أحزاب وقوى ثورية تطلق حملة "يا إحنا يا هما" لرفض سياسات الحكومة الاقتصادية

"عشان العجلة تدور لازم الناس اللي بتنتج تبقى عايشة حياة آدمية.. لازم يكون فيه عدالة وحد أدنى للأجور"

أطلق عدد من الأحزاب والقوى الثورية حملة في جميع محافظات مصر، تحت اسم "يا إحنا يا همَّا"؛ لرفض السياسات الاقتصادية للنظام الحالي، والمطالبة بضرورة ربط الأجر بالأسعار وفرض الضرائب على أصحاب الدخول العالية ورجال الأعمال، وعدم رفع الدعم عن محدودي الدخل والفقراء.
وتشارك في الحملة أحزاب التحالف الشعبي الاشتراكي والدستور والمصري الديمقراطي الاجتماعي، وحركات 6 أبريل (الجبهة الديمقراطية) بإمبابة و6 أبريل بالوراق (جبهة أحمد ماهر)، واللجنة الشعبية للدفاع عن الثورة بإمبابة، والتيار الشعبي.
وقالت منى عزت، المتحدث باسم حزب التحالف الشعبي، إن الحملة تعتمد على تنظيم فاعليات جماهيرية في المحافظات يتم فيها توزيع مطويات لتوعية المواطنين والمواطنات بحقوقهم الاقتصادية والاجتماعية. وتلفت المطويات المزمع توزيعها في إطار الحملة إلى أن "ربط الأجور بالأسعار ضروري لو عايزين الناس تعرف تعيش وتشتغل وتنتج. عشان العجلة تدور لازم الناس اللي بتنتج تبقى عايشة حياة آدمية. لازم يكون فيه عدالة وحد أدنى للأجور مربوط بالأسعار".
وأضافت عزت: "اللي بنشوفه من حكومة الدكتور مرسي غير كده. الحكومة قررت تجيب قرض من صندوق النقد، والقرض ده ليه شروط؛ أولها تخفيض عجز الموازنة، والحكومة هتخفض عجز الموازنة برفع الأسعار وتخفيض الدعم، يعني من الآخر هييجوا علينا وعلى رزق عيالنا، وبرضو مش هيعرفوا يحلو المشلكة".
وفي سياق متصل، نظمت حملة "عايزين نعيش"، لرفض قرض البنك الدولي، اليوم معرضا بعنوان "لا للغلاء.. لا لفرض ضرائب جديدة على الفقراء"، بجوار محطة مترو حلوان، بالاشتراك بين حركة الاشتراكيين الثوريين وحزب التحالف الشعبي.