اخبار الفنانين : أيمن بهجت قمر يعلن انتصاره في معركته ضد روتانا

بعد الحرب الكبرى التي شنها الشاعر أيمن بهجت قمر ضد شركة روتانا، متهما إياها بسرقة حقوقه المادية هو وزملاءه، وتأسيسه لشركة أربيان نايتس نجح أخيرا في جني ثمار تعبه، هو ومن انضموا لشركته من شعرء وملحنين وموزعين، وقد أصدر قمر بيانا دعا فيه من لم ينضم إلى الشركة إلى التفكير مرة أخرى واتخاذ القرار الأسلم، وجاء فيه: "عزيزي المتردد في الإنضمام لإريبيان رايتس زمايلك قبضوا مستحقاتهم من فرنسا (الساسم)عن طريقنا والفلوس بتجيلك من الساسم مباشرةً على حسابك في البنك، الفلوس اللي احنا كإريبيان رايتس بنديهالك دي فلوس شغلك اللي على نجوم اف ام وفلوس شغلك اللي على قنوات الحياه وبتسعيره ثابته لمرة الإذاعه الواحده يعني اغنيتك اتذاعت هتقبض وبنظام مونيترينج سيستم ومن حقك كعضو تطلع على السيستم وتاخد صوره من شغلك ومواعيد اذاعته وتقدر كمان تضاهيه بالبلاي ليست اللي طالعه من المحطة، وكمان بنسوقلك حقوق الديچيتال اللي انت بتملكه لو محافظ عليه او على نسبه منه في التنازل اللي انت عاملهُ، احنا اول شركه ف الوطن العربي بتدي نسبه 10٪ للموزع الموسيقي وده احتراماً مننا لحق الموزع ودوره ودي بدايه بس عشان تثبت ان ليك حقوق مع اصحاب الحقوق الأصليه للعملمعانا اكبر محاميين في البلد للدفاع عن حقوقنا المسلوبة، تم عن طريقنا حصول مجموعه من الشبان الجدد على عضوية الساسم احنا ف طريقنا للتعاقد مع مجموعة محطات مفاجأه وده بجانب ايرادات الساسم هيفرق معاك في الآخر..تم الإعتراف بينا في المصنفات الفنيه والتصديق على قانونيتنا، وفوق كده اتعاقدنا مع 47 شاعر وملحن وموزع من أهم الفنانين في مصر انت بتكابر وللا إيه نظامك مستني ايه ؟