أيمن بهجت قمر يطالب من محلب التدخل لحل أزمة المؤلفين والملحنين

طالب الشاعر أيمن بهجت قمر من المهندس إبراهيم محلب، رئيس مجلس الوزراء المصري، عبر صفحته الرسمية بموقع التواصل الاجتماعي "فيسبوك"، التدخل من أجل أزمة حقوق المؤلفين والملحنين المصريين، بعنوان "نداء للسيد إبراهيم محلب رئيس وزراء مصر بالنيابة عن 90 شاعر وملحن وموزع".
ووجه قمر، نداء لكل مسؤولين الدولة وشعبها، الذي يناشد المؤلفين والملحنين والموزعين بتقديم فن محترم طول الوقت، قائلًأ:" ازاي وهو بيتمص دمه من كل النواحي وبيعاني من فقر شديد بيخليه فاقد الإرادة ومعندوش قوة الرفض قصاد سطوة صاحب رأس المال؟!، ازاي عايز منه يقدم طول الوقت فن محترم على هواه وهو مش عارف يأمن مستقبل عياله بالرغم من أن كل القوانين الصحيحة والمعيوبة بتديله حقوق تخليه يعيش مستور هو ومن بعده كمان ولاده.. سطوة رجال الأعمال اللي توحشوا مع ظهور التقنيات الحديثة ومنها قطاع الاتصالات وشركات رجال الأعمال المصرية والغير مصرية واستغلال الأغاني رينج تونز وكول باك تونز واليوتيوب كل دي حقوق بيقرها القانون لصناع الأغنية الشاعر والملحن والموزع والمطرب.. تخيلوا مثلاً في شركات الاتصالات والشركات الوسيطة اللي بتسوق الأغاني.. إيه اللي بيحصل؟، إن شركات الاتصالاتن بتاخد لنفسها 75 ٪ وبتسيب حصة للشركات الوسيطة أو شركات الإنتاج المتعاقدة مباشرة هي 25٪ تقسم بين الاطراف صاحبة الحقوق، وفي حالة وجود الوسيط يقتسم لنفسه 12.5٪ مما يترك لصانعي الاغاني كلهم 12.5٪ فقط من الايراد !! ٪، يشترط كمان أن لا يتم الالتزام بمواعيد لدفع المستحقات.
وتابع:" تقوم الشركات الوسيطة بإرفاق تقارير غير معتمده من شركات الاتصالات وتم في العديد من الحالات اكتشاف وجود فوارق كبيره في الإيراد بعد التحقق بشكل ودي من شركات الاتصالات.. والضحك بقى إن كمان ال12.5 ٪ غالبًا أو دايمًا بيأخدهم المنتج".