طارق شوقي: "فيه طلاب ثانوي مش بيعرفوا يقروا ويكتبوا"

قال الدكتور طارق شوقي، وزير التربية والتعليم، والتعليم الفني، إن تطوير منظومة التعليم في 2018، كانت بالنسبة للجميع شبه مستحيل، لكن استطاعت الدولة والوزارة، تنفيذ خطتها، "في 2017 لما شوفت حجم المشكلة كان كبير، خاصة الأبنية والمدارس ده ملف كبير، المدارس الخاصة والدولية ملف جواه قضايا كبيرة، واعتماد الشهادات من تلك المدارس وحدها ملف خاص".
وأضاف "شوقي"، خلال حواره في برنامج "الحكاية"، مع الإعلامي عمرو أديب، على شاشة "mbc مصر"، أنه تم العمل على ملف المعلم من حيث الحوافز والترقيات، "ملف المناهج اشتغلنا عليه، كانت قديمة جدا تستهدف الحفظ، الملكية الفكرية مش تبعنا، موضوع الطباعة كان معقد جدا، موضوع الامتحانات في سنوات النقل كانت مش منظمة".
وتابع: "كان هناك ملف الكتب الخارجية، وكنا نلاقي ناس مش بتعرف تقرأ ولا تكتب وهي في ثانوي، وفيه موضوع التمويل، هنمول التطوير منين، هنحسن دخل المعلم منين، قصة معقدة جدا، فيها تفاصيل أكثر من اللي بقوله، كان قدامنا 50 مشكلة أو أكتر، لا يمكن نتعامل معاهم في وقت واحد".
وواصل: "كان لازم نختار الأولويات، ونكون أذكياء في ترشيد الموارد، نعيد ازاي توظيف اللي معانا، ونختار شركاء صح نشتغل معاهم، نعمل شركات مع دول ثانية، نستغل الدول المناحة بطريقة منظمة، يبقى عندنا خطة عارفين رايحين فين في 2030، نشنغل على محاور متوازنة".