جهاد .. السادس مكرر أدبي : "نفسي أحقق حلمي وأغير بلدي ومصر تبقي أحسن بلد في الدنيا"

"بتولي السيسي الرئاسة عطاني أمل في بكره وحاسسني إنى ممكن أحقق حلمي انا نفسي أغير حاجة في بلدي وده كان حيبقه صعب في عهد الإخوان لنظرتهم للمرأة" بهذه الكلمات المقتضبة عربت الطالبة جهاد إبراهيم السيد أحمد بمدرسة سانت جانت انتيد الراهبات الثانوية، والحاصلة على المركز السادس شعبة أدبي بمكرر على مستوي الجمهورية .
وتقول "جهاد" ل "الوطن": إنى أكون من أوائل الثانوية العامة ده كان هدفي في بداية العام الدراسي، بس اللي حصل في الإمتحانات والغش الإلكتروني حسيت أنا ممكن ماكنش من الأوائل بس الحمد لله ربنا وفقني وطلعت السادس مكرر"، مشيره إلى إن السبب بعد ربنا بابا ومامتها ومدرسين وأصدقائها.
وتضيف: "رسالة لكل الناس اشتغل واعمل اللي عليك دوقتي في أمل في مصر، الرئيس قال اشتغلوا واحنا مستعدين أننا نشتغل ونبني مصر ونحقق تقدمها، دلوقتى أي حد هيحاول يصلح في البلد حلاقي اللي يسنده بعد تولي السيسي الرئاسة" .
وتشير إلي أنها ستلتحق بكلية الألسن قسم ياباني لحبها الشديد وتعلقها بدولة اليابان وقدرتهم علي بناء حضارة وتقدم وازدهار، قائله:"انا معجبة جدًا بدولة اليابان ونفسي مصر تكون زيها في يوم من الأيام وأحسن منها .. قريت في حضارتها وتقدمها بعد ما نهارت والشعب وقف أيد واحدة وحقق التقدم واتعلمت اللغة اليابانية، ونفسي ادرسها أكثر علشان اعمل حاجة في بلدي".
وتقول: "أنا نفسي أشوف مصر زي اليابان وان شاء الله أنا ناوية أحقق حاجة واشتغل من دلوقتى في بلدي"..وعن لحظة الفرحة التي مرت عليها أثناء إبلاغها الخبر من قبل مكتب وزير التربية والتعليم، تقول والدتها : "لقينا مكتب الوزير بيكلمها ويقولها مبروك انتى حصلتي علي المركز السادس مكرر بشعبة الأدبي بمجموع 406، وبعدين كلمها الوزير وهنأها وكلمنى أنا كمان وقالي مبروك لجهاد وبالتوفيق".