فيسبوكات..إلى عصام و علاء و صاحب الحذاء:اتكتب لكم عمر جديد

بمجرد أن أعلن المستشار فاروق سلطان عقب خطبة عصماء فوز الدكتور محمد مرسى. دوت الزغاريد فى الميادين المصرية، لكن الزغاريد «الفيس بوكية» كانت مختلفة، إذ انطلقت فى شكل نكات ساخرة، تصف الحالة المصرية، وتعبر عنها بطريقة كوميدية، فمستخدمو مواقع التواصل الاجتماعى تداولوا مجموعة من النكات تعليقا على فوز محمد مرسى برئاسة جمهورية مصر العربية.
ومن أشهر ما تداوله المستخدمون على هذه المواقع: «الزملكاوية أول مرة يشجعوا حد ويطلع الأول»، و«من هنا ورايح أى حد يفكر يرشح نفسه فى الانتخابات لازم يبقى اسمه محمد»، و«من زوجة مرسى إلى سوزان: أنتِ شايلة طقم الصينى والجيلى فين؟
وتطرقت النكات إلى الأشخاص المعروف كره شفيق لهم بسبب مواقف سابقة، حيث كتب أحد المستخدمين ساخرا: «إلى عصام سلطان وعلاء الأسوانى والرجل الذى قذف شفيق بالحذاء: أنتم اتكتب لكم عمر جديد يا رجالة»، وتداول المستخدمون صورة شخصية فيس بوكية شهيرة بإطلاق النكات ومكتوبا عليها: «ببص لمصر فجأة، لقيتها لمرسى فجأة، تعبت من المفاجأة، وكبرت لحيتى»، وكتب آخرون: «يلا يا مرسى مش أنت زملكاوى؛ همتك معانا كام دورى على كام كأس، وحل لنا أزمة شيكابالا».
الوقت الطويل الذى استغرقه المستشار فاروق سلطان فى إلقاء كلمته قبل إعلان النتيجة فجر العديد من النكات منها: «وأنا اللى فاكرهم طول الأيام اللى فاتت بيزوروا النتيجة عشان مرسى مايكسبش، طلعوا كانوا بيكتبوا الخطبة بتاعة اللجنة»، وقالت نكتة أخرى: «بيقولك فايزة أبوالنجا اتحجبت عشان تتطلب فى الوزارة الجديدة»، «وأنباء عن وفاة مبارك سريرياً خمس مرات عقب سماع النتيجة»، وقال مستخدم بشكل ساخر: «يا مسهل فات أربع ساعات من الأربع سنين، ولسه محسناش بأى تغيير».