تقرير|فنانين يعلنون غضبهم بسبب أزمة محمد صلاح

تفاعل عدد كبير من الفنانين مع أزمة اللاعب المحترف في صفوف فريق ليفربول الإنجليزي محمد صلاح، بعد أن قام بتعديل معلوماته الشخصية على حسابه في Twitter، وحذف ما يشير إلى وجوده في المنتخب.
وذلك بالتزامن مع نشر الاتحاد الدولي لكرة القدم نتائج التصويت الخاصة بأفضل لاعب في العالم لعام 2019، وظهر فيها عدم تصويت ممثلي مصر له.

وقال الفنان نبيل الحلفاوي، مبررا رد فعل صلاح في التعبير عن ضيقه، عبر Twitter: "محمد صلاح معذورفي التعبيرعن ضيقه بحذفه لصفته كلاعب في المنتخب من الBio.. وإن كنت أرى أن Bio أي لاعب يكفي فيه الإشارة لناديه لأنها الصفة الأكيدة إلى حين الانتقال لناد آخر. أما كونه في المنتخب فهو احتمال إلى أن ترسل قائمة المنتخب رسميا.. صلاح معذورلأن عدم إرسال التصويت هو قطعا مقصود".

كما أعلن الفنان أحمد السعدني استياءه ما حدث لمحمد صلاح قائلاً عبر حسابه على Twitter: "موضوع صلاح ده بجد محبط ومقرف سواء حدث عن طريق السهو أو متعمد زي ما قال الأخ دانيال ده مش مجبر اختار صلاح لأ حضرتك احنا اللي مش مجبرين إنك تمثلنا اصلاً جتها نيله اللي عايزه خلف.. كلمة أخيره لصلاح اسم بلدك لازم يرجع ينور التويتر بتاعك تاني".

كما هاجم الفنان حسن الرداد الممثل الإعلامي لمصر في التصويت للجائزة والذي لم يعطي صوته لصلاح، كاتبًا عبر حسابه على Twitter: "في صحفي كدة ماعرفش حاجة عنه ومش عايز اعرف، كان بيصوت فى جائزة #the_best، وحضرته اختار مانيه ثم رونالدو وأخيرا محمد صلاح، عايز اعرف أنت مصري ازاى عشان ماتختارش ابن بلدك اللى هو مكسر الدنيا، ده مصرى زيه زيك يا جهبز، مش عارف دى نفسنه ولا ايه. ماتزعلش يا صلاح".

وقال الفنان مصطفى بسيط عبر حسابه على Twitter: "إن لاعب مصرى يوصل للعالمية دى حاجه مش هتحصل غير كل 100 سنه يقوم سعتك بغرورك وحقدك ونفسنتك ما تصوتش لابن بلدك؟!؟ الموضوع ده بجد محتاج تحقيق حصل كده ليه و لمصلحه مين؟ هما بجد الناس دى؟! محمد صلاح حقه يزعل وبلاش مقارنه بين صلاح وتريكه اتحاد فاشل وناس فشله وحقد فى كل مكان".

كما أعلن الفنان رامي جمال اللاعب، أن من حق محمد صلاح، الغضب لما تعرض له، كاتبًا: "أنت الفخر وأنت معنى الطموح وأنت الأمل موصلتش غير بمجهودك محدش دعمك غير أهلك ورغم كده وصلت ما شاء الله قلوب كتير من العالم بقت معاك وأغلب المصريين معاك اعمل لنفسك ولبلدك ومتستناش رد.. العشم بيزعل وحقك تزعل بس مفيش وقت غير للنجاح ربنا معاك".