البرادعي يسب إعلاميين ويكشف عورات من تحالفوا معه..ويسيء للجيش ويشيد به خلال مكالمة سامي عنان..فيديو

البرادعي:-
يسب منى الشاذلي بلفظ خارج
عمرو موسى وزويل "أفاقين"
يهاجم شباب الثورة والليبراليين
يسب حمدين صباحي بألفاظ خارجة
يتطاول على مفيد شهاب والفريق شفيق بألفاظ خارجة
يسب محمود سعد وعمرو أديب ولميس الحديدي
تسجيل صوتي بين البرادعي وإبراهيم عيسى يسيء للجيش
شقيق «البرادعي» يلقنه ما سيقوله أمام الإعلام
مكالمة مسربة بين البرادعي والفريق سامي عنان
حزب الوفد لا قيمة له إلا لجمع التبرعات
ويشيد بزياد العليمي
ويسب يحيى الجمل
نشر الإعلامي أحمد موسي، عدة مكالمات مسجلة للدكتور محمد البرادعي إبان ثورة 25 يناير هاجم خلالها عددًا من الإعلاميين ورجال القوات المسلحة وبعض الشخصيات العامة كما هاجم شباب ثورة 25 يناير والليبراليين وتعدى بالألفاظ الخارجة على عدد منهم.
وكشفت المكالمات التي أجراها البرادعي مع أحد الأشخاص وجاء نصها علي لسان البرادعي « نسيت أقولك مني الشاذلي دي سكة ماشية فين ورايحة فين ، دول ولاد "..." مش عارفين ماشيين في أي اتجاه ، لا أثق في أي اتجاه الناس دي بيشتغلوا.
وأضاف وفقًا للمكالمة المذاعة عبر برنامج« علي مسئوليتي» المذاع عبر فضائية «صدي البلد» إن يسري فودة وابراهيم عيسي، دول وضع تاني.
متابعًا« الناس بتوع النظام دلوقتي بيقولوا إنهم مع الثورة ، وبيقولوا كمان هيحموا مفيد شهاب».
كما نشر الإعلامي أحمد موسي، مكالمة مسجلة أخرى للدكتور محمد البرادعي ،مع الدكتور عز الدين شكري، وجاء نصها علي لسان البرادعي وقال فيها :« أنا شايف إن الثورة بتجهض تدريجيا والشعب المصري مسكين ومريض ، ومصاب بالجهل وبه بعض الأرزقية وسيستمر النظام كما هو .. وأديك شوفت اللي عمله إبراهيم عيسي في حلقة الأمس.
البلد بتضيع - والكلام لا يزال للبرادعي وفقا للمكالمة المسجلة - وهناك شوية أفاقين مثل عمرو موسي، وزويل ، وهيكل واسامة الغزالي حرب».
إن هناك - والكلام على لسان البرادعي بحسب المكالمة المسجلة - مجموعة من الأفاقين منهم عمرو موسي، وزويل وبعض الشباب المفكك ، والشعب لا يفهم أي شيء نظرًا لعدم توحيد الصفوف بين المواطنين ، وما يحدث عبارة عن تفرقة بين الجبهات.
وتابع قائلًا: إنه إلتقي مع أحد الأطباء وأكد علي أن الأٌقباط في مصر يأخذون حقهم في كافة الوظائف سواء في الطب أو المخابرات او الوزارات المختلفة.
كما أذاع الإعلامي أحمد موسي، مكالمة مسجلة للدكتور محمد البرادعي ،مع شقيقه علي البرادعي وجاء نصها علي لسان البرادعي « قول للحيونات دول أن إجتماع بكرة لازم يبقي واضح وبناء علي إتفاق علي إنشاء حزب مش عاجبهم "يروحوا في داهية".
وأضاف البرادعي فى المكالمة المذاعة عبر برنامج« علي مسئوليتي» المذاع عبر فضائية «صدى البلد» إن أي إتجاه غير إنشاء الحزب ودخول البرلمان يُضربون بالجزمة".
متابعا« الحيونات بتوع شباب الثورة كل واحد فيهم عايز يعمل حزب لوحده » لافتًا إلي أن إبراهيم عيسي يعد أفضل العناصر التي يرشحها لتولي حملته الإنتخابية ، والشخص الآخر الإعلامي أسامة كمال ولا أسيبني منه".
وتابع قائلًا: إنه لابد أن يجلس الجميع في إئتلاف واحد وتوحيد الجهود لمنع التشتت ، لافتًا إلي ان تلك المجموعات لا يوجد لديهم أي فكر وسأتركهم حال التوحد علي عدم التوافق علي فكرة واحدة ، ويواجهوا أحمد شفيق بقى ، والحاجة التانية الحمير الدكاترة الي جايين النهاردة دول آخر فرصة لهم برضه.
وأردف قائلًا: الليبراليون دول أغلبهم زبالين ، ومش هقابل حد منهم تاني سوى لقاء آخر.
لافتًا إلي أن إبراهيم عيسي متحدث جيد جدًا وبيعرف يتعامل مع الناس دي كويس أوي.
وتابع قائلًا: ممكن نعين فاروق الباز ومنصور حسن ، بعيدًا عن زويل وعمرو موسي والناس الأفاقة دي ، موضحًا إن وائل غنيم ده ولد متخلف سيبك منه أهم حاجة " كلم إبراهيم عيسي أشكره".
وأذاع الإعلامي أحمد موسي، مكالمة مُسجلة للدكتور محمد البرادعي، مع شقيقه علي البرادعي وجاء نصها علي لسان البرادعي «كلم وائل غنيم علشان يجيبو النجار وشادي والغزالي» في اجتماع الائتلاف القادم.
وأضافت المكالمة المُذاعة عبر برنامج «علي مسئوليتي» المذاع عبر فضائية «صدي البلد»: قولت لأسامة الغزالي حرب علي موضوع الائتلاف ده ومحادثة الرجل اللي اسمه حسب الله الكفراوي، علشان نطلع نعمل كونفرانس مع مرشحي الرئاسة، وأعتقد أنه شخص آفاق، وتشاورت مع أسامة الغزالي حرب وأعطاني الكثير من الأسماء الأفاقة والمنافقة".
وتابع قائلًا: أمين إسكندر ده واللي اسمه حمدين صباحي "زبالين"، وفاروق الباز "آفاق" وعمرو موسي "مش عارف إيه هو كمان".
وخلال المكالمة مسجلة للدكتور محمد البرادعي ،مع شقيقه علي البرادعي وجاء نصها علي لسان البرادعي "شوفت ياعلي أنا بحط لك تويتة كل شوية فين صفوت الشريف الحرامي ، وفين الفساد السياسي أمثال مفيد شهاب ابن الكلب الترزي والظباط اللي ضربوا الناس بالرصاص".
وأضافت المكالمة المذاعة عبر برنامج« علي مسئوليتي» المذاع عبر فضائية«صدي البلد»، إن الشروق استعرضت بشكل جيد إنتقاده لهذا الوضع ، موضحًا إنه إلتقي العديد من سفراء الدول الأجنبية وأجرى تنسيق معهم بالإضافة إلي مجموعة من رجال الأحزاب.
وتابع قائلًا: حد كان باعت لي أسامة الغزالي حرب، لكن أنا" قفلت "علي الناس دي ملهمش أي لازمة يعني أنا راجل ومني بعتت لي كمان من 30 إلي 40 حمار من رجال الاعمال ، غير إن الحيوانات اللي بتحكم دي بيعكوا في أي حاجة وسايبين الحيوان اللي اسمه شفيق رئيس وزراء.
وتابع قائلًا: جورج بعت لي بيقول هنقعد مع اليساريين ، وفيه كمان مجموعة من الجماعة بتوع أمريكا عايزين يقعدوا معايا بس أنا مش فاضي.
نشر الإعلامي أحمد موسي، مكالمة مسجلة للدكتور محمد البرادعي ،مع الدكتور عز الدين شكري وجاء نصها علي لسان البرادعي « إن عمرو أديب وزوجته يحاولان الاتصال به ولكنه لا يرد عليهما نهائيًا».
وتابع قائلًا: البت التانية دي اللي بديها علي دماغها بالجزمة ومحمود سعد ده برضه كويس ممكن أطلع معاهم.
وأضافت المكالمة المذاعة عبر برنامج« علي مسئوليتي» المذاع عبر فضائية«صدي البلد» إن الجدع اللي اسمه محمود سعد رقم واحد في المشاهدة يليه البنت اللي اسمها مني الشاذلي وعلشان كده ممكن أطلع معاهم علشان محدش يقول طالع مع يسري فودة ليه.
وتابع.. شادي الغزالي حرب أكد في إجتماع أنه لابد من التطرق للمعارضة الحقيقية وإستضافة الدكتور البرادعي .. بقولك صح باعتين لينا واحد بيقول إنه من المؤسسة العسكرية ، تشرفنا ياسيدي باعت لينا واحد يخوفنا بالكسكته العبيطة دي.
وأردف ، بيجيلي عروض محاضرات في أمريكا والدول للحديث عن الديمقراطية ، وهذا سهل عن المواد العلمية ، وتلك الأموال من الممكن أن اعيش عليها لمدة سنوات طويلة .. علشان نعيش، ولاد الكلب دول هنشتغل ببلاش.
ونشر الإعلامي أحمد موسي، مكالمة مسجلة للدكتور محمد البرادعي ،مع الإعلامي إبراهيم عيسى.
وجاء نص المكالمة علي لسان البرادعي «ألو يا إبراهيم معلش الخط قطع نبيل العربى كلمنى النهاردة وقولت له إن موضوع الإستفتاء علي الدستور ده كارثة ولابد من إلغائه لأنه سيؤدي إلى تفجير في البلد وبعدين لازم الناس دي يتقبض عليهم والموضوع يسير في عدم الكفاءة».
فيما قال إبراهيم عيسي ، ياريس الناس دي مش سياسيين علشان كده التوقيت مش فارق معاهم ورد الفعل برضه.. الناس دي عقيمه.
ورد البرادعي ، طب ما يسألوا يابراهيم ..يسألوا يابراهيم .. طب شوف دي، امبارح اتصلوا عليا يقولوا تعالي قابل الرئيس عمر البشير ، الراجل ده مجرم يا إبراهيم الحمد لله طلعت منها بأسلوب كويس.
ورد الإعلامي إبراهيم ، قائلًا: دي العقلية اللي ماشية دلوقتي يا دكتور علشان كده عايزينك معانا . ..ينهار اسود عايزينك تقابل عمر البشير.
وأضافت البرادعي خلال المكالمة المذاعة عبر برنامج« علي مسئوليتي» المذاع عبر فضائية«صدي البلد» إن الناس اللي تحكم معندهمش فكر وشخصيات متخلفة تمامًا.
نشر الإعلامي أحمد موسي، مكالمة مسجلة للدكتور محمد البرادعي ، مع شقيقه علي البرادعي والذي كان يُلّقن البرادعي ما يقوله أمام الإعلام، وجاء نصها علي لسان البرادعي: «أنا مش عارف الناس بتفكر إزاي، أنا عايز أشخاص تشتغل معايا استشاريين مين ياعلي ممكن».
وقال على البرادعي شقيق البرادعي: « فيه 5 أشخاص كويسين صحفيين بلال فضل، وإبراهيم عيسى، وائل قنديل، وكمان مجدي الجلاد أتكلم مع محمد وعايز يبقي معانا» .
وأضاف في المكالمة المذاعة عبر برنامج «علي مسئوليتي» المذاع عبر فضائية «صدي البلد»، أنا عندي الخبرة ، يا "علي" واشتغلت في الخارجية المصرية واكتسبت خبرة من العمل في الولايات المتحدة وأستطيع أن أوازن بين الأمور المختلفة.
وتابع شقيقه: «بقولك ممكن تستعين بآيات من القرآن الكريم مثال آيات من سورة سيدنا يوسف عندما استعان به الملك لحكم مصر "الحفيظ الأمين" ومن الممكن الاستشهاد بها».
وقال البرادعي، شريف عبدالودود بعت لي الحاجات المهمة قال لي أستعين بآيات القرآن وعايزين نشوف أي آيات عشان نجذب الناس" وتلعثم في ذكر الآية الكريمة.
وتابع قائلًا: «جورج بعت لي بيقول هنقعد مع اليساريين، وفيه كمان مجموعة من الجماعة بتوع أمريكا عايزين يقعدوا معايا بس أنا مش فاضي».
عرض الإعلامي أحمد موسي، مكالمة مسجلة للدكتور محمد البرادعي ،مع الفريق سامي عنان وجاء نصها علي لسان البرادعي « أيوه ياسيادة الفريق ازي حضرتك عامل ايه ..ربنا يطلعنا من الموقف اللي إحنا فيه».
وتابع قائلًا: بقول لحضرتك ايه انا كان عندي اجتماع النهاردة مع شباب الإئتلاف ، وكنا بنتكلم عن المشكلات والكلام ده والأوضاع الأمنية وموضوع "التحرير" والاعتصامات ، وكان المطلب الرئيسي إقالة الوزارة كشرط لمنع تظاهرات الجمعة.
وأضافت المكالمة المذاعة عبر برنامج« علي مسئوليتي» المذاع عبر فضائية«صدي البلد» إن هذا المطلب تم التوافق عليه ، لذا أراد أن يكون هذا المطلب أمامكم ، وبعدين أنا حاولت معاهم كتير ولكن الموضوع تحول معهم مثلما حدث مع الرئيس "مبارك " مش عارف ليه.
فيما رد الفريق سامي عنان ، طب انت مقدرتش تقنعهم أن الوزارة الحالية لابد أن تحصل علي فرصتها كاملة ، ولكن يا دكتور "برادعي" وزارة الفريق شفيق ليس عليها اي سلبيات حتى الان ..وبعدين لو كان علي أن شفيق كان في عهد الرئيس مبارك فالكل كان في عهد الرئيس "مبارك".
وقال البرادعي، يا سيادة الفريق دول كانوا بيتكلموا في حاجات تانية محاكمات عسكرية وما إلى ذلك ولكني استطعت أن أغلق هذا الملف ..يعني الموضوع دلوقتي رئيس الوزراء و5 وزراء آخرين لابد من إقالتهم .. ورأيي الشخصي إننا نجيب وجه جديد يشعرهم ان الرئيس مبارك ورجاله غادروا الموقع ، علي الرغم من أنهم يشيدون بالفريق شفيق.
أذاع الإعلامي أحمد موسي، مكالمة مُسجلة للدكتور محمد البرادعي، مع شقيقه علي البرادعي وجاء نصها علي لسان البرادعي " ألو ياعلي إزيك .. انا لسة داخل من الصبح كنت في كذا إتجاه ، وفيه عندي مقابله بكرة مع ريم ماجد هتطلع بكرة".
وأضافت المكالمة المُذاعة عبر برنامج «علي مسئوليتي» المذاع عبر فضائية «صدي البلد»: المقابلة دي يا علي كانت حوالي ساعتين المهم " اديت المجلس العسكري علي دماغه" وكان فيه واحد اسمه عز العرب ، وقالي إن حزب الوفد انتخبوه ، ومحمد أبو حمار ده اسمه إيه مش عارف كمان كان معه ..المهم بقى هما نواب وقرروا ان البرادعي لازم يكون مرشح الحزب أو يدعموه.
ورد البرادعي قائلًا: ماشي يدعموني لكن أنضم لا ، خصوصا الوفد حزب قديم علي الرغم أنه ملوش قيمة كبيرة ، ولكنها خطوة علي طريق التبرعات التي سنتلقاها ويكون الحزب هو الواجهة باسم الحملة.
أذاع الإعلامي أحمد موسي، مكالمة مُسجلة للدكتور محمد البرادعي، مع الدكتور عز الدين شكري، وجاء نصها علي لسان البرادعي وقال فيها: «أنا أعتقد وأؤيد كلامك إن الخير في الشباب في المجموعة بتاع زياد العليمي ولا مجال للأسف لأي مجموعات أخرى، وهذا ما قاله لي أبو الغار.. والولد اللي اسمه "ناصر عبدالحميد" -والكلام لا يزال للبرادعي وفقًا للمكالمة المسجلة- ولد كويس وجميل للغاية، وقابلته في ندوة في الشروق.
وأن هناك -والكلام على لسان البرادعي بحسب المكالمة المسجلة- رجلًا يُدعي أبو المجد، رجل أفاق، مثل الناس بتاع كل العصور.. أنا راجل قاعد في بيتي اللي عايزني يجيلي.
فيما ردّ "عز الدين شكري" قائلًا: بص بقى بالنسبة لوجودك في المنزل طوال الوقت الشباب عازينك تنزل ميدان التحرير.. الشباب عايز يشوفك معاه.
وقال "البرادعي"، "والله يا عز نفسي أنزل أنا مشكلتي يوم مانزلت الميدان كنت هتخنق، وكان ممكن أموت فيها وهي دي مشكلة أمن وطريقة الحرية التي أسير بها، واسأل زياد كان معايا هو وبتاع الشروق، وياريت أعرف أجي بطريقة منظمة".
فيما ردّ "عز"، الموضوع دلوقتي منظم للغاية وفيه منصة للجمعية وشباب هينظم الموضوع علي أنك تروح تصلي وتتواجد في وسطهم، مش شرط أن تخطب أو تسير في المظاهرة ولكن لبث الطمأنينة في نفوس الشباب .
أذاع الإعلامي أحمد موسي، مكالمة مُسجلة للدكتور محمد البرادعي، مع شقيقه علي البرادعي وجاء نصها علي لسان البرادعي: "ألو ياعلي إزيك.. انت مستغرب ليه ياعلي.. ناس من 60 سنة متعرفش يعني إيه ديمقراطية مستغرب من اللي بيحصل ليه».
وأضافت المكالمة المُذاعة عبر برنامج «علي مسئوليتي» المذاع عبر فضائية «صدي البلد»: "في رجل في مؤتمر الثلاثاء اللي كان علي الشمال ده "حمار" مبيفهمش ومتخلف" بيتكلم عن الدستور والقانون.. انت تعرف حاجة عن الدستور والقانون علشان تقول أو تتكلم فيه".
وتابع البرادعي قائلًا: "وبعدين الراجل اللي اسمه طنطاوي ده يعرف إيه عن السياسة الخارجية والاقتصادية.. ولا حاجة ياعلي ولا حاجة، علشان كده كنا بنقول علي مجلس رئاسي متكامل، متابعًا: "فين الفساد السياسي اللي عامله ولاد "......" الترزية اللي خرجوا كل القوانين، فين صفوت الشريف واللي موتوا الناس ، لم نر أي لواء حتى الآن تقدم للمحاكمة".
وأردف قائلًا: أنا برضو هكتب تويتة علي الواد ابن "الحمار" بتاع المصريين وهخلي عنوانها "هل تم التحفظ علي حساب الأسرة ولا لأ" علشان أقرف عيشتهم كل يوم.
وتابع قائلًا: "وكمان جاب واحد آفاق اسمه يحيى الجمل خرب الدنيا، وعلي رأي الغزالي حرب بيقول علي الجمل رجل بتاع أمن خالص".. وسمعت حد تاني بيقول إن الجمل كان محامي شفيق".