أحمد موسى يواصل عرض تسريبات البرادعي ويطلق هشتاج «البرادعي شلح رجالته»..ومكالمة لأعضاء 6 إبريل ..فيديو

- أحمد موسى يطلق هاشتاج «البرادعي شلح رجالته»
- أحمد موسى:منتخبنا لليد "نكد" على منتخب المجنسين وجماعة الإخوان
- فوزي لممدوح حمزة: «ياريت أمريكا تعمل انقلاب على المشير طنطاوي»
- البرادعي يسب عصام شرف
- البرادعي «فى تسريبة هاتفية» يسب ممدوح حمزة وجورج إسحق واليسار
- ممدوح حمزة «في تسريب هاتفي»: التحرير تحول لميدان للدعارة
- البرادعي في تسريبة يسب القيادي الإخواني عصام العريان
- أحمد موسى يعرض تسريبا ل"البرادعي" مع إبراهيم عيسى
- البرادعي يسب إعلاميين ورموزا سياسية بعبارات خارجة
- البرادعي يطالب في «تسجيل صوتي» بتفعيل قانون الطوارئ
- اتفاق بين أسماء محفوظ وأحمد ماهر على حرق مقر أمن الدولة
أطلق الإعلامي أحمد موسى، هاشتاج جديدًا حمل عنوان «البرادعي شلح رجالته»، لافتًا إلي أن حلقة اليوم ستحمل العديد من المفاجآت للبرادعي ورجاله والمدافعين عنه.
وأضاف "موسى"، خلال برنامجه «على مسئوليتي» المذاع عبر فضائية «صدى البلد»، إنه تلقى العديد من الفيديوهات تكشف كم التآمر والتحالف من رجال البرادعي مع جماعة الإخوان الإرهابية، لافتًا إلي أن تسجيلات اليوم ستكشف مفاجآت مذهلة جدًا.
قال الإعلامي أحمد موسى، إنه تابع مباراة المنتخب المصري في كأس العالم لليد ، مع منتخب المجنسين " قطر" وهو واقف علي قدمه دون ان يجلس ثانية ، موضحًا أن أبطال مصر لهم كل التحية والتقدير علي هذا النجاح الكبير.
وأضاف "موسى"، أن الغريب واللافت للنظر في منتخب "المجنسين" أنه لا يوجد أي لاعب من دويلة "قطر" وتم إعطاؤهم الجنسية من أجل اللعب باسم تلك الدويلة ، موضحًا إن أبطال مصر قدموا مباراة مهمة للغاية وكبيرة أسعدت الجماهير المصرية.
وتابع قائلًا: إن أنصار جماعة الإخوان الإرهابية المصريين كانوا يشجعون منتخب "المجنسين القطري" ولكن أحمد الأحمر وكريم هنداوي وباقي الأبطال "نكدوا عليهم".
وأذاع الإعلامي أحمد موسي، مكالمة بين المهندس ممدوح حمزة و شخص يدعى الدكتور إبراهيم فوزي.
وقال حمزة : «كان فيه ضرب في ميدان التحرير جامد جدًا ..َ ضربوا العيال والعيال جريوا وراهم ... يا بيه الجيش بيتفرج ...أنا رجالتي هناك كلموني».
ورد فوزي : «الجيش يا ريس مع الحزب الوطني وضَحِت خلاص ...خليهم بقي يجيبوا وزارة عواجيز يحيى الجمل والعيسوي ووزير الخارجية اللي عنده 82 سنة، يعني ثورة شباب أنتجت وزارة العواجيز».
ورد حمزة .. «وبعدين جايبين عصام شرف علشان يفرحوا الإخوان ..بحيث تكون علاقة قوية وتنسيقية كبيرة قوي».
فوزي: «طب لو فيه إتفاق بين البرادعي والإخوان يلموا البلد بقي .. إيه إصرارهم علي إنتخابات برلمان في الوقت الحالي.. عندي إقتناع أن الجيش هينقلب قريب جدًا».
واستكمل فوزي «أنا بقي عندي أن الجيش الأمريكي يتولي الأمور في البلد ويسلم الحكم لحد تبعهم أمريكاني أمريكاني بس هيجيب ديمقراطية .. أمريكا عايزه نظام مبارك بدون مبارك» .. «شوفت اللي حصل إمبارح لعمرو موسي دول كانوا هيضربوه».
حمزة : «إحنا عاوزين نحضر في نقابة الصحفيين يوم الأربعاء البرادعي رايح عامل مؤتمر ممكن أكلمك ،أعرف الساعة كام علشان لازم نحضر».
حمزة : «بقولك صح عندي خطة هقولك عليها لازم أقابلك علشان تعرفها في خلال اسبوع».
فوزي : لازم نعمل حاجة ما نقفش كده أنا معايا ناس مثقفين ومحترمين ولازم نتحرك بمنتهي السرعة».
حمزة: «هقولك لازم نشتغل بجد وأقولك علي الخطة كاملة».
فوزي : «نفس نظام مبارك يا أخي ممكن يقول نعين جمال مبارك دي لعبة الجيش اللي عملها».
كما أذاع الإعلامي أحمد موسي، مكالمة بين الدكتور محمد البرادعي ، وشقيقه علي البرادعي ، حيث قال فيها الدكتور البرادعي « إيه يا علي .. الجدع الحيوان عصام شرف بيقولي إن البلتاجي هو اللي قدمه .. طلعوا عصام شرف وجايبين برامج بيتكلم فيها شرف برضه ، والجدع اللي اسمه عنان ده هاكلمه هشوف القصة إيه».
واستكمل البرادعي .. «وبعدين هما مش زعلوا لما الشيخ الحملاوي ولا المحلاوي ده .. وجايين دلوقتي يتكلموا .. سيبك منهم يا علي» .
كما أذاع مكالمة جديدة بين الدكتور محمد البرادعي ، وشقيقه علي البرادعي ، حيث قال فيها الدكتور البرادعي « إيه ياعلي الجدع الحيوان جورج إسحاق كلمني عايز يجيب حق مش عارف مين ده رجل متخلف .. هما نفس الأشكال» .
واستكمل .. «عايز يشوف برنامجي ، معنديش برنامج ياسيدي أنتم ناس فاضية وعايزين تتسلوا ، وجايبلي عيال زبالة من بتوع اليسار
الفار ده أسمه أيه جايب 5 ، 6 عيال وجيلي .. والرجل بتاع الجيش اللي أسمه شاهين ده ، جاي مش عارف يقولي إنتخابات إيه ومش عارف إيه والإنتخابات هتبقي في سبتمبر .. حاجة كده من دماغهم ولا بيقولوا للناس ايه اللي بيحصل، ولا بينظم الدنيا ماشية ازي» .
كما أذاع الإعلامي أحمد موسي، مكالمة بين المهندس ممدوح حمزة و شخص يدعى الدكتور إبراهيم فوزي ، قال خلالها حمزة : ميدان التحرير كان فيه ضرب جامد جدًا ..َضربوا العيال والعيال جريوا وراهم ...يابيه الجيش بيتفرج ...أنا رجلتي هناك كلموني".
ورد فوزي : إيه حكاية العيال اللي انضربوا بتوع التحرير.
ورد حمزة لا لا ده الجيش جاب شوية عيال بلطجية الحزب الوطني علشان يقول الشعب يريد إخلاء الميدان ..وبعدين الميدان تحول إلى مكان للدعارة وضرب الحقن والشباب بتوعي كلموني قولتلهم روحوا سيبوا الوزارة تشتغل علي الرغم ان كبيرهم أسبوع .
وقال فوزي، لا لا أنا بحسب العيال بتوع الإخوان .
أذاع الإعلامي أحمد موسي، مكالمة بين الدكتور محمد البرادعي ، وشقيقه " علي"، وتضمن حديثه:«مش هقدر أروح في مكان النهاردة علشان أقرأ الورق علشان الكتاب، المهم اللي كانوا هيعملوا هيتلغي، وأعتقد ان اللي فات حاجة واللي جاي حاجة، وصاحبنا اللي عنده التليفونات كلمني وبيقولي أنه خايف علشان بيساعدنا وممكن التليفونات تكون مراقبة، وتم إرسال أكثر من رسالة تهديد في هذا الصدد".
وتابع "البرادعى" فى المكالمة التى أذاعها الإعلامى أحمد موسي، فى برنامجه "على مسئوليتى" المذاع على قناة "صدى البلد":"أن هحط كذا تويتية عن الموضوع ده، وبعدين الناس بتاعت الحراسة دي برضو مش عارف، المهم إحنا عايزين خطة علشان نمشي عليها الفترة اللي جاية طالما النظام لم يسقط حتي الآن".
وقال:"الناس اللي دخلت أمن الدولة لم يجدوا التسجيلات الهاتفية للمواطنين والنشطاء، وهسأل ياعلي علي الناس اللي قعدة في شرم الشيخ ليسفروا بره البلد، وكمان هتكلم عن بتوع الصحافة اللي لسه قعدين"، ورد شقيقه قائلًا: "الجدع اللي إسمه عصام العريان ده كلمني وبيقولي خلي بالك رصيد الدكتور هينزل"، ورد عليه:"سيبك منه ده بن....حيوان".
وأذاع الإعلامي أحمد موسي مكالمة مسربة جديدة بين الدكتور محمد البرادعي ، والإعلامي إبراهيم عيسى :
البرادعي :لازم يابراهيم الناس اللي في السجون دول يتحاكموا ..بقولك هطلع بكرة علي الهواء .
إبراهيم عيسي إزيك يادكتور هتطلع علي الهواء إمتي .. أصبر هجبلك التسجيل الأول قبل الإذاعة هجبهالك من " إدارة أون".
البرادعي :أنت تعرفهم يا ابراهيم.
إبراهيم عيسى : أه نطلبها من نجيب ..ولازم تتكلم علي الأقباط والكلام ده
البرادعي : آه دي أنا هبدأ بيها ، وينقضي علي النظام لنشتغل بالنظام
البرادعي : لازم قانون يابراهيم علشان البلطجية حرام البلد دي هتضيع ..أنا هروح نقابة الصحفيين بناء علي دعوة من جمال فهمي اللي تبعك ده.
ابراهيم عيسي : لا يادكتور هو اي حد تروح لازم يبقي فيه ترتيب وناس قاعدة شمالك ويمينك .. انا قرأت الخبر شكيت أنك تروح .. مينفعش تطلع في التلفزيون النهاردة وتطلع في الجرايد بكرة متمشيش وراء الهواة يادكتور.
البرادعي : ده صحيح يا إبراهيم ، أن زهقت دي بلد عشوائية من أولها لأخرها.
ابراهيم عيسي : معلش استحملنا وكلم نجيب علشان يخلص الموضوع.
وأذع الإعلامي أحمد موسي، خلال برنامجه "على مسئوليتى" المذاع على قناة "صدى البلد"، تسريبة بين الدكتور محمد البرادعي، والإعلامي إبراهيم عيسي.
وجاء نص المكالمة كالتالى:
-"البرادعي":"لازم يا براهيم الناس اللي في السجون دول يتحكموا.. بقولك هطلع بكرة علي الهواء".
-"إبراهيم ":"إحنا أتفقنا منرحوش مع حضرتك في مكان معلن إلا معانا 500 فرد بتوعنا ..انت بتمثل حلم مش بتمثل نفسك الآن، ولابد ان نتوخي الحذر من القوي المعادية، ولابد من التعامل بعدم العفوية؟، وانت قيمة منفردة بذاتك ومينفعش تنزل في إعلان مع الفنانين وإعلان صوت بنعم".
"البرادعي": "انا معرفش دي يا ابراهيم"
"عيسي": اللي موجود في المصري اليوم والشروق الأيام دي إعلانات يا دكتور الحملة لوحدنا إحنا منفردين.
البرادعي: "لا يا ابراهيم معرفش أتوصل وشوف مين"
عيسي : "أولوياتي النهاردة بين الصورة والإعلان والمنشن، أنت مفاوض عظيم ولا تتنازل أبدًا ولا تترك ما بدأت..اللي قلقني أكتر ان فيه محاولة لتجنيد نظام جديد ..لا لا أكتر من النظام القديم.. تسليم النظام إلي نظام دين.
عيسي : "لا لا يسلموا شوية للنظام الديني ويرجعو ياخدوه تاني"
البرادعي:"الناس البلطجية لسه حرة طليقة بتشتغل زي ماهي عايزه، وبعدين واحد زي وزير الداخلية أو طنطاوي بيتكلموا دلوقتي، فيه حاجة مش مظبوطه يابراهيم زي مافتحوا معركة الجمل .. وفاكر يوم نقابة الصحفيين".
"عيسي":"ايوه علشان كده بقولك في قوي متواطئة للغاية ولازم الحساب".
البرادعي:"لا لا يابراهيم عايزين نفضحهم ..وفي واحد بيقولوا مصر مريضة اسمه ايه الرجل الحمار اللي كان رئيس مجلس الشعب كان عايز يترشح امين عام الجامعة العربية ..يعني إحنا بنتعامل مع النظام القديم ..ولا بد أن نتصدي لها من خلال تويتر".
إبراهيم عيسي :" لا لا البيان يطلع من الحملة ويكون من الشباب بتاعتنا ونقول نرفض إعادة النظام القديم وعدم محاسبته ، وتتساءل عن بعض الأمور" .
"البرادعي":"واضح يابراهيم في حالة نظام قديم مستمرة"
ابراهيم عيسي: "ضيف عنصر تحالفهم مع الإسلاميين وخرجوا عبود الزمر وغيرهم ، وبيتعملوا وكأنه " نيلسون مانديلا " حاجة كده مش عارف بيعملوا كده ليه".
البرادعي : شوفت يابراهيم التويتة اللي كتبتها إمبارح عن دعوة الإسلاميين للتصويت .. حاجة صعب أنا شايف أن يجي رئيس متوافق عليه من الجميع وهو ده السيناريو.
ابراهيم عيسي: "بص نمضي علي اللي هما عايزينه ده نظام الإخوان المسلمين في إنتخابات النقابة".
البرادعي:"مش هقدر أشتغل في ظل الدستور ده يابراهيم فيه عوار جديد".
عيسي: "لا لو الإخوان نجحوا كمان هتبقي كارثة وهيقولوا عايزين رئيس توافقي معانا نعرف نتعامل معاه".
البرادعي : "أنا في مركز أكثر قوة من الخارج".
ابراهيم عيسي:" أن اثق في قدرتك يادكتور ..لو فيه حد لا يغريه كرسي الرئاسة هو حضرتك وأنت الأحق به .. وبلاش يا دكتور تتحرك من غير ماتعمل اللي اتفقنا عليه" .
البرادعي : "ممكن تكتب لنا كلمتين"
ابراهيم : "ممكن مصطفي النجار أو علي البرادعي .. بس تكون مليانه تفاؤل وأمل وحاجات من دي .. وممكن نعمل فيديو".
أذاع الإعلامي أحمد موسي، خلال برنامجه «علي مسئوليتي» عبر فضائية «صدى البلد» مكالمة بين الدكتور محمد البرادعي، وشقيقه علي البرادعي.
وبدأت زوجة البرادعي: ابراهيم المعلم بيقول عليهم 3 هيبقي الساعة 12 يوم الأحد في الشروق.. هما عنوانهم فين يعني خدني معاك يا علي في شنطة علشان وزني تقيل.. استني محمد عايز يكلم.
البرادعي: أيوه يا علي دايما بتبعتلي مجموعة زبالات أحمد عزت وبتاع الكويت ده.. يشوف له مكان بقي.
شقيق البرادعي: اه كلمني وعايز يقابلك.
البرادعي: بعت لأحمد عزت عايز يشتغل وزير إعلام، وفيه مقابلة لي مع شباب البيزنس، وناس في أبوظبي سمعت أني رايح هناك عايزين يقابلوني بس أنا مش هقابل مصريين هناك.
شقيق البرادعي: آه فيه جماعة بتتكلم عن المصريين هناك أنك تقابلهم.
البرادعي: لو إماراتيين ماشي... بقولك صح حد قالي مش فاكر اسمه بيقول أن فيه مجموعة من العبط بيقولوا عاملين "حوار وطني" مين اللي عامله بقي 20 من "زبالين مصر" وبيقولوا رموز مصر هو ده حوار وطني بقي.. أنا هربت منهم على العموم ملهاش لازمة.
البرادعي: دي حاجات علشان التليفزيون، زي الحاجات اللي كان بيعملها عبدالناصر علشان يضحكوا علي الناس... وجايبين شوية زبالين حمير "عمرو موسي وحمدين صباحي" واشكال ملهاش لازمة.. أنا بشتغل لوحدي يا علي مليش دعوة بالحمار الوطني اللي عايزين يعملوه ده.
البرادعي: بكره مجدي الجلاد واضح انه مجنون وكويس إني متكلمتش عليه النهاردة.. ده بيكلمني بيقول أنه عايز مش عارف إيه حاجة غريبة.. وكمان اللي اسمه الليثي ده كان عايز أطلع معاه.. مش عارف انا شكلي هحرق نفسي وبعدين الأحمر الأحمر ده كان عايز يقابلني برضو حاجة تضحك بقولك.
وواصل البرادعي: وبعدين لو روحت بكرة هقابل أشكال زبالة زي... اللي اسمه العوا وطارق البشري ناس كلهم زبالة.
وفي تسريبة جديدة أذاع أحمد موسي، مكالمة بين الدكتور محمد البرادعي ، وشقيقه علي البرادعي، وجاء نصها كالآتي..
البرادعي : إيه ياعلي أزيك عامل ايه.. سمعت النهاردة انهم بعتوا بلطجية في اعتصام نقابة الصحفيين،.. وعلاء الأسواني قال لي حرقوا عربية، وفيه ناس لا علاقة لهم بالعمل العام... وناس قالوا له كمان كويس أنه مرحش هناك.
شقيق البرادعي: ممكن نجيب أمن خارجي بقى.
البرادعي: أنا كلمت نبيل العربي النهاردة وقولت لها انا هكلم عصام شرف عن الحراسة،.. وأعتقد ان حديث امبارح ده مجننهم علي الآخر طبعا ده كويس.. بس أنا خايف عليك أنت يا علي.. دي ناس مجرمة.
وواصل البرادعي: هروح بكرة لنبيل العربي وهطلب منه القبض علي المجرمين دول، لحد دلوقتي لسه مقبضوش علي حد من الجيش او أمن الدولة، الأمر الثاني تطبيق قانون الطوارئ.. علشان مينعفش.. وبعدين سيبين الكلب اللي اسمه يحيى الجمل ده مش عارف بيعمل إيه.
وأكمل البرادعي: لازم الناس دي تتسجن وتطبيق قانون الطوارئ.
أذاع الإعلامي أحمد موسي، خلال برنامجه «علي مسئوليتي» عبر فضائية «صدى البلد» مكالمة بين أسماء محفوظ، وأحمد ماهر عضو 6 أبريل.. وجاء نصها كالآتي..
أسماء: ألو ازيك يا أحمد
أحمد ماهر: إيه يا حبيبي أخبارك إيه.. انتي فين.. ومالك كده
أسماء: أنا في البيت بس كسلانه شويه وسقعانه وكان المفروض اروح الاجتماع بس كسلت.. أنت فين
أحمد ماهر: انا في بنها وهرجع علي بالليل
أسماء: طب مش هتولع في امن الدولة اللي عندك ولا ايه
ماهر: اللي في مدينة نصر.. النهاردة هيتولع فيها.. وناس كلمتني من الإسكندرية قالولي عايزينك معانا هناك.. قولت لهم اتصرفوا أنتوا انا في القاهرة مش اسكندرية.
أسماء: هو فين الملفات بتاعتنا اللي في أمن الدولة.. بيقولوا فيها صور
ماهر: أنا جبت الملف بتاعي ولقيت شوية صور كده بس خلاص
أسماء : بقولك صح.. فيه حد بيستغل اسمك انا عرفت الموضوع ده وعايز ياخد فلوس باسمك.