السيد أحمد: «بلدنا حاربت عشانا وهشتغل فى مشروع قناة السويس»

سجدة شكر لله، وقُبلة لأرض الوطن.. أول ما قام به الحاج السيد أحمد، فور وصوله أرض ميناء الإسكندرية الدولى، سلام وقبلات حارة مع أفراد القوات البحرية، المكلفة بتأمين وصول السفينة «عايدة 4»، القادمة من تونس، وعلى متنها 348 مصرياً، من العالقين على الحدود التونسية - الليبية، أعلام مصر ترفرف فى جميع أنحاء الميناء.
مشاهد الموت التى تكررت أمام عينيه فى ليبيا، والإهانة التى تعرّض لها، دفعته بمجرد وصوله إلى أرض الوطن للهتاف بصوت مرتفع: «تحيا مصر»، وبابتسامة عريضة على وجه السيد أحمد تحدث ل«الوطن» قائلاً: «تراب البلد ديه، أغلى من مال العالم كله، فلوس الدنيا كلها، ماتسواش ذرة تراب من مصر».
وأضاف «السيد»، 50 عاماً، من أبناء محافظة سوهاج: «سافرت ليبيا منذ سبعة أشهر، كنت فاكر إنى ممكن أحسّن مستوى معيشة أولادى، وأسرتى، بس اكتشفت أن الرضا والعيشة وسط الأهل والبلد اللى اديتنا كل حاجة بنحلم بيها، من أمان ودفا، أفضل من أى فلوس فى الدنيا كلها».
وتابع: «هشتغل فى قناة السويس، عشان أفيد بلدى، وأشارك فى مشروع قومى لمصر، ولو روحنا هناك، مش هنكون أحسن من اللى راحوا، وهما بيعملوا السد العالى، مستعدين نفدى الوطن بأجسادنا وأرواحنا، زى ما حارب عشان يرجع كرامتنا، ويخرجنا من المحنة اللى إحنا كنا فيها».
واستكمل: «مصر هى أم الدول العربية والعالم كله، ورفعت راسنا قدّام الناس كلها، بعد ما عرفنا أن فيه سفينة جاية تنقلنا لبلدنا الغالية، معاملة الناس اتغيرت لينا، حسينا فعلاً أن إحنا بنى آدمين».
الأخبار المتعلقة
«عايدة 4» تعيد 248 هارباً من جحيم ليبيا إلى الإسكندرية
العائدون يسجدون على أرض ميناء الإسكندرية.. ويهتفون «تحيا مصر»
ياسر السيد: «خروجى من بلدى غلطة وأخدمها ولو من غير فلوس»
عم مصطفى أحد أفراد طاقم العبارة: هتبرع بأجر الرحلة ل«تحيا مصر»
صالح العويطى: «لما قابلت المسئولين قلت مصر اتغيرت وبتخاف على عيالها»
خلف: «سرقوا شقا 5 سنين غربة وفرحان إن بلدى قدرت تحمينى»
«مصر للطيران» تنظم 3 رحلات جديدة إلى مطار «قابس» التونسى لإجلاء 700 من العالقين على الحدود