"مريهان": الضابط مصطفى توفيق ضربني على وشي.. والملازم إيهاب شدني وقالي انزلي يا «......»

تنفرد "الوطن" بنشر التحقيقات فى قضية الممثلة ميرهان حسين، وضباط الهرم، التي جرت تفاصيلها الثلاثاء الماضي في كمين الرماية.
وتنشر "الوطن" أقوال الممثلة ميرهان، وأقوال الضابطين، وتبادل الاتهامات بينها وبين رجلي الشرطة، وكذلك أقوال الشهود والتقارير الطبية.
وأثبت المحقق شريف رشاد، وكيل أول نيابة الهرم، بإشراف محمد أبوالحسب، رئيس النيابة، وجود الممثلة المتهمة خارج غرفة التحقيق واستدعاها للمثول أمامه وسألها: "ما الذي حدث؟".
وردت ميرهان: "اللي حصل إن كان عندي تصوير وكنت راجعة من التصوير ورايحة أوصّل المساعدة بتاعتي والماكيير، وإحنا داخلين على منطقة الرماية لقيت فيه كمين، والضابط وقّفني، وكان اسمه ملازم إيهاب بحر، وقال لي عايز أشوف الرخص، فأنا طلعت الرخص بتاعتي، وكان في وسطها البطاقة بتاعتي، فراح مزعق لي وقال لي: أنا عايز الرخص بس، ووقعت الرخص مني على الأرض وهو وطا راح جابها، وهو بيوطي كان فيه حد بيقول لي: اركني على جنب، وأنا اتحركت بالعربية".
وأضافت: "الضابط وهو بيقوم من الأرض أنا خبطت فيه خبطة خفيفة بالمراية وراح جه الضابط اللي اسمه مصطفى توفيق وقال لي انزلي يا «... أمك»، ودخّل إيده جوه العربية وحاول يشد المفاتيح، وأنا رفضت أنزل من العربية علشان أنا قلت له رخصي سليمة، لكن النقيب مصطفى توفيق راح ضربني على وشي وبُقى نزل دم وراح جه الملازم إيهاب بحر وشدني من العربية وقالى انزلي يا «......».