نشرت شقيقة الفنانة ميريهان حسين، عبر حسابها الخاص بموقع التواصل الاجتماعى "فيسبوك" صورا لميريهان، من داخل القسم الذى احتجزت فيه، لتبين من خلالها أثار تعرضها للضرب ووالتعدى الجسدى عليها، حيث ظرهت بعد الكدمات بالفم، والقدم، والذراعان. وعلقت "شقيقتها"، على الصور قائلة: " اختى اتهانت ظلم يا بلد الامن و الامان، البلد اللي له حق فيها مبيجيش، اختى راجعة من التصوير الفجر(طبيعة شغلها كدة)، وقفها كمين والظابط عادى طلب رخص و قالها اقفى ف جمب فطلعتله الرخص ووقعت من ايده بعد ما اخدها و نزل يجيبها في نفس اللحظة و هي بتتحرك خبطته بالمرايه فى ايده ، ازاى دا يحصل! قام مدخل ايده يشد المفتاح و خبطها ف صدرها و قالها انزلى طبعاً ارتبكت و رفضت تنزل فضربها بالقلم و رد فعل طبيعي منها شتمته و لما لقاها بتشتمه كده جاب واحد يصور من اول ما شتمت،". وتابعت: " طب هو فى حد هيشتم كده من غير فعل يدفع لده؟ فيلبسوها محضر سكر مع العلم ان ميرهان مبتشربش، و في دكتور كشف عليها و قال ان هي في قمة اتزانها،لكن طبعا لازم الكلام يتحرف و يتغير عشان موقف الظباط يبقى سليم، بس اللي معملوش حسابه ان ربنا مبيظلمش و إن في فيديو و هى منهاره و بتقول (رجالة مصريين بيضربوا بنت مصرية) و طبعاً ده سبب انهم ياخدوها القسم و هناك اتعرضت لأقذر المعاملة و اتضربت و اتهانت و رشوهم ببول و ميه هى و المساعدة بتاعتها و كل اثار الضرب واضحة".
وأضافت: " و مش اول مرة نسمع عن الظباط اللي كدة و حاجات من النوع ده، بس فعلاً اللي بنشوفه فى الافلام قليل على اللي اتعمل فيها".
جدير بالذكر أنه ألقى القبض على الفنانة ميريهان حسين، فجر أمس الثلاثاء، خلال سيرها بميدان الرماية بشارع الهرم، بسيارتها، حيث استوقفها الكمين المتواجد بالمنطقة ونشب بينها وبين الضباط مشاجرة كبيرة انتهت باصطحابها إلى قسم الشرطة وجارى التحقيق فى الواقعة.