الوزير عن الاختناقات المرورية تحت الدائري: موجودة وهتفضل لو منتظمناش

علق المهندس كامل الوزير، وزير النقل والمواصلات، على الصور التي عرضها الإعلامي عمرو أديب، بشأن الزحام والاختناقات المرورية، التي اشتكى منها المواطنون نتيجة أعمال التوسيع في الطريق الدائري، حيث رد الوزير: «لا.. الصور دي الاختناقات تحت الدائري مش فوق، فيه اختناقات كبيرة جدًا تحت، خاصة في المرج وهتفضل كده طول ما إحنا مش منظمين، وطول ما اللي داخل شمال يمشي من اليمين والعكس».
وأضاف «الوزير»، خلال مداخلة هاتفية في برنامج «الحكاية»، مع الإعلامي عمرو أديب، على شاشة «MBC مصر»، «لو مريت على المرج والخصوص والبساتين ومصر القديمة ودار السلام من على الدائري هتلاقي تكدس رهيب وعمارات أطوالها رهيبة، بشكل مش قادر أوصفه على الهواء، أجهزة الدولة تعمل بكثافة على أنها تراضي الناس اللي هتسيب بيوتها عشان نوسع الطريق اللي يخدمهم سواء الطريق الدائري فوق».
وأشار وزير النقل والمواصلات، إلى أنه للحقيقة هناك اختناق مروري ناتج عن أعمال التوسعات التي تتم في الطريق الدائري، «مقدرش أكذب وأقول مفيش اختناقات، بس طبعا عشان أي طريق يتعمل وهو أثناء ما يتعمل أكيد ومنطقي نأخذ حارة وبالتالي يتسبب بعض الاختناقات، منطقة زي المريوطية وحتى كوبري المنيب بتمشي عليها 213 ألف سيارة في اليوم،وهي 4 حارات أخذنا حارة بقت 3 أكيد فيه اختناق».
وتابع: «الدولة تبذل مجهود خارق والشرطة بتذل مجهود خارج على الدائري وتحت، اللي فوق الدائري حاجات بسيطة، في المناطق بمجرد ما بنخلص التوسعة فيها نشيل العلامات الإرشادية، أثناء العمل بنشيل حارة لازم الناس تتخنق شوية، خاصة في وقت الذروة وهما رايحين وهما جايين من الشغل، إن شاء الله في نهاية شهر أبريل المقبل سينتهي كل الكلام ده».