون معاكى امين واقولك انه اطفال المحاجر الربو اللى جواهم محتاج لوقفة علشان ما يبقاش كلامنا عن الاطفال مجرد رغى وقد قالت بالحرف الواحد تغيير حياة اسرهم هو ده اللى هيمنع مروحهم للمحاجر واصابتهم بالربو
د/ احمد ضياء الدين : اغير الواقع ازاى بدأ ت ارصد الحالات دى كل يوم حضرتك كامخالفات وقانون العمل وقانون الطفل القانون بيديك غرامات لاصحاب المحاجر اللذين يخالفوا احكام القانون بنص القانون بنص القانون حصلت الغرامات ومشيت الاطفال لكن هذا ليس الحل
مفيد فوزى : الاطفال ما عدوش بيروحوا المحاجر؟
د/ احمد ضياء الدين :ولا بيروحوا المدارس
مفيد فوزى : بيهربوا؟
د/ احمد ضياء الدين :طبعا لان البديل موجود
مفيد فوزى : بيهربوا والا بيتسربوا خلينا اقف عند النقطة دى؟
د/ احمد ضياء الدين : حضرتك بداية الامر هروب ثم استمرئ لان المسألة اكثر منطقية
مفيد فوزى :هل عندك هنا فى المنيا ما بيود وش اولادهم مدارس بيمنعوهم من التعليم ؟
د/ احمد ضياء الدين : ما انا هقول لحضرتك بردوا ليه خلنى بس اقول لحضرتك هعمل ايه حضرتك اخذت الغرامات اللى ادها لى القانون ده جمعت حوالى 300000 حطيت عليهم 700000 من المحافظة سددت رصدت الاسر التى يعمل ابناءها فى المحاجر
د/ احمد ضياء الدين : المحاجر؟
مفيد فوزى : نعم
د/ احمد ضياء الدين :فى الدائرة المحيطة بالمحاجرطلعوا حوالى 50 اسره هم اكثر يعنى اعتمادا على المحاجر والاولاد فعلا بيشتغلوا قرر اشترى رأ س ماشية عشار واديلوا مقابل 250 جنية فى الشهر بتغذيه هذه الماشية الى ان تضع وسلمتها لهم انهارده اعتمد لتسليم ال 50 راس 50 راس حضرتك اضرب فى 7000 جنية حد ادنى يبقى كام حضرتك بالاضافة الى انه بدى له 250 جنية كل شهر كدع حليت المشكلة
فاصل
مفيد فوزى : هل فيه هنا فى البلد احتقان طائفى ؟
مواطنة : انا مش فاهمة معنى السؤال اساسا
مفيد فوزى : طالبة فى كلية دار العلوم
مواطنة : علوم
مفيد فوزى : علوم علوم هه علوم يعنى طالبة بتدرس علم متعرفيش يعنى ايه احتقان طائفى تعالى نتناقش فيها اكثر يعنى ايه احتقان ؟
مواطنة : مش عارفة يعنى ايه احقان
مفيد فوزى : ياخبر وطائفى يعنى ايه؟
مواطنة : طائفى يعنى فيه طائفات كثيرة فى المجتمع يعنى
مفيد فوزى :اه
مواطن : المسلمين لمؤاخذه المسيحيين كل ده يعنى الناس كلها واحد مفيش لا مسيحى ولا مسلم واحنا عندناهنا بالذات معندناش لا قول مسيحى ولا مسلم يعنى كله واحد
مواطن:عربيتى خبطت فى عربية واحد وانا ماشى شتمنا بعض واتخانقنا عشان انا مسيحى هو مسيحى لازم نروح الامن لو انا مسلم وهو مسلم مفيش مشكلة طب ما لو هو مسيحى وانا مسلم طب ما بتقى عادى ونروح الامن فى مركزالشرطة العادى اللى كنا بنروحها زمان ونقعد مع امين شرطة ونعمل محضر وانتهت على كده
مفيد فوزى : ايه اللى بيعمل الاحتقان وانت راجل عايش فى المنيا؟
مواطن: كان نفسى فى كلمة اوجهها للخطاب الدينى المسيحى والاسلامى زى ما كنا زمان زى ما الخطاب الدينى كان زمان بيوجة للتعليم واحترام الغير واحترام المبادئ والمثل والحاجات دى لكن انهاردة متيهأ لى الخطاب الدينى عليه عاتق كبير
مفيد فوزى : لماذا الاحتقان الطائفى له مرتع خصيب فى المنيا وهل هنا ك وصول جذور ابعد من عناق المشايخ والاسس وعاوزك تقول لى ايه السبب الحقيقى لهذا الاحتقان اسأل هذا السؤال كا مفيد فوزى المصرى المصرى المصرى القبطى ؟
د/ احمد ضياء الدين: وانا ساجيب عليك باعتبارى المصرى المصرى المصرى بس
مفيد فوزى :اتفضل ايه السبب؟
د/ احمد ضياء الدين : هتقبل
مفيد فوزى : اه ببساطة
د/ احمد ضياء الدين : الاعلام
مفيد فوزى : الاعلام ؟
د/ احمد ضياء الدين : اه
مفيد فوزى : الاعلام هو اللى بيزكى هذه المسألة بيؤجج المسألة ؟
د/ احمد ضياء الدين : بيؤجج
مفيد فوزى : بيؤجج ؟
د/ احمد ضياء الدين :حينما تنشر خبر بلاغ من الشرطة
مفيد فوزى : انت عندك جرح من الاعلام؟
د/ احمد ضياء الدين :انا
مفيد فوزى : انا اللى عارفة انك انت انهاردة..
د/ احمد ضياء الدين : انا اعشقة
مفيد فوزى :بتعشقة؟
د/ احمد ضياء الدين : باعشقة
مفيد فوزى : دا انت بتمثل وزير الداخلية
د/ احمد ضياء الدين :طبعا
مفيد فوزى : داخل البرلمان
د/ احمد ضياء الدين :طبعا
مفيد فوزى : لكن ليه عندك شعوران الاعلام الاعلام الاعلام يعنى فى اكثر من مناسبة ؟
د/ احمد ضياء الدين : حضرتك الاعلام لا اعمم انا اقصد من يتناول الخبر لاضفاء قدر من الملاحة عليه ليكون اكثر جاذبية
مفيد فوزى : طب هل اصطدام دراجة ببقرة يشعل اشتباكا طائفيا؟
د/ احمد ضياء الدين : كتبتها ازاى
مفيد فوزى : نعم
د/ احمد ضياء الدين :كتبتها ازاى لأ بس بعد اذن حضرتك كتبتها ازاى بعد اذن سيادتك كتبتها ازاى انه اصيب ثلاثة اشخاص فى اشتبكاك لأ العنوان ايه بعد اذن سيادتك
مفيد فوزى :اصطدام سيارة ببقرة يشعل اشتباكا طائفيا بقرية فى المنيا ؟
د/ احمد ضياء الدين : حضرتك سمتها ايه
مفيد فوزى : اه
د/ احمد ضياء الدين : خلاص خلصت المسألة ولعتنى ولعتنى وخلاص
مفيد فوزى : سؤال يا افندم اخير هو هل تزرعون السلاح ؟
د/ احمد ضياء الدين :ههه
مفيد فوزى : انا اسف اذا اخترت تعبير مجازى هل تزرعون السلاح فى المنيا هناك قرية ؟
د/ احمد ضياء الدين :الاجابة لكن المضمون انا اعى طبعا لما وراءة من الاستاذ مفيد مع ان الاستاذ مفيد عندما يسأل عليا ان اتوقف امام كل سؤال
مفيد: نعم
د/ احمد ضياء الدين : هو حضرتك السلاح فى الصعيد كله هناك اسباب كثيرة
مفيد فوزى : السلاح فى الصعيد كله
د/ احمد ضياء الدين :اه بيبقى حضرتك طبعا يعنى تقدر تقول هدف اساسى رغم الجهود التى تبذل هناك حضرتك حملات يوميا لضبط السلاح
مفيد فوزى : السلاح ؟
د/ احمد ضياء الدين : لضبط السلاح
مفيد فوزى : اه
د/ احمد ضياء الدين : يعنى حتى حضرتك ما يقال بان هناك قرية ما يشتهر فيها صناعة هذه الصناعات كلها ان تمت ان تمت تحت ارض تحت السطح مستحيل نرصدها لعلم حضرتك طالما ان الارض ليها قيمة
مفيد فوزى : الثار
د/ احمد ضياء الدين : يبقى الثأر مازال متفشى رغم اننا منذ اسبوعين حضرتك عندى واقعة خاصة لانتهاء واقعة ثار وبحضرها انا ومساعد وزير الداخلية ومدير امن الدوله
مفيد فوزى : نرجع للسلاح
د/ احمد ضياء الدين : فا السلاح هو سببة الاساسى انه هدف
مفيد: نعم
د/ احمد ضياء الدين: وسيلة من الوسائل الغير عادية التى لا يقبل المواطن فى كثير من الحالات ان يأمن الا بها هقول لحضرتك من ضمن المواصات ان احنا بعين سلاح
مفيد فوزى : السيد المحافظ احمد بهاء الدين هل تنتظر فى هذه اللحظة ما يمكن ان يسمى القضا السياسى ؟
د/ احمد ضياء الدين : بالقضاء السياسى
مفيد فوزى : نعم مش القضاء القضاء
د/ احمد ضياء الدين :اه اه انا عارف حضرتك اللى هو القدر يعنى فى يوم من الايام وطيلة خدمتى حضرتك اننى لم انظر الى هذه المسألة اطلاقا انا اعلم واعمل فقط واننى كلفت من القيادة التى رات فى القدرة ولا التفت لو التفت لهذا من الشائعات التى تنسج او تنسب او حتى لو علمت ان فيها قد رمن الحقيقة فلن اعمل انا لدياواجب واطنى اؤدية مسئولية 5 مليون مواطن كنت فية حضرتك محلا للثقة من قبل القياده
مفيد فوزى : على فكرة لازم اقول لحضرتك ان دورى كمحاور اطول عمرا من دورك كمحافظ
د/ احمد ضياء الدين : اكيد