هاني شاكر: ميشرفنيش أن ساويرس يسمعني واللي عايز يسمع مهرجانات يروح الجونة

رد الفنان هاني شاكر نقيب المهن الموسيقية على رجل الأعمال المهندس نجيب ساويرس، والذي هاجم «شاكر» في تصريحات تلفزيونية، قال فيها إنه لا يعجبه غناء هاني شاكر، حيث رد الأخير قائلًا: «أنا ميشرفنيش أنه يسمعني ولا ينفع أصلا أنه يسمعني لأن اللي بيسمع النوعية دي مينفعش يسمع هاني شاكر، ولا يشرفني أنه يسمعني».
واعترض هاني شاكر خلال تصريحات تلفزيونية، على ما ذكره ساويرس أن دور النقابة هو العلاج والمعاشات وليس المنع، موضحا «هو أنا دادة.. هو أنا جاي اشتغل دادة والعيان أديله الدواء والمسكين اديله لقمة.. إيه الكلام الفارغ ده، اللي ميعرفش حاجة ميتكلمش ويسأل، ودور النقابة أن أنا أحافظ على أعضائها وأني أحافظ على المهنة، وأحافظ على الشكل العام لمصر، ومينفعش نبقى في عصر فيه السيسي رئيس، ويبقى هو ده الفن المتصدر».
ليسوا أعضاء في النقابة
وأضاف هاني شاكر، «أنا لم أتجنى على حد وكل اللي أنت شايفهم دول مش أعضاء في النقابة، ولا شاكوش ولا حمو بيكا، وحمو بيكا كان امتحن وسقط، ومبقاش له علاقة بالنقابة، وشاكوش لحد ما ارتكب الجريمة اللي شايفين أنها عادية، وأنا نفسي يسمعوا الأستاذ قال إيه على المسرح».
وأكد «شاكر»، أن من حق النقابة الرقابة على الغناء «دور النقابة رقابي وفيه تنسيق بيني وبين الرقابة وبين الدكتور خالد عبدالجليل، ومينفعش عضو عندي يطلع يقل أدبه، وده من ضمن القانون بتاع النقابة، أن العضو يلتزم بالآداب العامة والقواعد العامة»، مشيرًَا إلى أن حمو بيكا وحسن شاكوش «واحد سقط والتاني عمل فعل فاضح على المسرح».
وتابع: «ماليش دعوة بالعصابة ولا حنجرة ولا بحاحا وبكزبرة، أنا ماليش علاقة بيهم، وأنا ببلغ الجهات المعنية والقاعات كنقابة ولجنة عمل أن الناس دي مالهاش دعوة بالنقابة اللي عايز يسمعهم يروح لهم الجونة أو يروح لهم في أي حتة».