والد الشهيد أيمن كتات: زميله بلغني خبر استشهاده وابنه كان عنده 50 يوم

تحدث والد الشهيد البطل أيمن كتات عن نجله، قائلا إن نجله كان حريصا على عدم الحديث عن تفاصيل شغله، "كان بيقولي بابا إنت معندكش خلفية عسكرية وأحب أسرار الشغل تبقى مع نفسي ولما أخد دورة مفرقعات مقاليش، عارف غلاوته عندي هو كان قريني وكان واخد مني كل حاجة".
وأضاف والد الشهيد خلال تقرير أذاعه الإعلامي أحمد موسى ببرنامج "على مسؤوليتي"، المذاع على شاشة "صدى البلد"، "يوم استشهاد أيمن حسيت بيها وأنا بصلي المغرب حسيت بكدمة على صدري ومكنتش قادر أخد نفسي، والساعة 12 لقيت خبر على التلفزيون 12 ونص بالليل جالي إحساس إني هسمع خبر مش كويس".
وتابع والد الشهيد: "يوم السبت الضهر جه زميل لابني ظابط من القوات المسلحة كان محرج يواجهني وبقوله خير يا حسام، لقيته بيقولي أيمن، واستحملت الصدمة اللي كانت شديدة عليا وهو في مكان أفضل وأحسن".
وقالت والدة الشهيد: "أيمن استشهد وابنه عنده 50 يوم، ومعرفش يعمل عقيقة ابنه وفضل يأجلها علشان الأحداث اللي كانت مشتعله في سيناء".
واستكملت والدة الشهيد: "حسيت بابني حصله حاجة يوم ما استشهد، ولما جالي الخبر فضلت أقول إنا لله وإنا إليه راجعون ونزل على قلبي برد وسلام".