هيثم نبيل: "أنا لوحدى" ليست تجربة شخصية وأحضر لألبومى الجديد

كتبت / ربا كامل :ليس فقط مطرب و لكنه أيضا ملحن مرهف الحس حقق نجاح كبير في أول ألبوماته الغنائية ، وهوألبوم كان كلامي ، وهوأيضا حريص أن يختار أغانيه بدقة شديدة ،استطاع أن يكسب حب الناس بأغنيات تمس قلوبهم هو الفنان هيثم نبيلفي البداية حدثنا عن بدايتك الفنية؟البداية كانت فى 2004 مع شركة ليبو كان المستشار الفنى لها حميد الشاعرى و عملت معاهم أول أغنية يافراق بعدها انفصل حميد الشاعرى عن الشركة فساء بعدها حال الشركة و فسخت العقد ، وعملت أول أغنية كلمة وداع من توزيع حميد فى نهاية 2005 ، ثم مضيت مع طارق العريان شركة ستارجيت و صورنا أغنية كان كلامى 2007 ، وبعدها بدأت أحضر فى الألبوم.ما هي المشاكل التي واجهتك خلال مشوارك الفني؟طبعا فى الأول كان ايجاد فرصة جيدة ، ومنتج محترم وفاهم مسأله صعبه ، حيث قابلت ناس كتير بس كانوا دون المستوى و طبعا بعدها وقعت مع ليبو ، وعندما تركهم حميد الشاعرى قابلت مشاكل معاهم لأنهم كانوا مفتقدين المعرفة الادارية بالسوق ، و كان حميد هواللي مظبط الشركة ، و لما تركهم طبعا كانت مشكلة ، وقابلت مشاكل كثيرة من أجل فسخ العقد معهم.هيثم قبل ما تنزل الألبوم بتاعك نزلت أغاني سنجل ليه الألبوم أتاخر طرحه؟اتاخر بسبب أنى بتنقل من شركة لشركة والمشكلة اللى قولتلك عليها ، فعندما وقعت مع طارق كنت مركز جدا إنى انزل الألبوم قوى مش مهم امتي لكن كان من المفترض نزوله فى 2009 ، لكن كان فية حروب غزة حاجات كتيرا حصلت كان السوق فيها مينفعش تنزل فى الوقت دة.من هم الشعراء و الملحنين الذين تعاملت معهم في ألبوم كملنا بعض؟أتعاملت مع موزعين عادل حقى و تميم وحميد الشاعرى واحمد الموجى و حسين النجار و ملحنين مع محمد يحيى و شادى حسن و شريف توفيق و حسين النجار وأنا كنت ملحن 8 أغانى فى الألبوم و مالفين جلال اسماعيل و كريم سامى و محمد عاطف و أحمد طنجى و خالد امين و خالد يسرى وأنا كاتب أغنيتين.ايه رد فعلك لما عرفت أن أغاني الألبوم اتسربت؟الأغانى اللى اتسربت لم تكن ضمن أغانى الألبوم ،أنا اتفجأت أن نزل ألبوم اسمة فاق على النت قبلها مكنشى فية أى أغانى من الألبوم لكن لما نزل الألبوم فاق دة خدت منة أغنيتين ووضعتهم في الألبوم الرسمى بتاعىهيثم شايف الموهبة لوحدها كفاية عشان أي حد يوصل؟أكيد الموهبة مش كفاية لابد ان يجانبها التوفيق من ربنا و يكون المطرب ذكي و يعرف يختار الحاجات اللي تناسبة ويمتلك ذكاء اجتماعي و حاجات كتير طبعا بجانب الصوت أنا بشوف أن الصوت الحلو أداة من الأدوات لكن مش كل حاجة.كانت بدايتك كمطرب . لماذا توجهك للتلحين؟لم اتجه للتلحين ، كل الحكاية اني بحب التلحين ولحنت 8 أغاني في ألبومى ، و لما سمعهم كثير من المطربين حبوا ألحاني فلما كانو بيطلبوا مني لحن أكيد مش هتأخر ، لكن أنا مش بسعي للتلحين ولما لحنت للفنانة سميرة سعيد كان بناء علي علاقة صداقة بيننا وعندما جاءت فكرة أننا نعمل أغاني دينية فعرضت عليها الموضوع و عجبها جدا وكان شرف ليا اني ألحن لهرم مثل سميرة سعيد .ماذا عن التمثيل؟التمثيل جاء لى كذا حاجة قبل و بعد طرح الألبوم ، بس أنا حابب لما أمثل تكون حاجة كويسة بجد ملهاش علاقة بهيثم المطرب ، وممكن ماأغنيش فيها كمان لكن أنا بحب التمثيل من صغري وكنت بألف مسرحيات و بمثلها أيام الدراسة بس لازم لما أمثل تكون حاجة محترمة وتكون اضافة بجد مش فكرة التمثيل و خلاص.هل هيثم بيحضر للألبوم القادم دلوقتي؟أنا الفترة دي بحضر للألبوم الجديد وأخترت أغاني ولسة شغال عليها بس باخد وقتي من اجل حاجة كويسة انشاء الله.غنيت يا فراق و لسة فكرة وأنا لوحدي هل الأغاني دي لها علا قة بتجربة مررت بها؟الأغاني دي ملهاش علاقة بتجربة مررت بها أنا بس أحببت الحالات المختلفة و حسيت بيها و نقلتها بإحساسي.كيف تري المقارنة بين جيلك وجيل فؤاد و عمرو دياب و محمد منير وغيرهم؟الجيل ده كلنا أتربينا علي أغانيه و محدش يقدر ينكر أنهم أثروا في ثقافتنا الموسقية و ليهم كل الإحترام و مينفعش نتقارن بيهم ، دول أساتذتنا و لازم نكون فخورين بالجيل ده و نحاول نبقي زيهم في علاقتهم مع بعض زمان و الروح الحلوة اللي كانت بينهم .أغنية شعبنا قام من أقوي الأغاني التي قدمت لمصر إزاي جاءتك فكرتها و كان احساسك ايه و انت بتغنيها؟أغنية شعبنا قام كانت بتعبر عن غضب جوايا و كان بسبب الأحداث اللي حصلت ،و سمعت أغنية لمصر بتقول متزعليش يا مصر و حقك علينا فحسيت بضعف الموقف في الأغنية فستفزتني الأغاني و القرارات اللي كانت متاخدة فكل ده فجر بركان كلام شعبنا قام جوايو انا فخور اني كتبت و لحنت اغنية زي ديا.ما الأحلام التى حلمت به و لم يتحقق حتي الأن؟انا الحمد لله حققت أول احلامي و هو نجاح أول ألبوم لي بالشكل ده بس لسة عندي أحلام كتيرة و لسة بدري انا لسة في أول الطريق وعندي حاجات كتير نفسي أحققها انشاء الله.